Pangentasan 12से लोकप्रिय बाइबिल छंद

शेयर

Awit ing mbengi kuwi Aku bakal lunga ndlajahi sak negara Egipte, lan sakkèhé anak mbarep, ya anaké manungsa kabèh anaké kéwan-kéwan, bakal Tak patèni, mengkono uga sakkèhé allahé wong Egipte bakal Tak tibani paukuman, Aku iki GUSTI. Lah getih kuwi dadia tanda ing omah sing kok enggoni. Yèn Aku weruh getih mau, bakal Tak liwati, nganti ing tengah-tengahmu bakal ora ana bebendu sing medèni, yèn Aku ngukum negara Egipte.

Dadiné dina kuwi dadia dina pengéling-éling kanggo kowé, pada kok dadèkné riyaya kanggo GUSTI ing turun-turunanmu. Kowé padaa ngramèkké, dadèkna pernatan kanggo selawasé.

Yèn anakmu pada takon marang kowé: “Apa tegesé pangabekti iki?” Terus pada semaurana: “Kuwi kurban Paskah pasrah marang GUSTI, sing ngliwati omah-omahé wong Israèl ing negara Egipte, nalikané wong Egipte ditibani bebendu, nanging omah-omah kita dislametké.” Bangsa kuwi terus pada sendeku lan nyembah sujut.