פסוקים פופולריים מ- Ivugururamategeko 11

שתפו

Muzayigishe abana banyu, muyabasubirishemo igihe wicaye iwawe n’igihe ugenda mu nzira, igihe uryamye n’igihe ubyutse.

Aya magambo yanjye mwumvise, muzayabike muri mwe, mu mitima yanyu, muyagire ikimenyetso kidasibangana mu biganza byanyu, muyatamirize mu ruhanga hagati y’amaso yanyu.

Nimugira umwete wo kumvira koko amategeko yanjye, ayo nguhaye none, mukabigira mukunda Uhoraho Imana yanyu, munamukorera n’umutima wanyu wose n’amagara yanyu yose, mu gihe gikwiye nzavubira ubutaka bwanyu imvura bukeneye, ari iy’umuhindo ari n’iy’urugaryi, muzasarure imyaka yanyu y’impeke na divayi nshya, n’amavuta y’imizeti

Uzakunde rero Uhoraho Imana yawe, ukurikize amategeko ye, imigenzo ye, amabwiriza ye n’amateka ye, ubigire iminsi yose.

Dore, uyu munsi mbashyize imbere umugisha n’umuvumo. Umugisha muzawubona nimwumvira amategeko y’Uhoraho Imana yanyu mbagejejeho none; umuvumo muzawugira nimutumvira amategeko y’Uhoraho Imana yanyu, mugateshuka inzira mbabwirije none, ngo mwikurikirire izindi mana mutari muzi.

Uzayandike ku nkomanizo z’umuryango w’inzu yawe, no ku marembo y’imigi yawe, kugira ngo mwebwe n’abana banyu muzarambe mu gihugu Uhoraho yarahiriye kuzaha abasekuruza banyu, uko ijuru rizahora hejuru y’isi.

Muramenye, imitima yanyu itazoshywa mugateshuka inzira, mukayoboka izindi mana, mukazipfukamira