1 أيث-كورينث 15से लोकप्रिय बाइबिल छंद

शेयर

س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.

نشِّين أَ نحْمذ أَربِّـي! نتَّا يتِيشّ-اَنغ-د بَاش أَ نرْبح س سِيذِيثْنغ عِيْسَى لْمَسِيح.

وَار خدّْعث شَا يخف نْوم: "ثَمْعَاشَارث ثَعفَّانْت، تْضيَّاع تَّرْبِيَا ثَصبْحَانْت."

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

<هِيوَا شم آ ڒْموْث، أَرْبَاح نّمْ مَانِي يدْجَا؟ هِيوَا شم آ ڒْموْث، ثِيقّسْت نّمْ مَانِي ثدْجَا؟> أَقَا ڒْموْث ثِيقّسْت نّس تَاس-د زِي ڒْمُعْصِيّث. قَا ڒْمُعْصِيّث ثِزمَّار نّس تَاس-د زِي شَّرِيعَا.

أَقَا قَّارغ-اَوم يجّن ن ثْمسْڒَايْث ڒْمَعْنَا نّس ينُوْفَّرن: قَا وَار نتْمتِّي شَا س مَارَّا إِذْنغ. خْمِي غَا يصُوْض زَّامَّار اَنݣَّارُو اَتَاف أَ نْبدّڒ مَارَّا إِذْنغ ذِي صِّفث نّغْنِي. مَانَايَا اَذ يِيڒِي ذغْيَا ذݣ يِجّن ن وَارْمَاش ن ثِيطّ. أَذ يصُوْض زَّامَّار نِّي ثُمَّا اَذ د تْوَاسْنكَّرن يمتِّينن يعْنِي اَذ دُوْمَان إِ ڒبْدَا أَ نِيڒِي نْبدّڒ ذِي صِّفث نّغْنِي.

شُوْف، س يِجّن ن بْنَاذم آدَم ثُوْسَا-د زَّايس ڒْموْث. س يِجّن ن بْنَاذم عَاوذ ثُوْسَا-د زَّايس لْقِيَامَا ن يمتِّينن. ڒَاحقَّاش اَم مَامّش إِي غَا نمّث مَارَّا س بْنَاذم نِّي آدَم، أَمُّو عَاوذ اَغَارْنغ ثِيڒِي ثُوْذَارْث إِ مَارَّا نشِّين س لْمَسِيح.

شُوْف، مِين يفنَّان يتْخصَّا اَذ يغْمس س مِين وَار يفنِّين، ذ مِين يتْمتَّان يتْخصَّا اَذ يغْمس س مِين وَار يتْمتِّين.

أَقَا يتْخصَّا اَذ يحْكم لْمَسِيح اَڒ غَا يݣّ أَربِّـي مَارَّا ڒْعَذْيَان نّس سْوَادَّاي ن سُّلْطَا ن يضَارن نّس. ڒَعْذُو اَنݣَّارُو إِي غَا يبطَّڒ نتَّاث ذ ڒْموْث.