פסוקים פופולריים מ- Sáni Mateo 13

שתפו

Ka ima k'óruia enka ampakiti echerirhu antatseraka, imestiksï enkaksï uantakuani kurhak'a ka kurhankuni ka sési ampeksï úni, eska tríju enka iúmu ekuatsechani ka tanimu ekuatsechani ka ma ekuatse témpenichani píntsïta antatak'a.”

Ka ima tríju enka akarhenirhu antatseraka, imechani arhiaxati enkaksï uantakuani kurhak'a, ka iásï anapu uantanheata, ampe káneranhchakua ampe ka jatsikorhekua tantoch'píri, mirikutaasïnti íni uantakuani ka tsîrhukusïntiksï.

Ima enkaksï irechekueri uantakuani kurhak'a, ka nóksï kurhankuni, ísïstiksï eska tríju enka xanhari jimpo antatseraka; nóampakiti janokusïnti ka aiankperatani k'arhuaskamaasïnti enka mintsitarhu júkskakata jápkia.

Ka ima tríju enka tsakapentu antatseraka, imechani arhikuekaaxati enkaksï uantakuani kurhak'a ka tsípekua jinkunksï p'irani, ka enka no úka sïrankua jukani, nóksï úsïnti p'ínkukorheni ka tsîrhukusïntiksï enkaksï aiankperakua jimpo ts'ék'unhak'a ka nósesiksï kánhani.

“Ka ístu auantarhu anapu irechekua xáxesti eska jatsikorhekua enka inchaskunhak'a. Ka acheti ma xékorhent'asti ka ménteru jimak'u túskuntani, ka xáni tsípeni, jatsikorhekua ampe atarantasti ka imani echerini piántasti.”

Ka máruksï ampakiti echerirhu antatseraspti, ka sési antaraspti; máruksï iúmu ekuatsechani tríju jukaspti, máteruksï tanimu ekuatsechani, ka máteruksï ma ekuatse témpenichani jukaspti.

Jurak'u je eskaksï mák'u k'éri antaraaka, ka uarhop'antskuarhu, uarhoatatichani arhiauaka eskaksï jerampani urheta p'ikuaka, ka eskaksï kurhint'aaka; ka eskats'ïni tríjuni jatakuarhu patsachent'aaka.’ ”