פסוקים פופולריים מ- Zohane' 17

שתפו

Gamazi gihile lamine' nene apize ngemo nedunu' gono dalizado' do lisihe' o-ngedo do kegese-ngedezo. Ido' gamazi gihile laminekumu' noluvoni' meve nene gei' gamazika nene gamazi gihile lamine' neine' nenako nemu' nene noluve.

Ido' minevo' minevo' ngemeni dameni daa' nene gei' O'moso gihile hamo' nemu' ningi gili hehe laatoti' nesi ido' evene' do ngu' izeline lo nimiselanive Izesu' Kilisito' nenikumu' ningi gili hehe lilizadoti' nesi nene dalisave.

Ido' geita noluvoni' mene engikumukovo' noluvoba asi engi' gamazi'ine gilisa nenikumu' gili ele'vole' ilizavemukisi nene geita noluve. Ido' geita engikumu' noluvoni' nene ingine bizi hamo' minilizave losa geita noluve. Ee, me'neho make, gaza nenita nanivo naza geita nouvo nosine' ne'mine igi inginesi lelita bizi minikevo neloti' nene me misubou' aleve nete nene nenikumu' gei' nimiselaine' neive li ningi gili gili ele'vole' ilizave losa nemukisi nene geita noluve.

Gaza nene a'mine vekisine meve nene me misuboukoti' do viline losa geita noluvoba asi ve goloso ngemengu' molavo goloso ikelizave losa alete molo-ngedeline losa noluve.

Ido' gaza nemaine' amuzo ma nene laza hamo' lolo' ogo nosine' ne'mine igi inginesi hamo' lili' igi minilizave lo engi' ngemekuve. Ee, naza engita nouvo gaza nenita nanivo ne'mo engi' nene bizi hamo' gehepeve lili' igi minikevo neloti' nene me misubou' aleve nete nene gei' nimiselaine' ve ido' gaza luka nemaa' naine' ne'mino vekisine nene luka ngeme naine' neive li ningi gililizave losa a'mine amuzo nene vekisine ngemekuve.