Матфей 23
23
Ном-хоойлу тайылбырлакчылары биле фарисейлерден кичээндириг
(Мк. 12:38-40; Лк. 11:37-52; 20:45-47)
1Иисус ынчан чон-биле база Бодунуң өөреникчилери-биле чугаалажы берген. 2Ол мынча дээн: «Ном-хоойлу тайылбырлакчылары биле фарисейлер Моисейниң салгакчылары-дыр. 3# Рим. 2:17-23Силер бүгү чүвени оларның айыткан аайы-биле кылыңар, ынчалза-даа оларның ажыл-херээн өттүнмеңер, чүге дээрге олар өөредип турар чүвезин боттары сагывас-тыр. 4Олар угдунмас аар чүъктү улустуң эгиннеринге чүктедип турарлар, а боттары чаңгыс салаазын безин шимчедип, улуска дузалажыр хөңнү чок-тур. 5# Хост. 13:9; Ы. х. к. 6:8; 11:18 || Сан. 15:38А кандыг-бир чүве кылза, чүгле ат чолуп кылырлар, оларның хаваанда болгаш холунда Бижилге шыгжаан хапчыгаштары калбарып, а шыва тонунуң салбакталчак хаажылары узап бар-ла чыдар#23:5 Бурганның айтыышкынын күүсеткениниң демдээ кылдыр (Хост. 13:9) еврейлер мөргүп тура, хаваа биле солагай холунче иштинде Хосталыышкын ному болгаш Ыдыктыг хоойлуну катаптаанындан үзүндүлерлиг бичии хөм хапчыгаштар кедип аар турган. Фарисейлер ол хапчыгаштарны чүгле мөргүл үезинде эвес, а хүнзедир кедер турган хире. Оон аңгыда Бурганга бүзүрээр улус хевиниң кыдыгларынга салбактар чыпшыр даарап алыр ужурлуг турган.. 6# Лк. 14:7-8Олар найыр-дойларга база синагогаларга хүндүлүг дөрге орарынга ынак. 7Олар улус чыглыр шөлдерге амыр-менди дыңнаарынга база улуска: „Башкы!“ – деп адаттырарынга ынак.
8 # Иак. 3:1 || Лк. 22:32; Флм. 1:16А силерни „башкылар“ деп адавазын, чүге дээрге силерде чүгле чаңгыс Башкы бар, а силер шупту акы-дуңмашкы силер. 9# Хост. 4:22; Иер. 31:9; Ос. 11:1; Мал. 1:6Черге кымны-даа „ачай“ деп адаваңар, чүге дээрге силерде чүгле чаңгыс Дээрде саадаан Ада бар. 10Силерни „башкарыкчы“ деп адавазын, чүге дээрге силерде чаңгыс Башкарыкчы – Христос бар. 11# Мф. 20:26; Мк. 9:35; 10:43Силерниң араңарда эң чугулаңар чалчаңар болзун. 12# Лк. 14:11; 18:14Бодун өрү көрдүнер кижи дора көрдүрер, а бодун боду дора көрген кижи өрү көдүртүр.
13-14 # Мф. 15:7Ном-хоойлу тайылбырлакчылары биле фарисейлер, ат болур силер! Ийи арынныглар! Силер улустан Дээрниң Чагыргазын дуглап, боттарыңар-даа ынаар кирбес, ынаар кириксээннерни-даа киирбес-тир силер#23:13-14 Өске бурунгу сөзүглелдерде «Ном-хоойлу тайылбырлакчылары болгаш фарисейлер, ат болур силер! Ийи арынныглар! Силер дулгуяк херээженнерниң эт-хөреңгизин сыырыпкаш, ооң соонда карак чаап үр мөргүүр-дүр силер, ол дээш шыңгыы кеземче алыр силер» деп сөстерни немээн..
15Ном-хоойлу тайылбырлакчылары биле фарисейлер, ат болур силер! Ийи арынныглар! Чаңгыс-даа бол кижини иудей шажынче ээлдирип аар дээш, далайны кежип, черни эртип турар-дыр силер, а ээлдирип алгаш, ону бодуңардан ийи катап дора бужар амытанче хуулдуруптар-дыр силер.
16 # Мф. 15:14Согур баштакчылар, ат болур силер! Мынча деп турар-дыр силер: „Кандыг-бир кижи Бурганның өргээзи-биле даңгыраглаар болза, ол чүү-даа дивээн-дир, а Бурганның өргээзинде алдын-биле даңгыраглаар болза, ол аазаашкынын күүседир ужурлуг“. 17# Хост. 30:29О, согур сээдеңнер! Чүү чугулал: алдын бе азы ол алдынны ыдыктаан Бурганның өргээзи бе?! 18Оон ыңай мынча деп турар-дыр силер: „Кандыг-бир кижи өргүл салыр бедигээш-биле даңгыраглаар болза, ол чүү-даа дивээн-дир, а аңаа салган өргүл-биле даңгыраглаар болза, ол аазаашкынын күүседир ужурлуг“. 19# Хост. 29:37Согурлар! Чүү чугулал: өргүл бе азы ол өргүлдү ыдыктаан бедигээш бе?! 20Өргүл салыр бедигээш-биле даңгыраглаар кижи ында салган өргүл-биле база даңгыраглап турары ол-дур. 21# Ыд. ыр. 25:8; 131:14Бурганның өргээзи-биле даңгыраглаан кижи ында чурттаан Бурган-биле база даңгыраглап турары ол-дур. 22# Иса. 66:1Дээр-биле даңгыраглаан кижи Бурганның дүжүлгези болгаш ында саадаан Бурган-биле база даңгыраглап турары ол-дур.
23 # Ы. х. к. 14:22 || Ыд. ыр. 32:5; Мих. 6:8; Зах. 7:9Ном-хоойлу тайылбырлакчылары биле фарисейлер, ат болур силер! Ийи арынныглар! Мята, койнут болгаш тмин деп оъттарның дүжүдүнүң оннуң бир кезиин берип-даа турзуңарза, ыдыктыг хоойлуда эң чугула чүүлдерни: шын шииткелди, энерелди болгаш шынчы чорукту херекке албас-тыр силер. Баштайгызын кылыр ужурлуу шын, а сөөлгүзүн кылырын база утпаза эки. 24Согур баштакчылар! Ымырааны шүүп кааптар, а тевени ажырыптар-дыр силер!
25Ном-хоойлу тайылбырлакчылары биле фарисейлер, ат болур силер! Ийи арынныглар! Аяк-тавааңарның даштын аштап-арыглап-даа турзуңарза, ишти-хөңнүңерни чазый-харам чорук база бузут долган-дыр. 26Согур фарисей! Баштай аяаңның иштин аштап-арыглап ал, ынчан ооң дашты база арыг боор.
27 # Аж.-ч. 23:1 || У. ч. 26:23Ном-хоойлу тайылбырлакчылары биле фарисейлер, ат болур силер! Ийи арынныглар! Агарты чугайлаан чевеглерге#23:27 Улус чевеглерге душ бооп дээп шыдавазын дээш, оларны агарты чугайлап каар турган, чүге дээрге кижи сөөгүнге азы чевегге дээри кижини ёзулал ёзугаар арыг эвес кылып каар. дөмей-дир силер: оларның дашты чараш ышкаш, а иштин өлүг сөөктер база янзы-бүрү бужар чүүлдер долган! 28Силер база ындыг силер: даштыңардан көөрге, Бурганга шынчы улус ышкаш көстүр силер, а ишти-хөңнүңерни ийи арынныг база кем-буруулуг чорук долган.
29Ном-хоойлу тайылбырлакчылары биле фарисейлер, ат болур силер! Ийи арынныглар! Бурганның медээчилеринге чевег тураскаалдары тудуп, чөптүг-шынныг улустуң чевеглеринде тураскаалдар каастап: 30# Аж.-ч. 7:52„Ада-өгбевистиң үезинде чурттап чораан болзувусса, медээчилерниң ханын төгеринге олар-биле кады киришпес ийик бис“ – деп турар-дыр силер. 31Силер ооң-биле, „Медээчилерни өлүрүп чораан улустуң салгакчылары бис“ деп, боттарыңарга удур херечилээниңер ол-дур. 32Ындыг болганда, уламчылаңар-ла, ада-өгбеңерниң эгелээн чүвезин эчизинге чедириңер-ле!
33 # Мф. 3:7; 12:34Чыланнар база чылан сыскындылары! Тамыже дүжүрер шииткелден канчап ойлаар силер! 34# Мф. 21:35; 22:6; Евр. 11:36-37 || Мф. 10:17; Мк. 13:9; Лк. 21:12Мен силерже медээчилерни, мерген угаанныгларны, башкыларны чорудуп тур мен, а силер оларның чамдыызын өлүрүп база хере шава бээр силер, өскелерин синагогаларыңарга эриидеп база хоорайдан хоорайже сывыртай бээр силер. 35# Э. д. 4:8; 1 Ин. 3:12; Евр. 11:4 || 2 Чыл. 24:21; Зах. 1:1 || Неем. 9:26; Ажыд. 18:24Кем-буруу чок Авелдиң ханындан эгелээш, өргүл салыр бедигээш биле Бурганның өргээзиниң аразынга өлүрүп кааныңар Берехияның оглу Захарияның ханынга чедир, чер кырынга төгүлген бүгү чөптүг-шынныг улустуң ханы дээш шииткелди чүктээр силер. 36Алыс шынны чугаалап тур мен: ол бүгү кеземче бо салгалга дүжер!»
Иисустуң Иерусалим дээш кажыыдалы
(Лк. 13:34-35)
37 # 2 Чыл. 24:21; Неем. 9:26; Аж.-ч. 7:52 || Ы. х. к. 32:11-12; Руф 2:12; Ыд. ыр. 146:2«О, Иерусалим, Иерусалим! Бурганның медээчилерин өлүрүп турар база сенче чорутканнарны даш-биле соккулап каар хоорай! Куштуң бодунуң чаш төлдерин чалгынының адаанга чыып аары дег, Мен чеже катап Иерусалимниң чурттакчыларын чыып аарын күзедим, ынчалза-даа силер ону күзеведиңер! 38Ол-дур, силерниң өргээңер ээн кагдынар-дыр. 39# Ыд. ыр. 117:26; Мф. 21:9„Дээрги-Чаяакчының адындан кел чыдар Кижи алгадып-йөрээтсин!“ – дей бээриңер шаг-үе келбээн шаанда, Мени ам черле көрбезиңерни чугаалап тур мен».
נבחרו כעת:
Матфей 23: Ы.Б.2025
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© Институт перевода Библии, 2025
