פסוקים פופולריים מ- 1 Tesalonicenses 5

שתפו

'Oquiit'ego' na'chi 'eeta't da' 'ami madet'ape. 'Oquiit'ot da' 'antamnaxaquii. Temaqaidi da' 'uo ga' 'ami hualóo'te, qaláxasa na'chi 'ená'am 'auañiitapecot da' 'antónaxaquii ñi'me Dios. Qá'a naqaida 'me 'éetapeec ñi' Dios da' 'oñíita, qá'a 'au'amaqchíñii so' Cristo Jesús.

Ñi'me Dios 'me qo'mi ỹanema da' qad'emáxac, na'chiñi 'me 'ami ỹoqovíchiilo qa'e'n qomle, qataxa ỹiỹamaxat ỹima da' 'adó'oquiaxaquii, qataxa ñi' 'ami ỹidáxatet'ape 'adepaqálii, qataxa ỹima na' 'adai'lídii', da' ỹátaqta qaỹa 'te ga' 'adesamaxataxaquii qa'en qomle ỹivíta ga' l'iỹílaxasoxoc so' qadesaliaxanec Jesucristo. Ñi'me qan'étoqo't 'me 'ami ỹiỹáxanalo, jiñi'me ỹátaqta sa 'te desepégaxanot da' l'aqtac, ỹipaquíchiỹi qa'en ỹima dójo'.

Ỹátaqta 'anchiliiỹa'a't, qaỹa 'te ga' ỹiseeten'aguet ga' sa ỹiỹamaxañi da' ỹ'étec ga' laqáỹa. Jaldato' da' 'aupaquiỹápegue' da' 'av'íchiic ga' ỹiỹamqáchiiñi ñi' 'oonolec da' 'oñíita qataxa ỹima jen' siỹaxadipi laỹi.

Chan'eesa 'alcochiiỹapega't, qataxa ñi' 'oonolec ỹ'añaqtet ga' laqáỹa. Da'me sóxote da' 'av'íchiitac, na'chida 'oquiit'ot.

Nataq'en 'ami qadaqáỹa', 'ami saqataxalo da' ỹátaqta 'oñíỹapega na' sa 'te d'onataxan, qataxa 'au'añaqchichii na' sa d'anỹi di' lauel, qataxa 'alcochíiỹa na' sa d'anỹi da' lip'iỹáxac, qataxa 'aneuálaxaiñi'ỹi' ỹima na' siỹaxadipi.

Qá'a ñi' Dios sa 'te da' qo'mi ỹiloxonaxachiilo da' ỹa'uo ga' qane'uaxánaguec ga' p'áteegue nolo'. Jaldáta da' saconaxaguet da' nec'alaxa 'me chiỹoqo'ot so' qadesaliaxanec Jesucristo.

Qá'a ỹima da' 'oñíita sóxote 'ovíitaaue jen' nolo' 'me ỹ'oqóchiiñi. Qana'chi qo'mi sa souqátaaue ga' l'álaxa na' pí'ỹaq.