פסוקים פופולריים מ- 1 YOHANE 4

שתפו

A ku na nchavo erirhandzwini, kambe rirhandzu leri hetisekeke ri susa ku chava; hikuva ku chava ku ni ku biwa, kutani la chavaka a nga hetisekanga erirhandzwini.

Loko mi ri n'wina, vana vanga, mi va Xikwembu, kutani mi va hlurile hikuva la nga na n'wina, u tlula hi vukulu la nga emisaveni.

Loko hi ri hina ha xi rhandza, hikuva hi xona xi rhangeke xi hi rhandza.

Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

La nga rhandziki, a nga tivi Xikwembu; hikuva Xikwembu i rirhandzu.

Laha rirhandzu ri nga rona, hi leswi ku nga riki hina lava rhandzeke Xikwembu, kambe hi xona xi hi rhandzeke, kutani xi rhumile N'wana wa xona, leswaku yi va mhamba ya swidyoho swa hina.

Varhandziwa, loko Xikwembu xi hi rhandzile swonghasi, na hina, hi fanele ku rhandzana.

Rirhandzu ra Xikwembu eka hina ri vonakile hakona; hi leswi Xikwembu xi rhumeke N'wana wa xona, la nga tswariwa a ri swakwe emisaveni, leswaku hi hanya ha yena.

Kungakuloko un'wana a ku: “Ndzi rhandza Xikwembu,” kasi a venga makwavo, u ni vunwa; hikuva la nga rhandziki makwavo loyi a n'wi vonaka, a nga swi tivisa ku yini ku rhandza Xikwembu lexi a nga xi voniki?

Un'wana ni un'wana la vulaka leswaku Yesu i N'wana wa Xikwembu, Xikwembu xi tshama eka yena, na yena u tshama eka Xikwembu.

Kutani ku lerisa loku hi ku nyikiweke hi xona, hileswaku: “La rhandzaka Xikwembu, u rhandza ni makwavo.”

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele. Tivani Moya wa Xikwembu hakona: Moya wun'wana ni wun'wana lowu vulaka leswaku Yesu Kriste u tile enyameni, i wa Xikwembu.

Kambe moya wun'wana ni wun'wana lowo nga vuriki leswaku Yesu Kriste u tile enyameni a hi wa Xikwembu; hi wona moya wa Antikriste, loyi mi n'wi twaka leswaku wa ta, kambe, ni sweswi, wu kona emisaveni.