ኀበ ሰብአ ቆሮንቶስ 2 4से लोकप्रिय बाइबिल छंद

शेयर

እስመ ኢንሴፎ ዘያስተርኢ አላ ዘኢያስተርኢ እስመ ዘያስተርኢ ዓለም ኀላፊ ውእቱ ወዘሰ ኢያስተርኢ ቀዋሚ እስከ ለዓለም ውእቱ።

ወበእንተዝ ኢንትቈጣዕ ወኢንትሀከይ እስመ ዘእንተ አፍኣነ ብእሲ በላዪ ወዘእንተ ውስጥነሰ ይትሔደስ ኵሎ አሚረ። እስመ ሕማምነ ዘለሰዓት ቀሊል ክብረ ወስብሐተ አፈድፊዶ ይገብር ለነ።

እንዘ በኵሉ ነሐምም ኢንትመነደብ ንትሜነንሂ ወኢነኀሥር። ንሰድደሂ ወኢንትገደፍ ንጼዐርሂ ወኢንትኀጐል።

ወብነ ዝንቱ መዝገብ ውስተ ንዋየ ልሕኵት ከመ ይኩን ዕበየ ኀይል ዘእምኀበ እግዚአብሔር ወአኮ ዘእምኀቤነ።

እስመ ጸለሎሙ ልቦሙ እግዚአብሔር አምላክ ዘለዓለም ከመ ኢይርአዩ ብርሃነ ትምህርተ ሰብሐተ ክርስቶስ ዘውእቱ አርኣያሁ ለእግዚአብሔር።

እስመ እግዚአብሔር ዘይቤ ይሥርቅ ብርሃን ውስተ ጽልመት ውእቱ አብርሀ ውስተ ልብነ ብርሃነ አእምሮ ስብሐቲሁ በገጹ ለኢየሱስ ክርስቶስ።