פסוקים פופולריים מ- Lúkasa 6

שתפו

Énuéŋén bɔsɔ́gɔ́, bégenuéŋén sɔ́n, bágágaan, bɔ́sɔ́nɔ, bófuógi, tás líeŋ gɛgad gán; nuged unú nugenúgédényi na nɔ́, begenúgédenyi sɔ́n na nɔ́.»

Mɔnd wa bese, guála manda má bese, mányá mɔsɛ́gɔ́n agá ɔdɛm wág wá bese, mɔnd wa giád gá ɔdɛm ála manda má bɔbɛ, mányá mɔsɛ́gɔ́n agág gá giád gá bɔnɛ́m bá ɔdɛm wág; gágual ká niíd guɔ́yɔ ubɔ́ búságuman gufuóg agá ɔdɛm.

Ánulɛ́gá bambɛ́lɛmbɛ́l bán, nuála bɔ́ bese, nuond nubiólonyinyi, nudibídényí ká bógonuóndinyi. Nugadáŋáb bianta bá bɛ́nama, nugabá baan bá ewe unyá Fát Ugumuana, gágual ká unyɛ bese gá ebé bádialɛnsáná bese waga, na gá ebe bányá na ifíl.

«Sié wanɔ nyɛ bese, ánubá na gɛnɔ́g gá ɔdɛm anyɛ ɔwɔ́.

Nudigélényi bɔsɔ́gɔ́, bédigenúgélenyi banuá sɔ́n, anúlɛ́ŋá bɔsɔ́gɔ́ anyɛ bádigúsɛgɛmanan na gɛgua, bádɛganúlɛ́ŋa sɔ́n anyɛ nugúsɛmanan na gɛgua; ánunɛ́nánɛ́n, báganúnɛnanɛn sɔ́n.

«Ngúnuɔ́yɔɔn gɔg, banuá numbɛ́dɔ́lɛ́gɔnɔ́ ká Ánulɛ́gá bambɛ́lɛmbɛ́l baán, ánualá besé gá ebe banúfɛ́maná, ánufɔná ebe bɔ́núlɔ́mɔnɔ́, núbísógólonyi gá ebe bánuálaná bɔbɛ.

Ánualá na bɔsɔ́gɔ́ gɔɔ́gɔ anyɛ́ nuambaná ká bála nanɔ.

«Mɔnd mágunáŋɛ́d agá nuás, díyé wɔ́ númodió, mɔnd mɔ́gɔ́l gɛla gɔ́w gá muana, éŋín wɔ́ gá gúsigúsié. Mɔnd mɔ́guɔŋɛn buanda, afá wɔ́, úmɔ́gɔ́l buanda bɔ́w, odiófún wɔ́.

«Gɛnɔ́g gá bɔdɛ́d dɛbá bóguóm biád bá bɛ́samɔ, gɔɔ́gɔ anyɛ́ giád gá bɔdɛ́d diómónó bɛnɔg bá bɛ́samɔ.

Bágúlɛnsan bɔdɛ́d gág gá bɛ́samɔ: Bádigúgása ɔŋɔ́dɔ agá gidudu gá insánd, ɔ́gɔ ká moliómilióm agá bɛyánka.