1 أيث-كورينث 12से लोकप्रिय बाइबिल छंद

शेयर

ئِمُّوْش-اَس إِ كُڒ يجّن إِي زِي غَا يسْمظْهَار ڒْخذْمث ن أَرُّوْح يقدّْسن بَاش اَذ ينْفع مَارَّا يوْذَان.

فَا كنِّيو ذ دَّات-أَ يعْنِي ذ جْمَاعث ن لْمَسِيح، كُڒ يجّن زَّايْوم ذ يجّن طَّارْف زَّايس.

مڒَا شَان يِجّن يتْوَاعْدَّاب، أَذ تْوَاعدَّابن كُڒْشِي. مڒَا شَان يِجّن ثمُّوْش-اَس لْقِيمَا، أَكِذس فَرْحن مَارَّا.

ئِجّن يمُّوْش-اَس س وفُوْس ن أَرُّوْح يقدّْسن بَاش اَذ يسِّيوڒ س لْحِكْمَا. ئِجّن يمُّوْش-اَس اَوَاڒ ن ثُوْسْنَا س وفُوْس ن أَرُّوْح-أَ وَانِيتَا. ئِجّن يمُّوْش-اَس لْإِيمَان يجْهذ س وفُوْس ن أَرُّوْح-أَ وَانِيتَا. ئِجّن مُّوْشنْت-اَس شَان لْقُدْرَاث بَاش اَذ يسْݣنْفَا س وفُوْس ن أَرُّوْح-أَ وَانِيتَا. ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

مَارَّا ثِمسْڒَايِين-أَ ثِيْنَا تْوَاسْخدَّامنْت س وفُوْس ن يِجّن ن أَرُّوْح وَانِيتَا. ئِفَرق-يثنْت إِ كُڒ يجّن وَاحْذس مَامّش يخس نتَّا.

أَمُّو وَار يدْجِي بُو لْخِلَاف ذِي دَّات، تْهلَّانْت ذݣ وَايْوَايَا كِيف-كِيف.

فَا ذِنِّي لْأَنْوَاع ن لْقُدْرَاث، وَلَكِن أَرُّوْح ذ يجّن. ذِنِّي لْأَنْوَاع ن لْمسْؤُلِيَاث، وَلَكِن سِيذِيثْنغ ذ يجّن. ذِنِّي لْأَنْوَاع ن ڒخْذَايم، وَلَكِن أَربِّـي ذ يجّن ذ نتَّا إِي ثنْت يسْخدَّامن مَارَّا ذِي كُڒ بْنَاذم.

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

ڒخُّو شُوْف، دَّات وَار غَارس شَا يجّن ن طَّارْف وَاهَا؛ لَّا، غَارس اَطَّاس ن طْرُوْفَاث.

لَّا، طْرُوْفَاث نِّي ن دَّات إِي ذَانغ تْغِيڒ ضعْفنْت اَتَاف نِثنْتِي تْوَاحْذَاجَانْت كْتَار.

مڒَا دَّات ثكْمَاڒ نتَّاث ذ يجّن ن ثِيطّ، مَانِيس إِي غَا ثْصنّط؟ مڒَا دَّات ثكْمَاڒ نتَّاث ذ يجّن ن ومجُّوْن، مَانِيس إِي غَا ثْشُوْمّ؟ وَلَكِن ڒخُّو أَربِّـي يستّف طْرُوْفَاث ن دَّات يسّن كُڒ يشِتن مَامّش يخس اَت يݣّ. إِيوَا مَعْلِيك طْرُوْفَاث-أَ مَارَّا تُوْغَا ذ يجّن، مَانِي ثدْجَا دَّات؟