མཛད་པ། 20

ལེའུ་ཉི་ཤུ།

ཕོལ་ལོལ་གྱིས་མཱ་ཀེ་དོན་ཡཱ་དིང་གེ་རིག་ལུང་པའི་བརྒྱུད་ནས་ཆོས་སྤེལ་པ།

1དེ་ནས་ཡང་ཟིང་ཆ་དེ་ཞི་མཇམ་པའི་རྗེས་ལེ། ཕོལ་ལོལ་གྱིས་སློབ་མ་ཀྱ་ཤོག་སྨྲས་ཏེ། ཁོང་ཀྱ་ལེ་བསྐུལ་མ་བཏང་བའི་རྗེས་ལེ། ཁོང་རང་སློབ་མ་ཀྱ་དིང་ཁ་གྱེས་ཏེ་མ་ཀེ་དོན་ཡཱ་ལུང་པ་ལེ་བུད་དི་དིག 2ཁོ་རང་ལུང་པ་དེ་ཀྱ་བརྒྱུད་ནས་དད་པ་བགྱིད་མཁན་ཀྱ་ལེ། དད་པ་བརྟན་པོ་བགྱིད་དགོས་པའི་སྐོར་ལེ་བསྐུལ་མ་མང་པོ་བཏང་བའི་རྗེས་ལེ། ཁོ་རང་གེ་རིག་ལུང་པ་ལེ་བུད་དི་དིག 3གེ་རིག་ལུང་པ་རུ་ཟླ་བ་གསུམ་བསྡད་དི་རྗེས་ལེ། གྲུ་གཟིངས་ལེ་བཞོན་ཏེ་སི་རི་ཡཱ་ལུང་པ་ལེ་འགྲོ་དགོས་བསམས་པི་དིག ཡིན་ནའང་། ཡ་ཧུ་དཱ་པ་ཀྱ་ཀྱིས་ཕོལ་ལོལ་གསོད་རྒྱུ་ཇུས་ངན་བྱས་པི་དིག དེ་ནས་ཀ་ཕོལ་ལོལ་གྱིས་གནས་ཚུལ་དེ་ཧ་གོ་ཕེན། ཕར་རང་འཇགས་ལོག་སྟེ་མ་ཀེ་དོན་ཡཱ་ལུང་པའི་བརྒྱུད་ནས་བྱས་ཏེ་སི་རི་ཡཱ་ལུང་པ་ལེ་འགྲོ་རྒྱུ་ཐག་གཅོད་བྱས་པི་དིག 4ཁོ་དིང་སྐྱེན་ལེ་འགྲོ་མཁན་མི་དེ་ཀྱ་ནི། པུ་རེ་ཡཱ་རྒྱལ་ས་ནས་ཡིན་དི་ཕོར་རོ་ཟེར་མཁན་གྱི་བི་ས་སའོ་པ་ཏེར་ཟེར་མཁན་དིང་། ཐེ་ས་ལོ་ནི་ཀེ་རྒྱལ་ས་ལེ་སྡོད་མཁན་ཨ་རི་སྟར་ཀུ། སེ་ཀིན་ཏི། གཞན་ཡང་ཌེར་སྦེ་རྒྱལ་ས་ལེ་སྡོད་མཁན་ག་ཡུ་དིང་། ཐི་མོ་ཐེ། ཨེ་ཞེ་ཡཱ་ལུང་པ་ལེ་སྡོད་མཁན་ཐི་ཀེ་ཀུ། ཏྲོ་ཕེ་མུ་ཟེར་མཁན་མི་དེ་ཀྱ་ཡིན་དིག 5མི་དེ་ཀྱ་ནི་ཉེད་ཀྱ་ཀྱི་སྔོན་ལེ་ཕྱིན་ཏེ། ཏྲོ་ཡཱ་རྒྱལ་ས་ལེ་ཉེད་ཀྱ་ལེ་བསྒུགས་པི་དིག 6ཡང་སྐྱུར་རྩི་མེད་མེད་སྒོར་ཕྱེའི་དུས་ཆེན་དེ་མཇུག་རྫོགས་པའི་རྗེས་ལེ། ཉེད་ཀྱ་ཕི་ལིབ་པི་ཟེར་རི་རྒྱལ་ས་ནས་གྲུ་གཟིངས་ལེ་བཞོན་ཏེ་ཉིན་མ་ལྔ་བུད་དི་རྗེས་ལེ། ཏྲོ་ཡཱ་རྒྱལ་ས་ལེ་སླེབས་ཏེ་ཁོང་ཀྱ་ཐུག་ཕེན། ཉེད་ཀྱ་དེ་རུ་ཉིན་མ་བདུན་སྐྱེན་ལེ་བསྡད་དི་ཡིན།

ཕོལ་ལོལ་གྱིས་ཏྲོ་ཡཱ་རྒྱལ་ས་ལེ་ཤི་ཚར་རི་མི་ཞིག་ཡང་དང་གསོན་དུ་བཅུག་པ།

7ཡང་བདུན་ཕྲག་གི་ཉིན་མ་དང་པོ་ལེ་ཇོ་བོའི་དྲན་གསོའི་སྒོར་ཕྱེ་བགོས་ཏེ་ཟ་རྒྱུ་ཆེད་དུ་འཛོམས་རྒྱ། ཕོལ་ལོལ་གྱིས་མི་དེ་ཀྱ་ལེ་ནམ་ཕྱེད་བར་དུ་ཆོས་བཤད་དི་དིག ཅི་ལེ་ཟེར་ནི། སྔ་དྲོ་ཁོང་རང་ཡུལ་གཞན་ལེ་འགྲོ་དགོས་འོད་དིག 8ཉེད་ཀྱ་འཛོམས་སའི་ཐོག་ཁང་དེའི་ནང་ལེ་མཆོད་མེ་མང་པོ་སྤར་འོད་དིག 9དེ་རྒྱ་མིང་ལེ་ཡུ་ཏི་ཀུ་ཟེར་མཁན་གཞོན་ནུ་ཞིག་འོད་དིག ཁོ་ནི་སྒེའུ་ཁུང་ལྟག་ག་ལེ་བསྡད་འོད་དིག ཕོལ་ལོལ་གྱིས་ཡུན་རིང་པོ་ཆོས་བཤད་ཕེན། གཞོན་ནུ་ཁོ་གཉིད་ཤོར་ཏེ་གསུམ་ཐོག་ནས་མར་ས་ལེ་འཛར་རི་དིག དེ་ནས་མི་ཁ་ཤས་མགྱོགས་པོ་ཕྱིན་ཏེ་ཡར་བསྐྱོར་ཏེ་བལྟ་རྒྱ་ཁོ་ཤི་ཚར་འོད་དིག 10ཡང་ཕོལ་ལོལ་གསུམ་ཐོག་ནས་མར་འོངས་ཏེ། ཁོ་ལེ་བསྐྱོར་ཏེ་ཁྱེད་ཀྱ་དངངས་སྐྲག་མ་བགྱིད་ཅིག ཁོ་གསོན་འོང་གྱི་དིག་སྨྲས་པི་དིག 11ཡང་དང་ཕོལ་ལོལ་ཐོག་ཁང་ལེ་ཕྱིན། མི་གཞན་མ་དིང་སྐྱེན་ལེ་ཇོ་བོའི་དྲན་གསོའི་སྒོར་ཕྱེ་བགོས་ཏེ་སྐྱེན་ལེ་བཟའ་བཏུང་བྱས་པི་མ་ཟད། ཡང་ནམ་མ་ལངས་བར་དུ་གཏམ་གླེང་མང་པོ་བྱས་པའི་རྗེས་ལེ། ཁོ་རང་ཡུལ་གཞན་ལེ་བུད་དི་དིག 12དེ་ནས་མི་དེ་ཀྱ་ཀྱིས་གཞོན་ནུ་ཁོ་ལེ་སྐྱོན་ཅི་གང་མེད་དི་མཐོང་པི་མ་ཟད། མི་ཀྱ་ཀྱིས་གཞོན་ནུ་དེ་ཁོ་རང་གི་ནང་ལེ་བསྐྱལ་ལི་རྗེས་ལེ། མི་དེ་ཀྱ་ལེ་སེམས་གསོ་ཆེན་པོ་ཐོབ་པི་དིག

13ཕོལ་ལོལ་གྱི་འཆར་གཞི་བཟོས་པི་ཅོག་འདྲ། ཉེད་ཀྱ་སྔོན་ལེ་ཕྱིན་ཏེ་ཨ་སཱོ་རྒྱལ་ས་ནས་གྲུ་གཟིངས་ལེ་བཞོན་ཏེ། རྒྱལ་ས་འདི་རུ་ཉེད་ཀྱ་ཀྱིས་ཕོལ་ལོལ་ཐུག་སྟེ། དེ་ནས་ནི་གྲུ་གཟིངས་གཞན་མ་ཞིག་ལེ་བཞོན་ཏེ་འགྲོ་དགོས་བསམས་བྱུང་། ཅི་ལེ་ཟེར་ནི། ཕོལ་ལོལ་ཁོ་རང་ཨ་སཱོ་རྒྱལ་ས་བར་དུ་རྐང་ཐང་ལེ་འགྲོ་རྒྱུ་བྱས་པི་དིག 14དེ་ནས་ཨ་སཱོ་རྒྱལ་ས་ལེ་ཉེད་ཀྱ་ལེ་ཕོལ་ལོལ་ཐུག་ཕེན། ཉེད་ཀྱ་ཕོལ་ལོལ་དིང་སྐྱེན་ལེ་གྲུ་གཟིངས་བཞོན་ཏེ། མུ་ཏི་ལེ་ནེ་ཟེར་རི་རྒྱལ་ས་ལེ་ཕྱིན་དི་ཡིན། 15དེ་ནས་ཉེད་ཀྱ་རྒྱལ་ས་དེ་རུ་སླེབས་ཕེན། དེའི་སྔ་དྲོ་ཉེད་ཀྱ་གྲུ་གཟིངས་ལེ་བཞོན་ཏེ་ཀེ་ཡོ་སི་ཟེར་རི་གླིང་ཕྲན་གྱི་ཕྱོགས་ལེ་ཕྱིན་དི་ཡིན། ཡང་དེའི་སྔ་དྲོ་སཱ་མོ་སི་ཟེར་རི་གླིང་ཕྲན་གྱི་ཕྱོགས་ལེ་ཕྱིན་དི་ཡིན། ཡང་དེའི་གནངས་མི་ལཱེ་ཐེ་ཟེར་རི་རྒྱལ་ས་ལེ་སླེབས་སོང་། 16ཅི་ལེ་ཟེར་ནི། ཨེ་ཞེ་ཡཱ་ལུང་པ་ལེ་ཕོལ་ལོལ་ཡུན་འགོར་འོང་བསམས་ཏེ། ཨེ་ཕེ་སི་རྒྱལ་ས་ལེ་མི་འགྲོ་བ་ཐག་གཅོད་བྱས་པི་མ་ཟད། ཁོ་རང་གང་མགྱོགས་ལྔ་བཅུའི་དུས་ཆེན་གྱི་ཉིན་མོ་དེ་ལེ། ཡེ་རུ་ས་གླིང་རྒྱལ་ས་ལེ་སླེབས་རོགས་བྱས་ནི་བསམས་པི་དིག

ཕོལ་ལོལ་གྱིས་ཨེ་ཕེ་སི་ཆོས་ཚོགས་ཀྱི་འགན་འཁུར་པ་ཀྱ་ལེ་སེམས་ཤུགས་སྤར་བ།

17དེ་ནས་ཕོལ་ལོལ་གྱིས་མི་ལཱེ་ཏེ་རྒྱལ་ས་ནས་ཨེ་ཕེ་སི་རྒྱལ་ས་ལེ་མི་བརྫངས་ཏེ། ཆོས་ཚོགས་ཀྱི་འགན་འཁུར་པ་ཀྱ་ཤོག་ཟིན་ཁ་ལན་བསྐུར་པི་དིག 18-19དེ་ནས་མི་དེ་ཀྱ་སླེབས་ཏེ་ཕོལ་ལོལ་གྱིས་ང་རང་ཨེ་ཞེ་ཡཱ་ལུང་པ་ལེ་འགྲོ་བའི་ཉིན་མ་དང་པོ་ནས་ཕེན། ཁྱེད་ཀྱ་ཀྱིས་ངའི་སྤྱོད་ལམ་དེ་ནམ་རྒྱུན་ཅི་གི་ཡིན་མིན་དེ་ནི། ཁྱེད་ཀྱ་ཀྱིས་ཧ་གོ་གོ་བར་ཡིན་དིག ངས་མི་ཀུན་གྱི་འདོད་པ་འགེངས་པའི་ལས་ཀ་བྱས་ཏེ། ཇོ་བོ་ཡེ་ཤུ་ཞབས་ཕྱི་བསྒྲུབས་ནུས་པི་བྱས་པི་མ་ཟད། ཡང་མིག་ནས་མཆི་མ་ཟང་ཤོར་མྱོང་འོད། ཡ་ཧུ་དཱ་པའི་མི་རིགས་ཀྱི་ཇུས་ངན་བྱས་པའི་རྐྱེན་གྱི་ང་ལེ་གནོད་འཚེ་ཟང་བྱུང་མྱོང་འོད་དེ་ནི། 20ཁྱེད་ཀྱ་ཀྱིས་ཧ་གོ་གོ་བར་ཡིན་དིག ངས་ཁྱེད་ཀྱ་ལེ་ཕན་པའི་དོན་ཅི་གི་ཞིག་ཡིན་ནའང་། དེ་འཛེམ་པ་མེད་དི་ངང་ནས་སྨྲས་པི་མ་ཟད། མི་ཚོགས་ཀྱི་མདུན་དུ་ཡིན་ནའང་། ཡང་ནི། ཁྱིམ་ཚང་ག་ན་ལེ་ཡིན་ནའང་དེ་རུ་ཆོས་བཤད་དི་ཡིན། 21ཡང་ངས་ཡ་ཧུ་དཱ་པའི་མི་ཀྱ་དིང་གེ་རིག་གི་མི་ཀྱ་ལེ། སྤྱོད་པ་ངན་པ་དེ་སྤངས་ཏེ་དཀོན་མཆོག་གི་ཕྱོགས་ལེ་སེམས་ཁུགས་ཏེ་འགྱོད་བཤག་བགྱིད་དགོས་འོད་དི་མ་ཟད། འུའི་ཇོ་བོ་ཡེ་ཤུ་ལེ་དད་པ་བགྱིད་དགོས་འོད་དིག་ཟིན་ནན་གྱིས་བསྐུལ་མ་བཏང་པི་ཡིན། 22ད་ལྟ་དམ་པའི་ཐུགས་ཉིད་ཀྱིས་ང་ལེ་བསྐུལ་གནང་སྟེ་ཡེ་རུ་ས་གླིང་རྒྱལ་ས་ལེ་འགྲོ་འོད། ཡིན་ནའང་། ས་ཆ་དེ་རུ་ང་ལེ་ཅི་ཞིག་འབྱུང་མི་འབྱུང་སྐོར་ལེ་ངས་མི་ཤེས་འོད། 23དམ་པའི་ཐུགས་ཉིད་ཀྱིས་ང་བཙོན་ལེ་འགྲོ་དགོས་པི་དིང་། ཡང་རྒྱལ་ས་གཅིག་ནས་གཅིག་གི་བར་དུ། ང་ལེ་དཀའ་སྡུག་སྣ་ཚོགས་མྱོང་དགོས་འོང་གྱི་དིག་ཟིན་ང་ལེ་བདེན་དཔང་བྱས་པི་དེ་ནི་ངས་གསལ་པོ་ཧ་གོ་འོད། 24ཡིན་ནའང་། ངས་རང་གི་སྲོག་འདི་རིན་ཐང་ཆེན་པོ་ཡིན་དི་མ་བརྩིས་ཏེ་རང་གི་འགྲོ་ལམ་མཇུག་མ་རྫོགས་བར་དུ་འགྲོ་དགོས་འོད་དི་དིང་། ཡང་ཇོ་བོ་ཡེ་ཤུས་ང་ལེ་གནང་བའི་དཀོན་མཆོག་གི་ཐུགས་རྗེ་གཟིགས་སྐྱོང་གི་གཏམ་བཟང་གི་ཞབས་ཏོག་ལས་འགན་དེ་བསྒྲུབས་པི་བྱས་པི་ཡིན། 25ལྟོས་དང་། ངས་རྒྱུན་དུ་ཁྱེད་ཀྱ་ཀྱི་སྐྱེན་ལེ་ཕར་འགྲོ་ཚུར་འགྲོ་བྱས་ཏེ། དཀོན་མཆོག་གི་རྒྱལ་ཁབ་སྐོར་གྱི་གཏམ་བཟང་བཤད་མྱོང་འོད། ཡིན་ནའང་། ངས་ཧ་གོ་འོད། དུས་ད་ནས་ཕྱིན་ཆད་ཁྱེད་ཀྱ་ཀྱིས་ངའི་ངོ་གདོང་ཡང་དང་མཐོང་གྱི་མ་དིག 26འོ་དེ་ལེ་བརྟེན་ཏེ། ཁྱེད་ཀྱ་ཀྱི་ནང་ནས་མི་སུ་ཞིག་ཇོ་བོ་ཡེ་ཤུ་ལེ་དད་པ་མ་བྱས་ཏེ་ཤི་ནི། དེའི་འགན་དེ་ང་ལེ་མེད་དི་སྐོར་ལེ། ད་རིང་ངས་ཁྱེད་ཀྱ་ལེ་དཔང་པོ་བགྱིད་ཀྱི་འོད། 27ཅི་ལེ་ཟེར་ནི། ངས་ཁྱེད་ཀྱ་ལེ་དཀོན་མཆོག་གི་དགོངས་པ་ཡེ་རེ་འཛེམ་པ་མེད་དི་ངང་ནས་བཤད་དི་ཡིན། 28དམ་པའི་ཐུགས་ཉིད་ཀྱིས་ཁྱེད་ཀྱ་ནི། ཆོས་ཚོགས་ཀྱི་དོན་ལེ་བསྐོས་གནང་ཕེན། ད་ཁྱེད་ཀྱ་ཀྱིས་རང་གི་དོན་ལེ་དིང་། ཡང་ཆོས་ཚོགས་ཀྱི་མི་ཡེ་རེ་ལེ་བདག་སྐྱོང་བགྱིད་རྒྱུ་ཆེད་དུ་ཡིན་དིག ཆོས་ཚོགས་དེ་ནི་དཀོན་མཆོག་གིས་རང་གི་སྲས་ཀྱི་སྐུ་ཁྲག་བླུ་རིན་གྱིས་ཉོས་པའི་ཆོས་ཚོགས་ཀྱ་ཡིན་ཕེན། ཁྱེད་ཀྱ་ཀྱིས་ལུག་རྫི་བཟང་པོ་ཅོག་འདྲ་བྱས་ཏེ་བདག་སྐྱོང་བགྱིད་རྒྱུ་ཆེད་དུ་ཡིན་དིག 29ཡང་ང་ཕ་ལེ་བུད་དེའི་རྗེས་ལེ། གདུག་རྩུབ་ཅན་གྱི་སྤྱང་རྐུ་ཅོག་འདྲ་ཡིན་མཁན་མི་དེ་ཀྱ་ནི། ལུག་ཁྱུ་ཡིན་དི་ཅོག་འདྲ་བྱས་ཏེ། ཁྱེད་ཀྱ་ཀྱི་སྲང་ལེ་འཛུལ་འོང་སྟེ། དད་པ་བགྱིད་མཁན་ལེ་གནོད་འཚེ་བགྱིད་རྒྱུ་ཡིན་དི་ངས་ཧ་གོ་འོད། 30ཁྱེད་ཀྱ་ཀྱི་ཚོགས་པའི་ནང་ནས་ཟང་མི་ཁ་ཤས་ཀྱིས་དད་པ་བགྱིད་མཁན་ཀྱ་རང་གི་སློབ་མ་བཟོ་རྒྱུ་ཆེད་དུ། བསླབ་བྱ་རྫུན་མ་སྟོན་རྒྱུ་ཡིན་དི་ངས་ཧ་གོ་འོད། 31འོ་དེ་ལེ་བརྟེན་ཏེ། ཁྱེད་ཀྱ་ཀྱིས་དོགས་ཟོན་གྱིས་ཤིག ལོ་གསུམ་རིང་ལེ་ངས་ཉིན་མཚན་མེད་མཆི་མ་ནར་ནར་ངང་ནས་མི་རེ་རེ་ལེ་ཁ་ཏ་བྱས་པའི་དེའི་སྐོར་ལེ་དྲན་པ་བརྗེད་དུ་མ་བཅུག་སྟེ་ཡིད་ལེ་བོར་ཞིག 32ད་ངས་དཀོན་མཆོག་དིང་ཁོང་གི་ཐུགས་རྗེ་གཟིགས་སྐྱོང་གི་བཀའ་དེ་ཁྱེད་ཀྱ་བཅོལ་གྱི་ཡིན། བཀའ་དེས་ཁྱེད་ཀྱ་ཀྱི་དད་པ་བརྟན་པོར་བཟོ་ནུས་པི་མ་ཟད། དམ་པ་འགྱུར་རི་མི་ཡེ་རེ་དིང་སྐྱེན་ལེ། དཀོན་མཆོག་གིས་ཞལ་བཞེས་གནང་བའི་བགོ་སྐལ་དེ་གནང་གྱི་དིག 33ངས་མི་གཞན་གྱི་གསེར་དིང་། དངུལ། ཡང་ནི་གོས་ལག་ལེ་ཧམ་སེམས་བཅངས་མེད། 34ངས་རང་གི་ལག་ག་གཉིས་ལེ་བརྟེན་ཏེ། ང་དིང་ངའི་ལས་རོགས་ཀྱི་དགོས་མཁོ་དེ་བསྒྲུབས་པར་བྱས་པི་དེ་ནི་ཁྱེད་ཀྱ་ཀྱིས་ཧ་གོ་འོད་དིག 35ཇོ་བོ་ཡེ་ཤུས་ཟང་ཚུར་ལེན་རྒྱུ་ལས། ཕར་སྦྱིན་པ་བཏང་པི་དེ་བ་ཆེའོ་ཟིན་གསུངས་པི་དེ་དྲན་པ་གྱིས་ཤིག ངས་སྙེམས་ཆུང་བྱས་ཏེ། ཐབས་ཤེས་ཡེ་རེའི་བརྒྱུད་ནས་མི་སྐྱོ་པོ་དེ་ཀྱ་ལེ་རོགས་པ་བགྱིད་དགོས་པའི་མིག་དཔེ་ཞིག་ཁྱེད་ཀྱ་ལེ་བསྟན་འོད་ཟིན་སྨྲས་པའི་རྗེས་ལེ། 36ཕོལ་ལོལ་གྱིས་པུས་མོ་ས་ལེ་བཙུགས་ཏེ་མི་ཡེ་རེའི་སྐྱེན་ལེ་དཀོན་མཆོག་ལེ་གསོལ་བ་སྨོན་ལམ་བཏབ་པི་དིག 37དེ་ནས་མི་ཡེ་རེ་སེམས་སྐྱོ་རེ་ཕོལ་ལོལ་ལེ་འཐམས་ཏེ་མིག་ཆུ་བཏང་སྟེ་དབུ་གཏུགས་བྱས་པི་དིག 38ཕོལ་ལོལ་གྱིས་དུས་ད་ནས་ཕྱིན་ཆད་ངའི་ངོ་གདོང་ཁྱེད་ཀྱ་ཀྱིས་རྩ་བ་ནས་མཐོང་རྒྱུ་མ་དིག་ཟིན་སྨྲས་ཕེན། ཁོང་ཀྱ་ཀྱི་སེམས་པ་འཇུ་གུ་སྐྱོ་པི་དིག དེ་ནས་ཁོང་ཀྱ་ཀྱིས་ཕོལ་ལོལ་གྲུ་གཟིངས་བསྐྱལ་ལི་དིག །

נבחרו כעת:

མཛད་པ། 20: DLPO

הדגשה

העתק

השווה

שתפו