मरकुस किताबके परिचय

किताबके परिचय

यि सुसमाचार मरकुस एहेन कैरके सुरु करने छै- “परमेस्‍वरके बेटा येसु खिरिस्‍टके बारेमे सुसमाचार।” अइमे येसुके काम आ अधिकारके बारेमे लिखलगेल छै। उ अधिकार पाबल लोक चियै कैहके ओकर कामसबसे देखाइछै, जेनाकी सिक्‍छा दैत, भुतसब निकालैछै, लोकसबके पाप छमा करैछै, येसु लोकसबके पापसे बचाइले आपन परान समेत दैले एलचियै कहनेछै आ “मानबके बेटा चियौ” कहनेछै।

अइमे मरकुस येसुके उपदेस आ सिक्‍छामे ओकर कैरके देख्‍याल कामके बेसी जोर द्‍याके लिखने छै। बप्‍तिस्‍मा दैबला युहन्‍ना, येसुके बप्‍तिस्‍मा आ ओकर परिक्‍छाके बिसयमे छोट परिचय देलाके बाद मरकुस लग्‍ले येसुके करल चङगाइ आ सिक्‍छा दैबला सेबाके बिसयमे बखान करैछै। जहिनङ समय बितैत जाइछै, ओकर चेलासब ओकरा औरो बेसिसे बुझे लागैछै, महज ओकर बिरोधिसब औरो ओकरजरे दुस्‍मनी करैछै। अइ किताबके अन्‍तमे येसुके जिबनके पछिल्‍का हप्‍ता, खास कैरके उ कुरूसमे मरल आ पुनरुथान भेल बिसयमे लिखलगेल छै।

बिसय-सुची

सुसमाचारके सुरुवात १:१-१३

येसुके गालिलमे करलहा काम १:१४-९:५०

गालिलसे यरुसलेमतक १०:१-५२

यरुसलेममे बितेल्‍हा अन्‍तिम हप्‍ता ११:१-१५:४७

येसु मरलसे जिके उठल १६:१-८

जिलाके बाद देखापरल आ स्‍वरग दिसन गेलै १६:९-२०

נבחרו כעת:

मरकुस किताबके परिचय: MTHB

הדגשה

שתפו

העתק

רוצים לשמור את ההדגשות שלכם בכל המכשירים שלכם? הירשמו או היכנסו

מידע נוסף אודות मध्‍य पुरविया थारू