Matáyoso 6
6
Mfaán
1«Nudialá agá eŋís yá band manda ɔmɔ́ Gɔdányá ófonó, ká núbídíyenyi. Kand nɔ́, nudɛ́nubiá bɛnama aga síe wanɔ unyá ugumuana. 2Gɛsɛgɛl nuéŋené ɔsúgɔsugɔ buanda, nudidɔ́ŋɔ́ nŋóŋ anyɛ́ band bá bɛsɔbɔ álaná agá bians bá mbísógól na agá bɔkɔɔ́m band lumenené. Bɔ́bɔ́ báguála nɔ́ gá guamba ká band gúmenyi bɔ́. Mmɔ́nuɔ́yɛ́dɛ́n ká, agá meliŋítas, básaman gubia bɛnama bɔ́b. 3Aŋuá gɔg, gɛsɛgɛl éŋéné ɔsúgɔsugɔ buanda, ɔmbɔ́g wɔ́w adád dɛgúsɛgɛmanan gulɛns ɔbɔ́ ɔmbɔ́g ɔnɛ́m álaná, 4ká mfaán yɔ́w lɔ́bɛn agá niɔs; tiɔ́ wánaná agá niɔs, gagufá bɛnama bɔ́w.
Mbísógol
5«Gɛsɛgɛl nubísógólonyó, nudialá anyɛ band bá bɛsɔbɔ bébílénené gudélímen agá bians bá mbísógól gá guala mbísógól na agá mádɔgana má nŋili, ká bébídíyenyi. Agá meliŋítas ngúnuɔ́yɔɔn ká, básaman gubia bɛnama bɔ́b. 6Aŋuá gɔg, gɛsɛgɛl ambaná gubísógólidi, bíŋín ɔgɔ́w gá nɛgɛlɛ, éfuug niíd ná gians, óbísógólónyó tiɔ́ unyá agá kɔɔ́m agany gányá agá niɔs; ány gɔg tiɔ́ wánaná agá niɔs gonúguondinyi bɔ́. 7Gɛsɛgɛl nubísógólonyó, nudidegényí móony anyɛ bɛndiádábá. Bágúbɛ́dága ká gɛsɛgɛl bédégenyé móony, kányɛ Gɔdányá bɛ́dɔ́lɛ́gɔnɔ́ bɔ́. 8Nudiébígédényí bɔ́ gɔg, gisiósio ká nuófún buanda, sié wanɔ ganyá gúlɛnsan ubú nuambaná.
«Mbísógól, yá sié wasɔ»
(Lúk 11.2-4)
9«Banuá gɔg, ana nubiananá ká núbísógólonyi:
Sié wasɔ unyá ugumuana,
alá ká mɔnd gidigid lɛns ubɔ́ ányá,
10Bufuŋ bɔ́w buúl,
nuged nɔ́w biála
egegus anyɛ ugumuana.
11Diéŋín manyán ɔmɔ́ diambaná ínen,
12dɛ́tɛ́nɛ́n bɛnana bás kɔɔ́kɔ anyɛ́ basuá sɔ́n dɛtɛ́naná ebe sɔ́n bádiálaná bɛnana,
13adidiág agá mbuge,
edídúgúne gá bɔbɛ.
14«Gá guán, númátɛ́nɛn band bɛnana bɔ́b, síe wanɔ unyá ugumuan ganútɛ́nɛn sɔ́n. 15Númén gutɛ́nɛn band bɛnana bɔ́b, sié wanɔ dɛganútɛ́nɛn baán sɔ́n.
Gubílég gá manyán
16«Gɛsɛgɛl numénubílég manyán, nudiɔ́lɔbɔɔ́n gɔsɔ́g anyɛ bɔsɔ́b sɔb álaná: bɔ́gúgɔ́lɔn edényi uwaány gá gudíye band ká bégubílég manyán. Agá meliŋítas ngunuɔ́yɔɔn ká: Básaman gubia bɛnama bɔ́b. 17Aŋuá, gɛsɛgɛl ebílégené manyán, bɛ́sɔ́gɛ́d busió, ébífú megud má ɔlɔf, 18ká edidíyé band ká esebílég manyán. Kɔɔ́k tiɔ́ gɔg unyá agá niɔs wánaná ubá alaná agá niɔs, uganúgúfá bɛnama bɔ́w.
Bɔnɛ́m bá bese nyɛ ugumuana
(Lúk 12.33-34)
19«Nudiágɔ́sá bɔnɛ́m bán egegus kɔɔ́m ɔgɔ́ buɛ́nyá na nŋeéŋ nyá bágúsɛŋɛn bɔ́, gúmén ká ta eŋéb úgús nɛmám, úman gugɔ́l bú. 20Ánugɔ́sá bɔnɛ́m bán ugumuana kɔɔ́m ta buɛ́nyá ta iŋéŋ diábáná bágúsɛŋɛn bɔ́, ta béeb diábáná bégúgús amam ká beéb bɔ́. 21Gágual ká kɔɔ́m bɔnɛ́m bɔ́w nyá, gɔ́gɔ́ ɔdɛm wɔ́w nyá.
Lámba wa nuɔ́l
(Lúk 11.34-36)
22«Lámba wa nuɔ́l nyɛ́ niís. Niís nɔ́w máal nídɛ́nɔ́má, nuɔ́l nɔ́w gidigid gabá agá gise. 23Niís nɔ́w mánɔ́ma gɔg, nuɔ́l nɔ́w gidigid gabá agá mbíne. Ímábá gɔg ká gise gínyá ɔgɔ́w gá nuɔ́l nyɛ́ mbíne, mbíne yɔw nyɛ mény bugaga.
Ányá buófono gueyid, Gɔdányá e, muonyi e?
(Lúk 16.13)
24«Ta mɔnd udɛbá bágualaan bá gɔdányá bándɛ buol, únúbɛ́la omoom, ubíléne omodió, gúmén, únúbɛ́gɔ́dɛ́n omoom, usɛ́gɛ́nan omodió. Nudɛ́bá bágualaan na Gɔdányá na muonyi buol.
Iŋágɛ́nɛ́n
(Lúk 12.22-23)
25«Buád buanda nnuɔ́yɔnɔ́ ká: Nudiákɛ́nán gán gá gusɔ́d, gá ubɔ́ nuganúnyánan, ta gá nuɔ́l naán, ta gá ubú nuganúbɛ́láŋa. Gusɔ́d dɛgúdɔ́mbaan manyán e, nuɔ́l dɔ́mbaan gɛsɔnɔ e? 26Ánulɛ́ŋá munoni: Múdɛgúgɔ́na, múdigúgaya, mudɛgúbɛ́dɛ́gaan agá gɛsasɔ, sié wanɔ unyá ugumuana guáfɛnan mɔ́! Nudigúdúmbaan mú e? 27Ányá agán gá ɔlɔŋ ɛŋágɛ́nɛ́n yaga nyá bɔ́guɔyɛ́kɛnɛn medug mág má gusɔ́d ta siɔdɛd e? 28Gá giág nuágɛ́naná gá ɔbɔ́ nubiananá ká núbiág e? Ánulɛ́ŋá bafalúwa#6.28 Bómodió guɔ́yɔ ká bafalɔ́wa. bá bisién anyɛ́ bágúmaná: Bádɛguála buol, ta gɔnɔga, 29ofuŋ Salomɔ́ŋɔ muát agág gá nugúm mabása udɛbiág gɛla anyɛ omoom wa bafalúwa abaány. 30Gɔdányá málaŋa bigud bá bisién bínyá kɔ́ ínen ana, ɛbɛ́ bégenuéti agá yoóg nŋɔ́guɔ́, udɛ́nuál bɔ́ gudúmbídenyi gán góbusió banuá band ɔbɔ́ nŋádáb yánɔ nyá fágɔfág e? 31Nudiágɛ́nán gɔg na guɔyɔ ká: “Dɛganyá giág e? Tá ká dɛgabúwá giág e, tá ká dɛgabɛ́láŋa na giág e?” 32Manda amaány gidigid band bádiálɛnsáná Gɔdányá bámbaná mɔ́ kand gɛdɔmbɔ. Sié wanɔ unyá ugumuana gúlɛnsan besé ná besé buanda gidigid búnúséméniné. 33Ánuál guamba Bufuŋ bá Gɔdányá na gusɔ́d wófonó, ugɔnuɔ́yɛ́kɛnɛn gudúmbídenyi. 34Nudiágɛ́nán gɔg na nŋɔ́guɔ́, nŋɔ́guɔ́ gágɛ́naan na ɛyɛ́ muát. Sig buɔ́s gúsɛgɛmanan na guɔ́bɛ́g gág.
נבחרו כעת:
Matáyoso 6: MMU2
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
CABTAL
Matáyoso 6
6
Mfaán
1«Nudialá agá eŋís yá band manda ɔmɔ́ Gɔdányá ófonó, ká núbídíyenyi. Kand nɔ́, nudɛ́nubiá bɛnama aga síe wanɔ unyá ugumuana. 2Gɛsɛgɛl nuéŋené ɔsúgɔsugɔ buanda, nudidɔ́ŋɔ́ nŋóŋ anyɛ́ band bá bɛsɔbɔ álaná agá bians bá mbísógól na agá bɔkɔɔ́m band lumenené. Bɔ́bɔ́ báguála nɔ́ gá guamba ká band gúmenyi bɔ́. Mmɔ́nuɔ́yɛ́dɛ́n ká, agá meliŋítas, básaman gubia bɛnama bɔ́b. 3Aŋuá gɔg, gɛsɛgɛl éŋéné ɔsúgɔsugɔ buanda, ɔmbɔ́g wɔ́w adád dɛgúsɛgɛmanan gulɛns ɔbɔ́ ɔmbɔ́g ɔnɛ́m álaná, 4ká mfaán yɔ́w lɔ́bɛn agá niɔs; tiɔ́ wánaná agá niɔs, gagufá bɛnama bɔ́w.
Mbísógol
5«Gɛsɛgɛl nubísógólonyó, nudialá anyɛ band bá bɛsɔbɔ bébílénené gudélímen agá bians bá mbísógól gá guala mbísógól na agá mádɔgana má nŋili, ká bébídíyenyi. Agá meliŋítas ngúnuɔ́yɔɔn ká, básaman gubia bɛnama bɔ́b. 6Aŋuá gɔg, gɛsɛgɛl ambaná gubísógólidi, bíŋín ɔgɔ́w gá nɛgɛlɛ, éfuug niíd ná gians, óbísógólónyó tiɔ́ unyá agá kɔɔ́m agany gányá agá niɔs; ány gɔg tiɔ́ wánaná agá niɔs gonúguondinyi bɔ́. 7Gɛsɛgɛl nubísógólonyó, nudidegényí móony anyɛ bɛndiádábá. Bágúbɛ́dága ká gɛsɛgɛl bédégenyé móony, kányɛ Gɔdányá bɛ́dɔ́lɛ́gɔnɔ́ bɔ́. 8Nudiébígédényí bɔ́ gɔg, gisiósio ká nuófún buanda, sié wanɔ ganyá gúlɛnsan ubú nuambaná.
«Mbísógól, yá sié wasɔ»
(Lúk 11.2-4)
9«Banuá gɔg, ana nubiananá ká núbísógólonyi:
Sié wasɔ unyá ugumuana,
alá ká mɔnd gidigid lɛns ubɔ́ ányá,
10Bufuŋ bɔ́w buúl,
nuged nɔ́w biála
egegus anyɛ ugumuana.
11Diéŋín manyán ɔmɔ́ diambaná ínen,
12dɛ́tɛ́nɛ́n bɛnana bás kɔɔ́kɔ anyɛ́ basuá sɔ́n dɛtɛ́naná ebe sɔ́n bádiálaná bɛnana,
13adidiág agá mbuge,
edídúgúne gá bɔbɛ.
14«Gá guán, númátɛ́nɛn band bɛnana bɔ́b, síe wanɔ unyá ugumuan ganútɛ́nɛn sɔ́n. 15Númén gutɛ́nɛn band bɛnana bɔ́b, sié wanɔ dɛganútɛ́nɛn baán sɔ́n.
Gubílég gá manyán
16«Gɛsɛgɛl numénubílég manyán, nudiɔ́lɔbɔɔ́n gɔsɔ́g anyɛ bɔsɔ́b sɔb álaná: bɔ́gúgɔ́lɔn edényi uwaány gá gudíye band ká bégubílég manyán. Agá meliŋítas ngunuɔ́yɔɔn ká: Básaman gubia bɛnama bɔ́b. 17Aŋuá, gɛsɛgɛl ebílégené manyán, bɛ́sɔ́gɛ́d busió, ébífú megud má ɔlɔf, 18ká edidíyé band ká esebílég manyán. Kɔɔ́k tiɔ́ gɔg unyá agá niɔs wánaná ubá alaná agá niɔs, uganúgúfá bɛnama bɔ́w.
Bɔnɛ́m bá bese nyɛ ugumuana
(Lúk 12.33-34)
19«Nudiágɔ́sá bɔnɛ́m bán egegus kɔɔ́m ɔgɔ́ buɛ́nyá na nŋeéŋ nyá bágúsɛŋɛn bɔ́, gúmén ká ta eŋéb úgús nɛmám, úman gugɔ́l bú. 20Ánugɔ́sá bɔnɛ́m bán ugumuana kɔɔ́m ta buɛ́nyá ta iŋéŋ diábáná bágúsɛŋɛn bɔ́, ta béeb diábáná bégúgús amam ká beéb bɔ́. 21Gágual ká kɔɔ́m bɔnɛ́m bɔ́w nyá, gɔ́gɔ́ ɔdɛm wɔ́w nyá.
Lámba wa nuɔ́l
(Lúk 11.34-36)
22«Lámba wa nuɔ́l nyɛ́ niís. Niís nɔ́w máal nídɛ́nɔ́má, nuɔ́l nɔ́w gidigid gabá agá gise. 23Niís nɔ́w mánɔ́ma gɔg, nuɔ́l nɔ́w gidigid gabá agá mbíne. Ímábá gɔg ká gise gínyá ɔgɔ́w gá nuɔ́l nyɛ́ mbíne, mbíne yɔw nyɛ mény bugaga.
Ányá buófono gueyid, Gɔdányá e, muonyi e?
(Lúk 16.13)
24«Ta mɔnd udɛbá bágualaan bá gɔdányá bándɛ buol, únúbɛ́la omoom, ubíléne omodió, gúmén, únúbɛ́gɔ́dɛ́n omoom, usɛ́gɛ́nan omodió. Nudɛ́bá bágualaan na Gɔdányá na muonyi buol.
Iŋágɛ́nɛ́n
(Lúk 12.22-23)
25«Buád buanda nnuɔ́yɔnɔ́ ká: Nudiákɛ́nán gán gá gusɔ́d, gá ubɔ́ nuganúnyánan, ta gá nuɔ́l naán, ta gá ubú nuganúbɛ́láŋa. Gusɔ́d dɛgúdɔ́mbaan manyán e, nuɔ́l dɔ́mbaan gɛsɔnɔ e? 26Ánulɛ́ŋá munoni: Múdɛgúgɔ́na, múdigúgaya, mudɛgúbɛ́dɛ́gaan agá gɛsasɔ, sié wanɔ unyá ugumuana guáfɛnan mɔ́! Nudigúdúmbaan mú e? 27Ányá agán gá ɔlɔŋ ɛŋágɛ́nɛ́n yaga nyá bɔ́guɔyɛ́kɛnɛn medug mág má gusɔ́d ta siɔdɛd e? 28Gá giág nuágɛ́naná gá ɔbɔ́ nubiananá ká núbiág e? Ánulɛ́ŋá bafalúwa#6.28 Bómodió guɔ́yɔ ká bafalɔ́wa. bá bisién anyɛ́ bágúmaná: Bádɛguála buol, ta gɔnɔga, 29ofuŋ Salomɔ́ŋɔ muát agág gá nugúm mabása udɛbiág gɛla anyɛ omoom wa bafalúwa abaány. 30Gɔdányá málaŋa bigud bá bisién bínyá kɔ́ ínen ana, ɛbɛ́ bégenuéti agá yoóg nŋɔ́guɔ́, udɛ́nuál bɔ́ gudúmbídenyi gán góbusió banuá band ɔbɔ́ nŋádáb yánɔ nyá fágɔfág e? 31Nudiágɛ́nán gɔg na guɔyɔ ká: “Dɛganyá giág e? Tá ká dɛgabúwá giág e, tá ká dɛgabɛ́láŋa na giág e?” 32Manda amaány gidigid band bádiálɛnsáná Gɔdányá bámbaná mɔ́ kand gɛdɔmbɔ. Sié wanɔ unyá ugumuana gúlɛnsan besé ná besé buanda gidigid búnúséméniné. 33Ánuál guamba Bufuŋ bá Gɔdányá na gusɔ́d wófonó, ugɔnuɔ́yɛ́kɛnɛn gudúmbídenyi. 34Nudiágɛ́nán gɔg na nŋɔ́guɔ́, nŋɔ́guɔ́ gágɛ́naan na ɛyɛ́ muát. Sig buɔ́s gúsɛgɛmanan na guɔ́bɛ́g gág.
CABTAL