<div class="version vid1388 iso6393yka" data-vid="1388" data-iso6393="yka">
 <div class="book bkGEN">
 <div class="chapter ch42" data-usfm="GEN.42">
 <div class="label">42</div><div class="s">Me&#42892; pungtina&#42892;i si Yusup p&#299; hap Misir melli kinakan</div><div class="p"> 1Pag takale si Yakub we&#42892; niya&#42892; kinakan pinabellihan la&#42892;i si lahat Misir, pa&#42892;inne si me&#42892; anaknen, &#8220;We&#42892;ey hadja ka&#42892;am pahali? 2Takaleku,&#8221; pa&#42892;inne, &#8220;we&#42892; niya&#42892; ko&#42892; kinakan pinabellihan la&#42892;i si Misir. P&#299; ka&#42892;am bellihanun kite bi kinakan duk kite bi ga&#42892;i matey.&#8221; 3Manjari p&#299; ne me&#42892; saka si Yusup samp&#363;&#42892;in magbelli kinakan si lahat Misir. 4Saguwa&#42892; ga&#42892;i dina&#42892;ak nuhut Binyamin, sali Yusupin, we&#42892; si Yakub pegge&#42892; tinalew iye kaw niya&#42892; umantag si iye. 5Magtuhut ne me&#42892; anak Yakubin duk me&#42892; a&#42892;a sinduwehin p&#299; magbelli kinakan pegge&#42892; kasigpitan isab siye sabab unusin si lahat Kana&#42892;an.</div><div class="p"> 6Manjari, si Yusup ne mangantan lahat Misirin, duk iye magantan me&#42892; magpabelli kinakan si k&#275;mon me&#42892; a&#42892;ahin. Manjari p&#299; me&#42892; saka Yusupin si iye duk pasujud siye si iye, lendo&#42892;den diyata&#42892; bulak. 7Takilale we&#42892; si Yusup me&#42892; sakanen saguwa&#42892; magm&#257;-m&#257; ga&#42892;i siye takilalene ubus bu binistiga siye we&#42892; ne, pa&#42892;inne, &#8220;Ambanbi?&#8221; &#8220;Amban lahat Kana&#42892;an,&#8221; pa&#42892;inde, &#8220;pitu kami melli kinakan.&#8221; 8Bisan si Yusup takilalene sakanen, bang siye ga&#42892; iye takilalede. 9Ta&#42892;esseb-esseb si Yusup me&#42892; bakas tineginepne metu&#42892;uhin bu pa&#42892;inne si siye, &#8220;Ka&#42892;am iyan isp&#257;y. Hatu pitu ka&#42892;am mayam hadja bang sa&#42892;ingge kami makajari tada&#42892;ag.&#8221; 10Pa&#42892;inde, &#8220;Duma&#42892;in kami pitu magisp&#257;y, Tuwan, pitu kami, me&#42892; dara&#42892;akannun, melli kinakan hadja. 11Dambuwa&#42892; du sama kamihin. Me&#42892; a&#42892;a bentel kami. Duma&#42892;in kami, me&#42892; dara&#42892;akannun, isp&#257;y.&#8221; 12Pa&#42892;inne si siye, &#8220;Duma&#42892;in. Asal magisp&#257;y ka&#42892;am pitu si lahat inin mayam bang sa&#42892;ingge makajari tada&#42892;ag.&#8221; 13Ubus pa&#42892;inde, &#8220;Kami, me&#42892; dara&#42892;akannun, samp&#363;&#42892; duk duwe kami magpungtina&#42892;ihin. Dambuwa&#42892; du sama kamihin la&#42892;i si lahat Kana&#42892;an. Kabungsuhanin &#299;&#42892; la&#42892;i ta&#42892;amban si sama kamihin duk dambuwa&#42892;in ubus ne matey.&#8221;</div><div class="p"> 14Saguwa&#42892; si Yusup, pa&#42892;inne, &#8220;S&#257; pina&#42892;inkun hep, isp&#257;y ka&#42892;am. 15Payamanku ko&#42892; bang to&#42892;o ke pina&#42892;inbin. Bang ga&#42892;i pitu salibin, sapahanku we&#42892; ga&#42892;i ka&#42892;am makajari tahala&#42892; amban lahat inin. To&#42892;o pina&#42892;inku inin kuwe&#42892; to&#42892;o we&#42892; ellum sultanin. 16Dambuwa&#42892; ka&#42892;am p&#299; ngeddo&#42892; salibin duk me&#42892; sinduwehin tu&#42892;u dahu&#42892; dem kalabusu duk kata&#42892;uhanku bang to&#42892;o ke pina&#42892;inbin. Bang ga&#42892;i to&#42892;o, asal bugtu&#42892; isp&#257;y te&#42892;ed ka&#42892;am.&#8221; 17Ubus bu kinalabusu siye we&#42892; ne tellum bahangi.</div><div class="p"> 18Pag katellum bahanginen pa&#42892;in si Yusup si siye, &#8220;Pegge&#42892; tinalew ku si Tuhan ma&#42892;ase&#42892; ku si ka&#42892;am. Hinangun bi inin duk ka&#42892;am ellum. 19Bang a&#42892;a bentel ka&#42892;am, makajari dambuwa&#42892; hadja ka&#42892;am ta&#42892;amban tu&#42892;u dem kalabusu. Sinduwehin makajari p&#299; mo&#42892;o kinakan si anak-andabin duk siye ga&#42892;i inusan. 20Ubus bu bo&#42892;ohun bi pitu salibin. Bang s&#257; iyan hinangbi kata&#42892;uhanku we&#42892; bennal biniss&#257;bin duk ka&#42892;am ga&#42892;i papateyku.&#8221; Tinuhut we&#42892; de biss&#257;ne miya&#42892;an. 21Ubus magbiss&#257;-biss&#257; siye d&#299;hanande, pa&#42892;inde, &#8220;Bugtu&#42892; inin ne tumbas hininangten bi sabab si Yusup pungtina&#42892;iten bi. Takitete bi kasigpitannen duk talewnen. Pabuyu&#42892;-buyu&#42892; iye si kite bi bu ga&#42892; asipte bi. Hangkan hep kasigpitan kite bi kuwe&#42892;itu.&#8221; 22Pa&#42892;in si Ruben, &#8220;Hangkan ne pa&#42892;inku, &#8216;Da&#42892;a iye binasahun bi,&#8217; saguwa&#42892; ga&#42892; ka&#42892;am ngasip. Na, kuwe&#42892;itu tinumbasan kite bi sabab kamateynen.&#8221; 23Ga&#42892;i kata&#42892;uhande we&#42892; tasabut si Yusup biniss&#257;den pegge&#42892; niya&#42892; hep a&#42892;a magpah&#257;ti si siye. 24Ubus tahala&#42892; si Yusup duk nangis iye. Pag ubus iye nangis, p&#299; iye balik duk miss&#257; si siye. Ubus bu dina&#42892;ak ineddo&#42892; we&#42892; ne Simeon duk dina&#42892;ak iningketan we&#42892; ne s&#257;bu la&#42892;i pe siye.</div><div class="p"> 25Manjari da&#42892;ak si Yusup dara&#42892;akannen pinenno&#42892;an karut me&#42892; sakanen duk kinakan duk pinabalik s&#299;nden dangan-dangan inisi dem karutde duk inurungan isab siye lutu&#42892;. Iye miya&#42892;an hininang we&#42892; me&#42892; dara&#42892;akannen.</div><div class="p"> 26Ubus dinuwa&#42892; ne we&#42892; me&#42892; pungtina&#42892;ine miya&#42892;an kinakanin diyata&#42892; hayepde, ubus bu hap luma&#42892; ne siye. 27Pag sakali&#42892; siye padeheng pegge&#42892; sangem ne, iluka we&#42892; dambuwa&#42892;in karutnen urunganne hayepnen kinakan. Takitene s&#299;nnen la&#42892;i dem karut. 28Pa&#42892;inne si me&#42892; pungtina&#42892;inen, &#8220;Tiya&#42892; du pinabalik s&#299;nkun. Tiya&#42892; du tu&#42892;u dem karutku.&#8221; Arak siye ka&#42892;um&#257;gadan duk migpid siye manamal duk pa&#42892;inde, &#8220;Ine te&#42892; hinangan Tuhan si kitehin bi?&#8221;</div><div class="p"> 29Pag tekka ne siye balik la&#42892;i si lahat Kana&#42892;an, magaka ne siye pu si Yakub samaden sabab k&#275;mon bakas ma&#42892;umantag si siyehin. 30Pa&#42892;inde, &#8220;A&#42892;a miya&#42892;an, iye mangantanan lahat Misirin, binistiga kami we&#42892; ne duk pa&#42892;inne we&#42892; isp&#257;y ko&#42892; kami la&#42892;i si lahatde. 31Akahan kami iye we&#42892; kami me&#42892; a&#42892;a bentel. &#8216;Duma&#42892;in kami isp&#257;y,&#8217; pa&#42892;in kami. 32&#8216;Samp&#363;&#42892; duk duwe kami magpungtina&#42892;ihin. Magdambuwa&#42892; sama kami. Dambuwa&#42892;in matey ne, bu salihin &#299;&#42892; la&#42892;i si sama kamihin si lahat Kana&#42892;an.&#8217; 33Manjari pa&#42892;in a&#42892;a mangantan lahat miya&#42892;an si kami, &#8216;Kahagad ku we&#42892; a&#42892;a bentel ka&#42892;am bang ambananbi tu&#42892;u si aku dambuwa&#42892; pungtina&#42892;ibin. Ubus sinduwehin ka&#42892;am bo&#42892;ohanun bi ne kinakan usbabin si lahat Kana&#42892;an duk siye ga&#42892;i inusan.&#8217; 34Pa&#42892;inne pe, &#8216;Bo&#42892;ohun bi pitu salibin duk kata&#42892;uhanku we&#42892; asal duma&#42892;in ka&#42892;am isp&#257;y saguwa&#42892; me&#42892; a&#42892;a bentel ka&#42892;am. Ubus paluwasku du pungtina&#42892;ibin duk makajari ka&#42892;am lumengngan tungan-tungan tu&#42892;u si lahat inin.&#8217; &#8221;</div><div class="p"> 35Pag bu&#42892;usande isi karutden takesuwa&#42892;de du s&#299;nden dangan-dangan la&#42892;i dem karutde. Pag kitede s&#299;nden tinalew siye. Sampay samaden isab tinalew. 36Manjari pa&#42892;in samaden si Yakub si siye, &#8220;Ka&#42892;am hadja j&#257;nnen hangkan lepas me&#42892; anakkun. Matey ne si Yusup duk ga&#42892; ne tu&#42892;u Simeon. Kuwe&#42892;itu batang eddo&#42892;bi ne isab Binyamin. Aku iye manandal kasusehanin!&#8221; 37Manjari pa&#42892;in si Ruben si samanen, &#8220;Bang ga&#42892;i t&#363;rananku pitu balik Binyamin papateyun sa&#42892; duwe anakku lellahin. Pangandelun si aku Binyamin duk t&#363;rananku du iye balik pitu si ka&#42892;u.&#8221; 38Nambung samanen, pa&#42892;inne, &#8220;Ga&#42892;i makajari; ga&#42892;i anakkun nuhut ka&#42892;am pegge&#42892; matey ne sakane langgungin duk iye sa&#42892; dendangan ta&#42892;ambanin. Bang upama niya&#42892; umantag si iye si palengngananbi suddanen matey ku we&#42892; dukkakun.&#8221;</div>
 </div>
 </div>
</div>

Pag takale si Yakub weꞌ niyaꞌ kinakan pinabellihan laꞌi si lahat Misir, paꞌinne si meꞌ anaknen, “Weꞌey hadja kaꞌam pahali? Takaleku,” paꞌinne, “weꞌ niyaꞌ koꞌ kinakan pinabellihan laꞌi si Misir. Pī kaꞌam bellihanun kite bi kinakan duk kite bi gaꞌi matey.” Manjari pī ne meꞌ saka si Yusup sampūꞌin magbelli kinakan si lahat Misir. Saguwaꞌ gaꞌi dinaꞌak nuhut Binyamin, sali Yusupin, weꞌ si Yakub peggeꞌ tinalew iye kaw niyaꞌ umantag si iye. Magtuhut ne meꞌ anak Yakubin duk meꞌ aꞌa sinduwehin pī magbelli kinakan peggeꞌ kasigpitan isab siye sabab unusin si lahat Kanaꞌan.
Manjari, si Yusup ne mangantan lahat Misirin, duk iye magantan meꞌ magpabelli kinakan si kēmon meꞌ aꞌahin. Manjari pī meꞌ saka Yusupin si iye duk pasujud siye si iye, lendoꞌden diyataꞌ bulak. Takilale weꞌ si Yusup meꞌ sakanen saguwaꞌ magmā-mā gaꞌi siye takilalene ubus bu binistiga siye weꞌ ne, paꞌinne, “Ambanbi?” “Amban lahat Kanaꞌan,” paꞌinde, “pitu kami melli kinakan.” Bisan si Yusup takilalene sakanen, bang siye gaꞌ iye takilalede. Taꞌesseb-esseb si Yusup meꞌ bakas tineginepne metuꞌuhin bu paꞌinne si siye, “Kaꞌam iyan ispāy. Hatu pitu kaꞌam mayam hadja bang saꞌingge kami makajari tadaꞌag.” Paꞌinde, “Dumaꞌin kami pitu magispāy, Tuwan, pitu kami, meꞌ daraꞌakannun, melli kinakan hadja. Dambuwaꞌ du sama kamihin. Meꞌ aꞌa bentel kami. Dumaꞌin kami, meꞌ daraꞌakannun, ispāy.” Paꞌinne si siye, “Dumaꞌin. Asal magispāy kaꞌam pitu si lahat inin mayam bang saꞌingge makajari tadaꞌag.” Ubus paꞌinde, “Kami, meꞌ daraꞌakannun, sampūꞌ duk duwe kami magpungtinaꞌihin. Dambuwaꞌ du sama kamihin laꞌi si lahat Kanaꞌan. Kabungsuhanin īꞌ laꞌi taꞌamban si sama kamihin duk dambuwaꞌin ubus ne matey.”
Saguwaꞌ si Yusup, paꞌinne, “Sā pinaꞌinkun hep, ispāy kaꞌam. Payamanku koꞌ bang toꞌo ke pinaꞌinbin. Bang gaꞌi pitu salibin, sapahanku weꞌ gaꞌi kaꞌam makajari tahalaꞌ amban lahat inin. Toꞌo pinaꞌinku inin kuweꞌ toꞌo weꞌ ellum sultanin. Dambuwaꞌ kaꞌam pī ngeddoꞌ salibin duk meꞌ sinduwehin tuꞌu dahuꞌ dem kalabusu duk kataꞌuhanku bang toꞌo ke pinaꞌinbin. Bang gaꞌi toꞌo, asal bugtuꞌ ispāy teꞌed kaꞌam.” Ubus bu kinalabusu siye weꞌ ne tellum bahangi.
Pag katellum bahanginen paꞌin si Yusup si siye, “Peggeꞌ tinalew ku si Tuhan maꞌaseꞌ ku si kaꞌam. Hinangun bi inin duk kaꞌam ellum. Bang aꞌa bentel kaꞌam, makajari dambuwaꞌ hadja kaꞌam taꞌamban tuꞌu dem kalabusu. Sinduwehin makajari pī moꞌo kinakan si anak-andabin duk siye gaꞌi inusan. Ubus bu boꞌohun bi pitu salibin. Bang sā iyan hinangbi kataꞌuhanku weꞌ bennal binissābin duk kaꞌam gaꞌi papateyku.” Tinuhut weꞌ de bissāne miyaꞌan. Ubus magbissā-bissā siye dīhanande, paꞌinde, “Bugtuꞌ inin ne tumbas hininangten bi sabab si Yusup pungtinaꞌiten bi. Takitete bi kasigpitannen duk talewnen. Pabuyuꞌ-buyuꞌ iye si kite bi bu gaꞌ asipte bi. Hangkan hep kasigpitan kite bi kuweꞌitu.” Paꞌin si Ruben, “Hangkan ne paꞌinku, ‘Daꞌa iye binasahun bi,’ saguwaꞌ gaꞌ kaꞌam ngasip. Na, kuweꞌitu tinumbasan kite bi sabab kamateynen.” Gaꞌi kataꞌuhande weꞌ tasabut si Yusup binissāden peggeꞌ niyaꞌ hep aꞌa magpahāti si siye. Ubus tahalaꞌ si Yusup duk nangis iye. Pag ubus iye nangis, pī iye balik duk missā si siye. Ubus bu dinaꞌak ineddoꞌ weꞌ ne Simeon duk dinaꞌak iningketan weꞌ ne sābu laꞌi pe siye.
Manjari daꞌak si Yusup daraꞌakannen pinennoꞌan karut meꞌ sakanen duk kinakan duk pinabalik sīnden dangan-dangan inisi dem karutde duk inurungan isab siye lutuꞌ. Iye miyaꞌan hininang weꞌ meꞌ daraꞌakannen.
Ubus dinuwaꞌ ne weꞌ meꞌ pungtinaꞌine miyaꞌan kinakanin diyataꞌ hayepde, ubus bu hap lumaꞌ ne siye. Pag sakaliꞌ siye padeheng peggeꞌ sangem ne, iluka weꞌ dambuwaꞌin karutnen urunganne hayepnen kinakan. Takitene sīnnen laꞌi dem karut. Paꞌinne si meꞌ pungtinaꞌinen, “Tiyaꞌ du pinabalik sīnkun. Tiyaꞌ du tuꞌu dem karutku.” Arak siye kaꞌumāgadan duk migpid siye manamal duk paꞌinde, “Ine teꞌ hinangan Tuhan si kitehin bi?”
Pag tekka ne siye balik laꞌi si lahat Kanaꞌan, magaka ne siye pu si Yakub samaden sabab kēmon bakas maꞌumantag si siyehin. Paꞌinde, “Aꞌa miyaꞌan, iye mangantanan lahat Misirin, binistiga kami weꞌ ne duk paꞌinne weꞌ ispāy koꞌ kami laꞌi si lahatde. Akahan kami iye weꞌ kami meꞌ aꞌa bentel. ‘Dumaꞌin kami ispāy,’ paꞌin kami. ‘Sampūꞌ duk duwe kami magpungtinaꞌihin. Magdambuwaꞌ sama kami. Dambuwaꞌin matey ne, bu salihin īꞌ laꞌi si sama kamihin si lahat Kanaꞌan.’ Manjari paꞌin aꞌa mangantan lahat miyaꞌan si kami, ‘Kahagad ku weꞌ aꞌa bentel kaꞌam bang ambananbi tuꞌu si aku dambuwaꞌ pungtinaꞌibin. Ubus sinduwehin kaꞌam boꞌohanun bi ne kinakan usbabin si lahat Kanaꞌan duk siye gaꞌi inusan.’ Paꞌinne pe, ‘Boꞌohun bi pitu salibin duk kataꞌuhanku weꞌ asal dumaꞌin kaꞌam ispāy saguwaꞌ meꞌ aꞌa bentel kaꞌam. Ubus paluwasku du pungtinaꞌibin duk makajari kaꞌam lumengngan tungan-tungan tuꞌu si lahat inin.’ ”
Pag buꞌusande isi karutden takesuwaꞌde du sīnden dangan-dangan laꞌi dem karutde. Pag kitede sīnden tinalew siye. Sampay samaden isab tinalew. Manjari paꞌin samaden si Yakub si siye, “Kaꞌam hadja jānnen hangkan lepas meꞌ anakkun. Matey ne si Yusup duk gaꞌ ne tuꞌu Simeon. Kuweꞌitu batang eddoꞌbi ne isab Binyamin. Aku iye manandal kasusehanin!” Manjari paꞌin si Ruben si samanen, “Bang gaꞌi tūrananku pitu balik Binyamin papateyun saꞌ duwe anakku lellahin. Pangandelun si aku Binyamin duk tūrananku du iye balik pitu si kaꞌu.” Nambung samanen, paꞌinne, “Gaꞌi makajari; gaꞌi anakkun nuhut kaꞌam peggeꞌ matey ne sakane langgungin duk iye saꞌ dendangan taꞌambanin. Bang upama niyaꞌ umantag si iye si palengngananbi suddanen matey ku weꞌ dukkakun.”

सुनें - Panagnaꞌan 42