1 Corintios 12से लोकप्रिय बाइबिल छंद

शेयर

Díos tjajon kjuachaxin kixin nkojnko chojni tsja̱ko̱xi̱n ti kjuachaxin kuènté Ncha̱kuén Díos kixin xi̱kaha chrókjuinki̱tsa íso chojni.

A̱ndá jahara mé kꞌónara ti cuerpo kuènté Cristo la ko nkojnkora mé nkojnko ti parte kuènté ti cuerpo kuènté chꞌan.

Ti ó tóníhi ijnko parte kuènté ti cuerpo la kuenté tjotéhe kja̱xin; a̱ndá ti tjikosayéheni ijnko parte la kuenté tóchéhe̱.

A̱ndá iso chojni tsíkꞌáyéhe̱ kjuachaxin tsonixja kjuaxrexinkaon jína la ti Ncha̱kuén Díos mé tjinki̱tsa, la ko íso chojni tsíkꞌáyéhe̱ kjuachaxin tsochronka nkehe tjinkaon Díos kixin Ncha̱kuén Díos mé tjinki̱tsa tso̱nohe sin. La íso chojni mé tsíkꞌáyéhe̱ kjuachaxin a̱ntsí tsinkáchónki Díos kixin Ncha̱kuén Díos mé tjinki̱tsa. La ko íso sin la tsíkꞌáyéhe̱ kjuachaxin sinchekito̱he chojni jína. Íso sin la tsíkꞌáyéhe̱ kjuachaxin tsjasin kjuaxroan kuènté Díos, íso sin la tsíkꞌáyéhe̱ kjuachaxin tsonixja sin ijnko nkehe kuènté Díos, íso sin la tsíkꞌáyéhe̱ kjuachaxin tsjatso̱an sin á Ncha̱kuén Díos o̱ ncha̱kuén jínahña nixjaxin chojni, íso sin la tsíkꞌáyéhe̱ kjuachaxin ókjé ngiva tsonixja̱xi̱n ti itén Díos, la ko íso sin la tsíkꞌáyéhe̱ kjuachaxin tsochronkaxín nkehe tꞌaxrjexín ti íjnko ngiva.

Kjánchó kaín tíha la jehó Ncha̱kuén Díos tjajon, la chjéhe nkojnko chojni nkojnko kjuachaxin éxi ti ixra̱ tjinkaon chꞌan sichꞌe sin.

Mé xi̱kaha xrokjuahya tsoxika̱ye̱he ti cuerpo kixin kaín ti parte la nkokón tjinki̱tsa kícho.

*Siín nchónhña ixra̱, kjánchó jehó Ncha̱kuén Díos mé tjajon kaín tíha. La ko siín itsjé nkexrín sichꞌeni ixra̱, kjánchó nkoko̱a Díos chꞌeheni ixra̱. La ko siín nchónhña ixra̱ sichꞌeni, kjánchó jehó Díos mé tjajon ti kjuachaxin chꞌexíni kaín tíha.

*Méxra̱ ti ni̱nko la Díos kjueyá sa̱o ti sin apóstol; yaáxin la ti sin tsochronkaxín ti itén chꞌan, yꞌáxin, la ti sin tsjako ti itén Díos, iso sin la tsja̱ko̱xi̱n ti kjuachaxin kuenté Díos, íso sin la sinchekito̱he chojni níhi jína, kja̱xin íso sin la a̱ntsí tjinki̱tsa sin ti sin ticháxi̱hin, la íso sin la tsꞌe̱to̱an ti ixra̱ kuènté chꞌan, la ko kja̱xin íso sin tsonixja̱xi̱n íjnko ngiva.

Kixin ijnko cuerpo la jehya nkoko̱a parte chónta. Náhí. Itsjé parte chónta.

Náhí. Kixin ti parte tjenka̱yáxini kixin tjetuanhña la mé a̱ntsí ticháxi̱n.

Kixin ti kuenté ti cuerpo chrókꞌóna ikoni, ¿la nketí chrókienxíni? A̱ndá ti kuenté ti cuerpo chrókꞌóna ndatsjoni, la xrokjuahya chrókókaxraxéhe̱ni. Kjánchó Díos kjuakꞌe nkojnko parte ti cuerpo éxi nkexrín kóxríhi̱n chꞌan xi̱kaha. Ti chrókꞌóna nkoko̱a parte ti cuerpo, la chrókójehya cuerpo tíha.