XÓ NI̱GI̱ꞋDU̱U̱N-MUU 17से लोकप्रिय बाइबिल छंद

शेयर

Abrám gíꞌdoo akho̱ skíñú gu̱wa̱ꞌ-nítsu i̱kho̱ (99) tsiguu̱, ído̱ nikujmaa Ana̱ꞌlóꞌ Mikhuíí inuu̱ jamí waꞌtháa̱n: ―Ikhúúnꞌ ñaju̱nꞌ Ana̱a̱ꞌ Mikhuíí tsí Gíꞌdoo Xúgíí Tsiakhe̱. Ga̱ꞌne mbá jmbu a̱kia̱a̱nꞌ rí ma̱ra̱xtaa ná inu̱ꞌ.

Jamí ná-xáꞌne mbiꞌyaaꞌ Abrám rá, rí xúge̱ꞌ ma̱ꞌne mbiꞌyaaꞌ Abraám, numuu rí ikhúúnꞌ ni̱ꞌgíín rí ma̱nindxa̱a̱ꞌ anu̱ú xa̱bo̱ tsí mbaꞌa inúú.

Jamí na̱ꞌgílo̱ꞌ awan ga̱jma̱á nindxa̱a̱ꞌ ikháán, xúꞌkhue̱n máꞌ xa̱bia̱a̱ꞌ tsí ma̱guwá inaaꞌ, mangaa máꞌ xa̱bíi̱n ikhii̱n, rí jámuu ñajuun awan ríge̱ꞌ. Ikhúúnꞌ ma̱nindxu̱ꞌ Ana̱a̱ꞌ Mikhuíí, jamí xúꞌkhue̱n máꞌ Anu̱ú mangiin xa̱bia̱a̱ꞌ tsí ma̱gu̱mii nda̱wa̱á.

―Ríge̱ꞌ ñajuun awan rí nagúꞌdo̱ꞌ ga̱jma̱á nindxa̱a̱ꞌ, rí ikháán ma̱nindxa̱a̱ꞌ anu̱ú xa̱bo̱ tsí mbaꞌa inúú.

A̱ꞌkhue̱n niriꞌña̱a̱ Ana̱ꞌlóꞌ: ―Gakon rí a̱ꞌgia̱a̱ꞌ ma̱ꞌne ku̱maa mbáa a̱ꞌdeáaꞌ, jamí ma̱ra̱xna̱ mbiꞌyuu̱ Isaák. Ikhaa̱ ma̱gúꞌdo̱ꞌ ga̱jme̱ꞌ awan, rí jámuu ma̱ri̱gá awan rúꞌkhue̱n ga̱jma̱á nindxu̱ún xa̱bi̱i̱ tsí ma̱gu̱mii nda̱wa̱á.

Jamí ma̱xna̱a̱ꞌ ikháán, xúꞌkhue̱n máꞌ mangiin xa̱bia̱a̱ꞌ tsí ma̱guwá inaaꞌ, mbaa ná ngraꞌaaꞌ, mbá xúgíí mbayuu Kanaán, rí jámuu magóó ra̱ya̱xíi̱ ne̱, jamí ikhúúnꞌ ma̱nindxu̱ꞌ Anúu̱.

A̱ꞌkhue̱n rí Abraám nismáti̱go̱o̱ rí niꞌgí inuu asndo mbayíí, jamí ninduꞌwée̱ rí nindxaꞌwá-mine̱e̱ꞌ: «Mbáa xa̱biya̱ tsí gíꞌdoo witsu skíñú (100) tsiguu ma̱gu̱maa mbáa a̱dée ráꞌ. Jamí Sára̱, gíꞌdoo máꞌ akho̱ skíñú gu̱wa̱ꞌ (90) tsiguu, mago̱-éda ja ráꞌ».

Ana̱ꞌlóꞌ niꞌthúun xóó Abraám: ―Tsí a̱ꞌgia̱a̱ꞌ, ná-xáꞌne mbiꞌyuu̱ Saraí, rí Sára̱ gáꞌne mbiꞌyuu̱ xúge̱ꞌ rá.

Tsina-jndi ñajuun rí mo̱thon-rígú xtóo idxu̱u̱ xuyalaꞌ, jamí ikhaa ríge̱ꞌ ñajuun rí masngájma awan rí nawanálóꞌ.

I̱ndo̱ó máꞌ Isaák rá, tsí ma̱ꞌne ku̱maa Sára̱ xíríga̱á rí i̱mba̱ tsígu, tsúꞌkhue̱n ma̱gúꞌdo̱ꞌ awan ga̱jma̱á nindxu̱u̱.

Mbámbáa xa̱biya̱ tsí ikháa̱nꞌlaꞌ gíꞌmaa ma̱gi̱ꞌdoo tsina-jndi ído̱ gáꞌne migiñuu mbiꞌi rí ni̱gu̱maa, xúꞌkhue̱n máꞌ mo̱ne̱laꞌ asndo jámuu mbiꞌi. Ikhaa máꞌ gágu̱máá tsí ni̱gu̱maa guꞌwáá, xúꞌkhue̱n máꞌ mangaa tsí ra̱ꞌkháa xa̱bia̱a̱ꞌ tsí niratsi̱i̱ ga̱jma̱á mbúkha̱a̱ꞌ inuu xa̱bo̱ tsí na̱ꞌkha̱ i̱mba̱ xuajen. Gíꞌmaa ma̱gi̱ꞌdoo tsina-jndi tsí ni̱gu̱maa ná guꞌwáaꞌ, jamí xúꞌkhue̱n máꞌ tsí waꞌtsi̱i̱ ga̱jma̱á mbúkha̱a̱. Xkuaꞌnii nawanúu awan drígo̱ꞌ ná xuyalaꞌ rí awan jámuu mbiꞌi ñajuun.