פסוקים פופולריים מ- ᓘᑲᓯᐅᑉ ᐊᒡᓚᖏᑦ 4

שתפו

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᐅᖃᐅᑦᔨᖁᓪᓗᖓ ᐊᑕᓂᐅᑉ ᐱᐅᓕᓯᕕᒋᔪᒪᔭᓐᖓᑕ ᐊᕐᕌᒍᖓ ᓇᓪᓕᐅᑎᖕᒪᑦ.”

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐊᑕᓂᖅ ᒎᑎᒋᔧᑦ ᑐᒃᓯᐊᕐᕕᒋᔭᒃᓴᕆᕙᑦ, ᑖᓐᓇᑐᐊᕐᓗ ᐱᔨᑦᓯᕐᑕᒃᓴᕆᕙᑦ.’”

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐃᓄᒃ ᓂᐊᖂᔭᒥᑐᐃᓐᓇᖅ ᐃᓅᑦᔪᑎᖃᓐᖏᓚᖅ.’”

ᔩᓱᓯ ᔪᐊᕐᑕᓂᒥᑦ ᐅᑎᓕᕐᑎᓪᓗᒍ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᓪᓗᓂ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᑕᓯᐅᕐᐹ ᐃᓄᖃᖏᑦᑐᒧᑦ

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᐅᖃᕐᓯᒪᕗᖅ, ‘ᒎᑎᖕᓂᒃ ᐊᑕᓂᕐᓂᒃ ᐱᔪᒥᓵᕆᔪᒃᓴᐅᓐᖏᓚᑎᑦ.’”

ᓵᑖᓇᓯᐅᑉ ᐱᔪᒥᓵᕆᑦᔪᑎᓂ ᐃᓱᓕᒃᑲᒥᒋᑦ, ᔩᓱᓯᒥᑦ ᕿᒪᕉᑎᕗᖅ ᐱᕕᒃᓴᒥᓂᒃ ᐅᑕᖅᑭᓕᕆᓪᓗᓂ.

ᑕᕝᕙ ᓵᑖᓇᓯᐅᑉ ᐳᕐᑐᔪᒧᐊᕐᑎᑉᐹ, ᑕᑯᑎᓪᓗᒍ ᓯᓚᕐᔪᐊᕐᒥ ᐊᖓᔪᖅᑲᐅᕕᓕᒫᓂᒃ ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᓵᑖᓇᓯᐅᑉ ᐅᖃᐅᑎᕚ, “ᐊᖓᔪᖅᑲᐅᓂᓕᒫᑦ ᑕᒪᒃᑯᐊ ᓂᕐᑐᕐᓇᕐᓂᖏᓪᓗ ᐃᓕᖕᓄᑦ ᑐᓂᓂᐊᕐᐸᒃᑲ, ᐅᕙᓐᓄᑦ ᑐᓂᔭᐅᓯᒪᔪᑦ, ᐃᓱᒪᓐᓂᒃ ᑐᓂᔪᓐᓇᕐᐸᒃᑲ ᑐᓂᓯᕕᒋᔪᒪᔭᓐᓄᑦ. ᑕᒪᒃᑯᐊ ᑕᒪᕐᒥᒃ ᐱᑖᕆᓂᐊᕐᐸᑎᑦ, ᑐᒃᓯᐊᕐᕕᒋᒍᕕᖓ.” ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐊᑕᓂᖅ ᒎᑎᒋᔧᑦ ᑐᒃᓯᐊᕐᕕᒋᔭᒃᓴᕆᕙᑦ, ᑖᓐᓇᑐᐊᕐᓗ ᐱᔨᑦᓯᕐᑕᒃᓴᕆᕙᑦ.’”

ᓵᑖᓇᓯᐅᑉ ᔩᓱᓯ ᔨᕉᓴᓕᒻᒧᐊᕈᑎᕚ, ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓄᐊᕐᑎᐹ, ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᑕᒫᓐᖓᑦ ᐃᓕᖕᓂᒃ ᑲᑕᒃᑎᓚᐅᕆᑦ ᐅᓄᖓ; ᐊᒡᓚᖕᓂ ᑎᑎᕋᕐᓯᒪᖕᒪᑦ, ‘ᒎᑎᐅᑉ ᐂᖏᓕᖁᑎᓂ ᑎᓕᔪᒫᕐᐰᑦ, ᓴᐳᑎᔭᐅᖁᓪᓗᑎᑦ,’ ᐊᒻᒪᓗ, ‘ᑎᒍᒥᐊᕐᑕᐅᓂᐊᕐᐳᑎᑦ ᐃᑎᒐᑎᑦ ᐋᓐᓂᖁᓇᒋᑦ ᐅᔭᖅᑲᓄᑦ.’” ᔩᓱᓯᐅᑉ ᑭᐅᕚ, “ᐊᒡᓚᖕᓂ ᐅᖃᕐᓯᒪᕗᖅ, ‘ᒎᑎᖕᓂᒃ ᐊᑕᓂᕐᓂᒃ ᐱᔪᒥᓵᕆᔪᒃᓴᐅᓐᖏᓚᑎᑦ.’”