פסוקים פופולריים מ- Luq kar 3

שתפו

Chaw yad teq pa kha peg ghad A kaz tur peg se te yand Yer suq Ghig sa liz A kaz tur se yaog Yer suq Bon lawg chehd se awg yand haq Ghig sa muhd nuh maq phaw se yaog. Kheh te lehq daq kehg se awg ha phu Ghig sa ve awg hoq awg hanr A pia kar phua haq kha suar yaq lehq Yer suq thag lo chehd se yaog kheh te lehq muhd nuh maq lo Ghig sa ve awg khuhd te khuhd buhq tuhaz se, “nawg awr lehr ngag haq Jad se yad phu yaog ngag nawg haq ni ma cawd Jad se yaog lehd koz se yaog.”

Yod hanr yawd hehd teq pa kha peg haq kawq koz vid se, “ngag awr lehr ngag nawg hehd haq A kaz awg khuhn A kaz tur se yaog, kheh ma khuhd A meha te ghad lag tod-az kheh te lehq chaw che te ghad ngag haq keh kand pax Ir jad se yaog ngag yawd ved khi noz caz haq liz phi tu maq kenr hawg yawd nawg hehd haq daq kehg se awg ha phu Ghig sa he lehq A mir khuhn A kaz tur tug yaog.”

Suhz jehg tug haq phaw veh se yaog nawg hehd vend bax duhd phuhz lehq Ghig sa geh kawq phuhz kawq lag Ar bar rar hanr ve awg ceng awg kha lehd duhd lehq nawg hehd haq maq suhz jehg hawg lehd duhd ni ma khuhn taq ca duhd taq ca koz chehd, ‘ngag nawg hehd haq koz ax laq,’ Ghig sa awr lehr hawx meh dig che teq pa yug lehq Ar bar rar hanr ve awg yad awg huhar phehq vid lehq nawg hehd haq awg tang te ved gha se yaog

A meha vend bax cawg se chaw teq pa I hehd ve vend bax ma duhd phuhz lehq Ghig sa yawd koz khuhd maq na yug se haq Ghig sa suhz jehg tug yaog Ghig sa awr lehr haw khaz te ghad suhz cehg khi per pa ngaw ghu teh lar se haq sur se yaog. A sug te ghad ma koz suhz cehg Awg sir mad nuhq se haq sur se chaw U ve phad haq Ghig sa suhz jehg tug yaog U ve phad awr lehr suhz cehg thawq chid bag vehr se haq kha suar A mig khuhn bag ke tug yaog.”

Cuh kar par Id sar yaq ve liq khuhn awg kawd thad lo-aq koz lar se, “Heh pir khuhn awg god khehz te lo Chaw te ghad kug lehg koz se Jawd mawd awg pon Yaq kaw ghu lor, vend bax dud phuhz lehq nawg A saq teq se awg khuhn lo nawg ved ni ma duhd kha thed gad ghu lar Jawd mawd Ghig sa haq haq yug lehq mawg daq tug yawd ved yaq kaw haq thed lehad te-o Nawg hehd teq pa Lawg yuhd kad nax maq te se haq dud ke lehq peh vid-o Keh dig he lehq keh khad liz Nehq ghad te vid kheh te lehq Yaq kaw khad awg kuhq luhq kux te se teq pa thed ghad te vid lehq Yaq kaw kha khuhn ve suhz med khuhd duh liz saw dud kha lehq awg tid kuhz te vid yaog. Chaw yad kha peg awg pon Ghig sa lag pea lar se yug pong ax sehr phad U ve haq gha mawg tug yaog.”