2 أيث-سلونيك 3
3
1أَمَّا ثِمسْڒَايِين نّغْنِي آي أَيثْمَا، تَّارث خَانغ إِ أَربِّـي بَاش اَوَاڒ ن سِيذِيثْنغ اَذ يتنْتَاشَر اَذ يتْوَاسمْغَار مَامّش إِي يوقْعن جَارَاوم. 2تَّارث عَاوذ أَ نفْڒث زݣ يِوْذَان وَار يحْڒِين ذ يعفَّانن مِينْزِي لْإِيمَان وَار يدْجِي شَا ذِي مَارَّا يوْذَان. 3وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ. 4نشِّين قَا متْأَكّدِين ذِي سِيذِي أَربِّـي اَقَا مِينْزِي كنِّيو نْوصَّا قَا تݣّم-ث، أَث تݣّم عَاذ. 5أَذ يسِيْوض سِيذِيثْنغ ؤُڒَاون نْوم غَار ڒمْحِبّث ن أَربِّـي، عَاوذ غَار صّْبَر ن لْمَسِيح.
6فَا آي أَيثْمَا، نتْوصَّا-كنِّيو عْلَاحْسَاب يسم ن سِيذِيثْنغ عِيْسَى لْمَسِيح اَذ تْبعّْذم زِي مْكُڒ ڒْمُوْمن يتْبَاعن فَرْق-شّْغڒ، نتَّا وَار يذفَّار شَا تَّعْلِيم إِي ثْقبْڒم زَّايْنغ. 7كنِّيو س يِيخف نْوم ثسّْنم أُو لَابُد اَذ تبْعم اَبْرِيذ نِّي إِي نݣَّا جَارَاوم. نشِّين وَار نتْبِيع شَا فَرْق-شّْغڒ وَامِي تُوْغَانغ اَكِذْوم. 8وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم. 9نݣَّا مَانَاينِّي مَاشِي وَار غَارْنغ بُو ڒْحَقّ اَذَانغ ثْعَاوْنم؛ لَّا، نْسظْهَار-اَوم-د اَبْرِيذ إِي غَا ثذْفَارم. 10وَاخَّا وَامِي تُوْغَانغ اَكِذْوم نُوْشَا-ٱوم ڒُوْصِيّث-أَ ثَانِيتَا: ونِّي يتَاݣِين اَذ يخْذم وَار يتتّ شَا.
11لِأَنَّا نتْسْڒَا بلِّي ذِنِّي ڒبْعَاض زَّايْوم تْبَاعن فَرْق-شّْغڒ. وَار خدّْمن شَا شّْغُوْڒَاث نْسن، نِثْنِي تَاذْفن ذِي شّْغُوْڒَاث ن مِيدّن وَاهَا. 12ئِوْذَان-أَ نتْوصَّا-ثن نقَّار-اَسن س يِيْسم ن سِيذِيثْنغ عِيْسَى لْمَسِيح اَذ خذْمن س لْمَعْقُوْل اَذ شّن اَغْرُوْم إِي يدْجَان نْسن. 13أَمَّا كنِّيو آي أَيثْمَا، ݣّث ڒْخِير بْڒَا مَا ٱذ تَاحْڒم.
14ونِّي وَار يتْطِيعِين شَا إِ وَاوَاڒ نّغ ذِي ثبْرَات-أَ ݣّم-ث ذِي ڒْبَاڒ نْوم، وَار كِذس ݣُوْرم شَا بَاش اَذ يسذْحَا. 15وَلَكِن وَار ث تْوَاڒَام شَا اَم ڒَعْذُو نْوم؛ لَّا، نْهَام-ث اَم يِجّن زݣ وُوْمَاثْوم.
لْخِطَام ن ثبْرَات-أَ
16سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا. 17سْڒَام-أَ وَانِيتَا ؤُرِيغ-ث نش س وفُوْس ينُو بُوْلُس، ذ تَانِيتَا ذ لْعَلَامَا ينُو يدْجَان ذِي مَارَّا ثِبْرَاثِين ينُو. أَمُّو إِي تَارِيغ نش. 18أَرْضَا ن سِيذِيثْنغ عِيْسَى لْمَسِيح اَكِذْوم يِيڒِي مَارَّا.
נבחרו כעת:
2 أيث-سلونيك 3: ريف
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
2 أيث-سلونيك 3
3
1أَمَّا ثِمسْڒَايِين نّغْنِي آي أَيثْمَا، تَّارث خَانغ إِ أَربِّـي بَاش اَوَاڒ ن سِيذِيثْنغ اَذ يتنْتَاشَر اَذ يتْوَاسمْغَار مَامّش إِي يوقْعن جَارَاوم. 2تَّارث عَاوذ أَ نفْڒث زݣ يِوْذَان وَار يحْڒِين ذ يعفَّانن مِينْزِي لْإِيمَان وَار يدْجِي شَا ذِي مَارَّا يوْذَان. 3وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ. 4نشِّين قَا متْأَكّدِين ذِي سِيذِي أَربِّـي اَقَا مِينْزِي كنِّيو نْوصَّا قَا تݣّم-ث، أَث تݣّم عَاذ. 5أَذ يسِيْوض سِيذِيثْنغ ؤُڒَاون نْوم غَار ڒمْحِبّث ن أَربِّـي، عَاوذ غَار صّْبَر ن لْمَسِيح.
6فَا آي أَيثْمَا، نتْوصَّا-كنِّيو عْلَاحْسَاب يسم ن سِيذِيثْنغ عِيْسَى لْمَسِيح اَذ تْبعّْذم زِي مْكُڒ ڒْمُوْمن يتْبَاعن فَرْق-شّْغڒ، نتَّا وَار يذفَّار شَا تَّعْلِيم إِي ثْقبْڒم زَّايْنغ. 7كنِّيو س يِيخف نْوم ثسّْنم أُو لَابُد اَذ تبْعم اَبْرِيذ نِّي إِي نݣَّا جَارَاوم. نشِّين وَار نتْبِيع شَا فَرْق-شّْغڒ وَامِي تُوْغَانغ اَكِذْوم. 8وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم. 9نݣَّا مَانَاينِّي مَاشِي وَار غَارْنغ بُو ڒْحَقّ اَذَانغ ثْعَاوْنم؛ لَّا، نْسظْهَار-اَوم-د اَبْرِيذ إِي غَا ثذْفَارم. 10وَاخَّا وَامِي تُوْغَانغ اَكِذْوم نُوْشَا-ٱوم ڒُوْصِيّث-أَ ثَانِيتَا: ونِّي يتَاݣِين اَذ يخْذم وَار يتتّ شَا.
11لِأَنَّا نتْسْڒَا بلِّي ذِنِّي ڒبْعَاض زَّايْوم تْبَاعن فَرْق-شّْغڒ. وَار خدّْمن شَا شّْغُوْڒَاث نْسن، نِثْنِي تَاذْفن ذِي شّْغُوْڒَاث ن مِيدّن وَاهَا. 12ئِوْذَان-أَ نتْوصَّا-ثن نقَّار-اَسن س يِيْسم ن سِيذِيثْنغ عِيْسَى لْمَسِيح اَذ خذْمن س لْمَعْقُوْل اَذ شّن اَغْرُوْم إِي يدْجَان نْسن. 13أَمَّا كنِّيو آي أَيثْمَا، ݣّث ڒْخِير بْڒَا مَا ٱذ تَاحْڒم.
14ونِّي وَار يتْطِيعِين شَا إِ وَاوَاڒ نّغ ذِي ثبْرَات-أَ ݣّم-ث ذِي ڒْبَاڒ نْوم، وَار كِذس ݣُوْرم شَا بَاش اَذ يسذْحَا. 15وَلَكِن وَار ث تْوَاڒَام شَا اَم ڒَعْذُو نْوم؛ لَّا، نْهَام-ث اَم يِجّن زݣ وُوْمَاثْوم.
لْخِطَام ن ثبْرَات-أَ
16سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا. 17سْڒَام-أَ وَانِيتَا ؤُرِيغ-ث نش س وفُوْس ينُو بُوْلُس، ذ تَانِيتَا ذ لْعَلَامَا ينُو يدْجَان ذِي مَارَّا ثِبْرَاثِين ينُو. أَمُّو إِي تَارِيغ نش. 18أَرْضَا ن سِيذِيثْنغ عِيْسَى لْمَسِيح اَكِذْوم يِيڒِي مَارَّا.
