རོ་མཱ་པ། 7

ལེའུ་བདུན་པ།

ཆང་སའི་ཆོས་ཁྲིམས་ཀྱི་སྐོར།

1ཁྱེད་སྤུན་ཟླ་ཀྱ། ད་ལྟ་ངས་ཆོས་ཁྲིམས་ཆ་རྒྱུས་འོད་ཡོད་ཀྱ་ཀྱི་སྐོར་ལེ་ཟེར་རི་ཡིན། མི་ཞིག་གསོན་པོ་ཡིན་རྒྱ་པ་རྐྱང་ཆོས་ཁྲིམས་ཀྱིས་ཁོ་ལེ། ཁྲིམས་འཛིན་རྒྱུའི་དབང་ཆ་འོད་དི་ཁྱེད་ཀྱ་ཀྱིས་མི་ཤེས་འོད་དས། 2དཔེར་ན། ཁྱོ་ག་གསོན་པོ་ཡིན་རྒྱ། ཁོའི་བུད་མེད་ཆང་སའི་བཀའ་ཁྲིམས་ཀྱི་དབང་འོག་ལེ་འོད་ནའང་། གལ་སྲིད་ཁྱོ་ག་ཤི་པི་ཡིན་ནི་བུད་མེད་དེ་ཆང་སའི་བཀའ་ཁྲིམས་ཀྱི་དབང་འོག་ནས་ཁ་བྲལ་ལི་དིག 3འོ་དེ་ལེ་བརྟེན་ཏེ། ཁྱོ་ག་གསོན་པོ་ཡིན་རྒྱ། བུད་མེད་མོས་སྐྱེས་པ་གཞན་མ་ཞིག་དིང་སྐྱེན་ལེ་བསྡད་ནི། དེ་ལེ་བྱི་མོ་ཟིན་འོད་དིག ཡིན་ནའང་། ཁྱོ་ག་ཤི་པི་ཡིན་ནི། མོ་རང་ཆང་སའི་བཀའ་ཁྲིམས་དེ་ནས་བྲལ་ཕེན། མོ་རང་སྐྱེས་པ་གཞན་མ་ཞིག་གི་སྐྱེན་ལེ་ཆང་ས་བརྒྱབ་ནི། དེ་ལེ་བྱི་མོ་མི་ཟེར་འོད་དིག 4འོ་དེ་ཅོག་འདྲ། ངའི་སྤུན་ཟླ་ཁྱེད་ཀྱ་ཟང་སྐྱབས་མགོན་ཡེ་ཤུ་དིང་སྐྱེན་ལེ་གདུང་མ་ཀུ་རུ་ཁའི་ལྟག་ག་ལེ་ཆོས་ཁྲིམས་ཆ་ནས་ཤི་ཚར་རི་དིག དེ་ནི་མི་གཞན་མ་དེ་འཆི་བ་ནས་ཡང་དང་སྐུ་གསོན་པོ་མཛད་མཁན་ཁོང་གི་ཁོངས་གཏོགས་ལེ་ཡིན་ཕེན། འུ་ཀྱ་ནི་དཀོན་མཆོག་གི་དོན་ལེ་འབྲས་བུ་བཟང་པོ་སྐྱེས་རྒྱུ་ཆེད་དུ་ཡིན་དིག 5འུ་ཀྱ་སྡིག་པའི་གཤིས་ཀའི་དབང་འོག་ལེ་འོད་རྒྱ། ཆོས་ཁྲིམས་ཀྱི་རྐྱེན་གྱིས་འདོད་ཆགས་སྐྱེས་ཏེ། འུའི་ལུས་པོའི་ཡན་ལག་ཀྱ་ངན་པའི་བསྐུལ་ཏེ་འཆི་བའི་འབྲས་བུ་བསྐྱེད་པི་དིག 6ཡིན་ནའང་། ད་ལྟ་ཆོས་ཁྲིམས་ནས་ཐར་ཏེ། བཀྱིག་པའི་ཆོས་ཁྲིམས་ཀྱི་ཆ་ནས་འུ་ཀྱ་ཤི་ཕེན། འུ་ཀྱ་ཀྱིས་ཆོས་ཁྲིམས་ཀྱི་ལུགས་སྲོལ་རྙིང་པ་དེ་རིང་ཅོག་འདྲ་མ་བྱས་ཏེ། དམ་པའི་ཐུགས་ཉིད་ཀྱི་ལུགས་སྲོལ་གསར་པ་ཅོག་འདྲ་ཞབས་ཕྱི་ཞུ་འོད་དིག

སྡིག་ཉེས་དིང་ཆོས་ཁྲིམས་ཀྱི་སྐོར།

7ད་འུ་ཀྱ་ཀྱིས་ཅི་ཟེར་རྒྱུ། ཆོས་ཁྲིམས་ནི་སྡིག་པ་ཡིན་གས། དེ་རྩ་བ་ནས་མ་དིག ཡིན་ནའང་། ཆོས་ཁྲིམས་མེད་དི་ཡིན་ནི། ངས་སྡིག་པ་ཅི་ཡིན་དི་མི་ཤེས་འོད་དིག དཔེར་ན། ཆོས་ཁྲིམས་ཀྱིས་ཧམ་སེམས་མ་སྐྱེས་ཤིག་ཟིན་མ་གསུངས་འོད་ནི། ངས་ཧམ་སེམས་བགྱིད་རྒྱུ་དེ་སྡིག་པ་ཡིན་དི་མི་ཤེས་འོད་དིག#7.7 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་གཉིས་པ་ཐེགས་པ་ལེའུ་ 20 ཨང་ 17 དིང༌། མོ་ཤེས་བྲིས་པའི་མདོ་ལྔ་པ་བཀའ་ལུང་ལེའུ་ 5 ཨང་ 21 ནང་ལེ་གཟིགས་རོགས། 8ཡིན་ནའང་། སྡིག་ཉེས་ཀྱིས་ཆོས་ཁྲིམས་ཀྱི་བརྒྱུད་ནས་ངའི་སེམས་ལེ་ཧམ་སེམས་ཀྱི་རིགས་སྣ་ཚོགས་སྐྱེས་རུ་བཅུག་པི་དིག ཅི་ལེ་ཟེར་ནི། ཆོས་ཁྲིམས་མེད་ནི། སྡིག་ཉེས་ལེ་དབང་མེད་དིག 9-10སྔོན་མ་ཆོས་ཁྲིམས་མེད་རྒྱ། ང་གསོན་པོ་ལེ་འཚོ་བ་སྐྱེལ་ནའང་། ཆོས་ཁྲིམས་ནང་གི་བཀའ་དེ་བྱུང་བའི་རྗེས་ལེ། སྡིག་ཉེས་དེ་གསོན་པོ་བྱུང་པི་རྐྱེན་གྱིས་ང་ཤི་པི་དིག ཚེ་འོང་རྒྱུ་ཆེད་དུ་གནང་བའི་ཆོས་ཁྲིམས་དེས་ང་ཤི་རུ་འཇུག་གྱོ་འོད་དི་ངས་ཧ་གོ་བྱུང་། 11ཅི་ལེ་ཟེར་ནི། སྡིག་ཉེས་ཀྱིས་གོ་སྐབས་དིང་བསྟུན་ཏེ་ཆོས་ཁྲིམས་བརྒྱུད་ནས་ང་ལེ་མགོ་སྐོར་བཏང་སྟེ་ང་བསད་དི་དིག 12འོ་དེ་ལེ་བརྟེན་ཏེ། ཆོས་ཁྲིམས་ནི་དམ་པ་ཡིན་དི་མ་ཟད། ཆོས་ཁྲིམས་ནང་གི་བཀའ་དེ་ཟང་དམ་པ་དིང་། དྲང་བདེན་ཅན་དིང་། བཟང་པོ་ཡིན་དིག 13འོ་ནེ། བཟང་པོ་ཅི་ཡིན་པ་དེ་ལེ་བརྟེན་ཏེ་ང་ཤི་དགོས་བྱུང་པི་ཡིན་གས། དེ་གི་རྩ་བ་ནས་མ་དིག ང་ཤི་དགོས་པའི་རྒྱུ་མཚན་དེ་ནི། སྡིག་ཉེས་རྐྱེན་གྱི་ཡིན་དིག ཡིན་ནའང་། སྡིག་ཉེས་ཀྱིས་བཟང་པོ་ཡིན་དེའི་བརྒྱུད་ནས་ང་ཤི་རུ་བཅུག་པི་དིག ཆོས་ཁྲིམས་ཀྱིས་ཟང་སྡིག་ཉེས་ནི། ངན་པ་འཇུ་གུ་ཡིན་དི་སྟོན་རྒྱུ་ཆེད་དུ་ཡིན་དིག

14 ཆོས་ཁྲིམས་ནི་དཀོན་མཆོག་ནས་བྱུང་པི་དེ་འུ་ཀྱ་ཀྱིས་ཧ་གོ་པི་དིག ཡིན་ནའང་། ང་ནི་མིའི་ཤ་གཟུགས་ཀྱི་ཕུང་པོ་ལེ་བརྟེན་འོད་ཕེན། ང་ནི་སྡིག་ཉེས་ཀྱི་ཚེ་གཡོག་ཅོག་འདྲ་བཙོངས་པི་དིག 15ངའི་སྤྱོད་ལམ་དེ་ངས་ཧ་མི་གོ་འདུག ཅི་ལེ་ཟེར་ནི། ངས་ལས་བཟང་པོ་ཅི་བགྱིད་འདོད་པ་དེ་སྤངས་ཏེ། ངས་ཅི་བགྱིད་མི་འདོད་པའི་ལས་དེ་བགྱིད་འོད་དིག 16ཡིན་ནའང་། གལ་སྲིད་ངས་མི་འདོད་པའི་ལས་ངན་པ་དེ་བྱས་པི་ཡིན་ནི། ངས་ཆོས་ཁྲིམས་བཟང་པོ་ཡིན་དི་ཁས་ལེན་བགྱིད་འོད་དིག 17དོན་ངོ་ཐོག་བྱས་ནི་འོ་དེ་གི་བགྱིད་མཁན་དེ་ནི། ང་རང་མ་དིག ངའི་སེམས་ནང་ལེ་འོད་ཡོད་སྡིག་ཉེས་དེས་བྱས་པི་དིག 18ངས་དོན་བཟང་པོ་ཞིག་བགྱིད་འདོད་འོད་ནའང་། དེ་ཅོག་འདྲ་བགྱིད་མི་ཐུབ་འོད་དིག ཅི་ལེ་ཟེར་ནི། ངའི་སྡིག་པའི་གཤིས་ཀ་ནང་ལེ་བཟང་པོའི་རིགས་ཅི་གང་མེད་དི་ངས་ཧ་གོ་འོད། 19འོ་དེ་ལེ་བརྟེན་ཏེ། ངས་བགྱིད་འདོད་པའི་དོན་བཟང་པོ་དེ་མི་བགྱིད་འོད་དིག ངས་བགྱིད་མི་འདོད་པའི་དོན་ངན་པ་དེ་བགྱིད་འོད་དིག 20གལ་སྲིད། ངས་རང་གིས་བགྱིད་མི་འདོད་པའི་ལས་ཞིག་བྱས་ནི། ལས་དེ་ནི་ངས་བྱས་པི་མ་དིག ངའི་སེམས་ནང་ལེ་འོད་ཡོད་སྡིག་ཉེས་དེས་བྱས་པི་ཡིན་དིག 21འོ་དེ་ལེ་བརྟེན་ཏེ། ངས་ལས་བཟང་པོ་ཞིག་བགྱིད་འདོད་འོད་རྒྱ། ངན་པ་དེ་ངའི་སྐྱེན་ལེ་འཁྲིས་འོད་དི་ངས་ཧ་གོ་བྱུང་། 22ངའི་སེམས་ཀྱི་གཏིང་ནས་དཀོན་མོཆག་གི་ཁྲིམས་ལེ་དགའ་ནའང་། 23ངའི་ལུས་ལེ་ཁྲིམས་གཞན་མ་ཞིག་འོད་ཕེན། ཁྲིམས་དེས་ངའི་སེམས་ནང་ལེ་འོད་ཡོད་ཁྲིམས་དེ་རིང་འཐབ་སྟེ། ང་ནི་ངའི་ལུས་ལེ་འོད་ཡོད་སྡིག་ཁྲིམས་ཀྱི་བཙོན་པ་ཞིག་བྱུང་པི་དིག 24ཨ་ཙི་མི་ང་སྙིང་རྗེ། འཆི་པས་དབང་ལེ་ཤོར་རི་ལུས་པོ་འདི་ནས་ང་ལེ་ཐར་བར་གནང་ནུས་མཁན་སུ་འོད་དི་གོ། 25འུ་ཀྱ་ཀྱི་སྐྱབས་མགོན་ཇོ་བོ་ཡེ་ཤུ་ལེ་བརྟེན་ཏེ་ངས་དཀོན་མཆོག་ལེ་བཀའ་དྲིན་ཆེ་ཞུ་འོད། མདོར་བསྡུས་ནི། ངའི་སེམས་ཀྱིས་དཀོན་མཆོག་གི་ཁྲིམས་ལེ་གཡོག་པོ་བགྱིད་འོད་ནའང་། ངའི་སྡིག་པའི་གཤིས་ཀ་དེས་སྡིག་ཉེས་ཀྱི་ཁྲིམས་ལེ་གཡོག་པོ་བགྱིད་འོད་དིག །

נבחרו כעת:

རོ་མཱ་པ། 7: DLPO

הדגשה

העתק

השווה

שתפו