1. Mose 17से लोकप्रिय बाइबिल छंद

शेयर

Aus Abram 99 Joa oolt wia haud hee eene Erfoarunk wua de HAR no am kjeem un säd: Ekj sie Gott, dee aule Macht haft. Waundel no mienen Wellen, un veschuldj die nich.

Dien Nomen woat wiedahans nich Abram sennen, dien Nomen woat Abraham sennen, wiels ekj die een Voda äwa väle Velkja moak.

Ekj woa mienen Bunt met die un diene Nokomen derch äare Jennerazionen no die, eenen eewjen Bunt moaken. Ekj woa dien un diene Nokomen äa Gott sennen.

Nu weetst daut mien Bunt met die es, un du woascht de Voda äwa väle Velkja sennen.

Un Gott säd: Nä. Diene Fru, Sara, woat eenen Sän haben. Dän saust du Isaak nanen. Ekj woa mienen Bunt met am moaken, daut et een eewja Bunt es met siene Nokomen no am.

Un ekj woa die un diene Nokomen no die daut Launt jäwen, wua du romjewaundat hast, daut gaunze Launt Kanaan, daut see daut aus een eewjet Oafgoot haben un ekj äa Gott sennen woa.

Dan kjneed Abraham sikj bat oppe Ieed un lacht. Hee docht: Kaun een Maun dee 100 Joa oolt es, noch een Voda woaren? Saul Sara, dee 90 Joa oolt es, noch een kjlienet Kjint haben?

Un Gott säd to Abraham: Diene Fru Sarai, saust du nich lenja Sarai nanen, oba Sara.

Jie sellen junt aun de Väahut aun aule Junges un Mana beschnieden un daut woat daut Tieekjen sennen von däm Bunt tweschen mie un junt.

Oba mienen Bunt woa ekj met Isaak moaken. Isaak, dän Sara die om disen Tiet näakjstet Joa jäwen woat.

Jieda Maun un jieda Jung mank junt, dee mea aus acht Doag oolt es, saul beschnäden woaren. Dee waut mank junt jebuaren worden sent un dee waut jie von framde met Jelt jekoft haben, sellen beschnäden woaren. Soo saul mien Bunt aus een eewjen Bunt aun jun Fleesch kloa sennen.