Hechos 16से लोकप्रिय बाइबिल छंद

शेयर

Ec'u rique xquibi'ij che: —Chacojo rubi' ri Kanimajawal Jesucristo y jela' catcolobetaj ri'at cuc' conoje ri e c'o pa wocho —xecha'.

Pero pa tiq'uil ak'ab c'ut, ri Pablo y ri Silas caqui'an orar y caquibixoj bixobal che ri Dios. Yey e tak c'u ri e c'o pa ri cárcel quequitata'. Xakic'ate't c'ut xpe jun nimalaj cabrakan y xujek cuyiquiya' c'a pa rakanibal ri cárcel. Na jampatana c'u ri' xejakajob ronoje tak ri oquibal re ri cárcel y xesotosob tak ri carena chique ri e c'o pa ri cárcel.

Ewi xeberesela' lok y xutz'onoj chique: —Achijab, ¿sa' ri can'ano cha' quincolobetajic? —xcha'.

Echiri' xc'un sak chwa raj chajal re ri cárcel, xrilo e jakal tak chi ri oquibal re ri cárcel. Xresaj c'u lo ru espada cha' cucamisaj rib; ma e chwach rire, conoje ri e c'o chi presoyil xebanimaj bi. Pero ri Pablo co xsiq'uinic, jewa' xubi'ij che: —¡Mac'o ma'an che awibil awib, ma konoje oj c'o wara! —xcha'.