פסוקים פופולריים מ- San Marcos 4

שתפו

Bimmangon ni Jesus, ket binilinna ti angin, “Agsardengka!” sana kinuna iti dalluyon, “Agtalnaka!” Nagsardeng ti angin, ket nagtalna ti dalluyon. Kinuna ni Jesus kadagiti adalan, “Apay nga agbutengkayo? Awan pay kadi ti pammatiyo?”

Ngem kasta unay ti butengda, ket kinunada iti maysa ken maysa, “Ania ti katataona daytoy? Uray ti angin ken ti dalluyon agtungpalda kenkuana!”

Adda ni Jesus iti kutit ti bangka. Magmaturog a nakapungan. Riniing dagiti adalanna. “Maestro,” kinunada, “awan aya ti aniamanna kenka no lumnedtayo?”

Kinunana pay kadakuada: “Panunotenyo a nalaing ti mangngegyo! No kasano ti panangrukodyo kadagiti sabsabali, kastanto met ti panangrukod ti Dios kadakayo; ket naing-ingetto pay!

Intuloy ni Jesus ti nagsao, “Kastoy ti kayarigan ti Pagarian ti Dios. Adda tao nga agpurruak kadagiti bukel iti talonna. Maturog iti rabii ket agtrabaho iti aldaw. Kabayatanna, agtubo dagiti bukel ket dumakkelda. Ngem di ammo ti nagmula no kasano ti irurusing ken idadakkelda.

Dumngeg ngarud ti siasinoman nga addaan pannakaawat.”