פסוקים פופולריים מ- انجیل مَتّی 24

שתפו

بَدی اِکَّد زیاد اَبِه که محبت بُری از آدامیا اُ یَه سَرد اَدَبِه. ولی هرکَه تا آخر طاکَت بیارِ نجات پیدا اَکو.

و اِ خبر خَشِ پادشاهِنِ خدا تِی کُل دنیا اعلام اَبِه تا شهادتی اَسِی هَمَهِ ملتیا بِه، و مِ موکَوا دنیا اُ آخر اَرَسِه.

شما دربارَهِ جنگیا اَشناوی و خبر جنگیا اُ گاشتو اَرَسِه. حَواستو بِه که پریشون نِبی، اَسِی که باید اِ اتفاکیَه‌وا بِفتِه، ولی هَنو آخر زَمون نی.

اَسِی که ملتی وَ ضد ملتی دِگَه و پادشاهِنی وَ ضد پادشاهِنِ دِگَه بلند اَدَبِه، و تِی جَئِی مختلف کَحطِنیا و زلزلَه‌یّا اَدا. ولی هَمَهِ اِیا فَکَط شروع دردِی زایمونِه. که فاصلَه بین دردیا، کامتَه و کامتَه اَدَبِه.

آسِمو و زِمی از بین اَچِه ولی حرفِی ما هِسوَخت از بین ناچِه.

اَسِی که خیلیا وَ اسم ما دِئِت و اَگائِت، ”ما مسیح موعودام“ و اُ خیلیا گمراه اَکنِت.

«تِی آن زَمونا تُن تحویل اَتِت تا بُری مصیبت بِکَشی و تواَکشِت، و هَمَهِ ملتیا وَخاطر اسم ما از شما متنفر اَبِت. تِی آن زَمونا خیلیا ایمونشو از دست اَتِت و اُ یَه خیانت اَکنِت و از یَه متنفر اَبِت. بُری انبیای دارُوی دِئِت، و اُ خیلیا گمراه اَکنِت.

عیسی شُ آنایا جواب دَ: «حَواستو بِه تا کسی گمراهتو نِکو.

پَ شما هم باید آمادَه بی، اَسِی که پُسِ انسان، تِی ساعتی اَدا که انتظارُش تُنی.

پَ بیدار وامانی، اَسِی که نادانی خداوند شما چه رازی اَدا.

«هِسکَه غیر از بای آسِمونی آن راز و ساعتا نادو؛ حتی فرشتَه‌ئِی آسِمو و پُس هم از آنا خبر شُنی.

اَسِی که مسیحِی دارُوی و انبیای دارُوی دِئِت، نِشونَه‌یّا و معجزه‌ئِی گاتی اَنجوم اَتِت تا اَگَه بِبِه، حتی اُ کسِی که انتخاب بُستِت هم گمراه بِکنِت.

اُندَهِ پُسِ انسان هم چُنِ زَمون نوح اَبِه. اَسِی که تِی آن رازیا، کَبل از اِکِه طیفو بیاد، تا رازی که نوح سُوار کَشتی بو، مردم شواَخَه و شواَدَخَه، زِنَ شواَکِه و شو شواَکِه، و شُنادانِست که چه اَبِه، تا اِکِه سیل اُمَ و اُ هَمَه آنایا خاد خوش اُشبو. اُندَهِ پُسِ انسان هم اینا اَبِه.