פסוקים פופולריים מ- Karatas 5

שתפו

Deus hyrikoso mynamykse zeka mytuk mynapykyryk ihumo meky watu tsimoziknaha. Deus hyrikoso humo ustsa aparakbaha bo tyharape pokzitsikinaha. Atahi mymykusukniwyky iwatsahi mykurẽtsa tsimykaranaha. Ihumo batu paikpa mytsaty tsimykaranaha. Mysopykziurẽtsa. Mykubyrisorokrẽtsa. Aparakbaha tuk ba ziksimyiki myhyrizikporẽtsa mysapyrẽtsa tsimaha. Mysakikihikrẽtsa. Batu tyso katsa zubatsa ty wasani tsimykaranaha. Mypetu mysopyk iwatsahi mysapybara ty batu hỹ tsimaha. Deus mysoho tihi: — O ahamysapyrẽtsa tsimoziknaha — my. Mysapyrẽtsa tu zeka batu aty tohi mype ziky: — O batu ahamysapy — maha. Iwa batu tyso zikaha.

Kaharere bo wabyziutaha! Deus hyrikoso ahatuk mynapykyryk zeka iharere bo zuba hyỹ tsimykaranaha. Iharere tawaby zeka ana hi Deus mozihikik. Hawaha tsimyzihikiknaha bo ka mytsaty mytsaty byitaha.

Deus hyrikoso mytuk mynapykyryk zeka ata humo kino meky watu tsimoziknaha. Atahi mypehatsa mozik. Iwatsahi izikwy humo tsimyzurukunaha. Atazuba namypehaka iwatsahi iharere bo zuba ma tynakaranahaktsa! Hawa mymykzoze iwa tsimyzurukunaha.

Katsaktsa Sesus tuktsa tsimaha. Ihumo myspirikporẽtsa hawa ha ty tsimyzihikiknaha ana kino batu myty peha my. Hawa batu mysapy ana humo kino batu hỹ tsimaha.

Hawa katsa tsimykaranaha ana humo hi mysoho baba tsipiwatawynaha iwatsahi aparakbaha myhumo sihyrinymyrẽtsa. Iwa tsimykaranaha. Asaktsa Deus harere bo batu hỹ zikaha iwa mozurukunaha. Asaktsa usta oke bo hua mynakaranaha. Usta maku piwohiknaha. Kytsa wytykyryk mysipyriryikiknaha mowakyriwy waza sisopyk. Kytsa deustsabyitsa bo napamykysoikiknaha. Asaktsa tahanamy zuba motsasoko: — O atakta mydeus hi — mybarapetu mykaranaha. Ustsa kytsa namysukyrykynaha. Sisukyrytsitsa tu naharape huzeduikiknaha. Siokanirẽtsa simyiwyhytsa tu mynasisuknikinaha. Sizokdirẽtsa. Sihyrizikzorẽtsa. Myharapepehaikiknaha iwatsahi metutu mopapahabakanaha. Mysiaknikinaha. Tsõsĩ humo pypykbeze mykaranaha. Ustsa humo myharape huzezukunaha. Asaktsa iwa sisopyk batu Deus tyryktsa zikyriknaha. Deus harere humo batu siakparawy.

— O katukytsa Deus humo ahamysapyrẽtsa. Iwatsahi ahaspirikporẽtsa tuze batu tyso. “O abaka hawa katsa tsimyzihikiknaha atsatu tsimykaranaha. Mysapybyitsatu tsimykaranaha” — Iwa batu tyso. Ahaspirikporẽtsa tyharape pokzitsikinahaktsa!

Hawa katsa tsimyzihikiknaha Deus hyrikoso batu hỹ niy. Hawa Deus hyrikoso mozihikik anatyhi katsa batu hỹ tsikaha. Deus hyrikoso harere bo zuba yhỹ tsimykaranaha zeka hawa tsimyzihikiknaha batu zikaha.

Moises harere ibyky taparaktsa mydiritsa kino niwatihi sisopykwy tu maha. Siwatahaha tihi: — Aotutsa pauktsitsa humo tynasipokzitsikinaha, ahumo tu tsinakaranaha wa tihi tysipokzitsiki — niy.

Batu tyso: — O katsa zuba wasani tsimaha. Iwa batu tyso. Aparakbaha tuk ahasakpare byihujataha! Ustsa aparakbaha simysapyrẽtsa humo maha zeka ahazokdi byihujataha! kytsa — my.

Kiristu humo mysapyrẽtsa iwaze taparaktsa harere bo batu mysopyk. Iwaze Moises harere bo zuba batu mytsatyziu tsimaha. Kiristu mymybetesaka zeka ituk mywahi tsimyzurukunaktsa! Kiristu zikwy mytuk mynapykyryk iwatsahi hawa tsimyzurukunaha wasani tsimykaranaha. Iwa tsimypykyryknahaze ustsa kytsa ahabo motsasonaha zeka: — O taparaktsa sopykwy ty tsimaha iwatsahi Deus okzeka ahamysapyrẽtsa tsimoziknaha. Siharere bo yhỹ tsimaha! — mybarapetu mykaranaha. Siharere bo batu waby zikaha. Sitsumuẽhĩtsitsa watsa batu tsimozikzonaha!