פסוקים פופולריים מ- မဿဲ 12

שתפו

သင်တို့အား ငါဆိုသည်ကား တရားစီရင်တော်မူမည့်နေ့၌ လူတို့သည် သူတို့ပြောဆိုခဲ့သည့် အကျိုးမရှိသောစကားများအတွက် ဖြေရှင်းချက်ပေးကြရမည်ဖြစ်သည်။ အကြောင်းမူကား သင်တို့၏စကားများကို အခြေခံ၍ သင်တို့သည်အပြစ်မရှိကြောင်း အသိအမှတ်ပြုခြင်းခံရမည်ဖြစ်သကဲ့သို့ သင်တို့၏စကားများအား အခြေခံ၍ သင်တို့သည် ပြစ်ဒဏ်ချမှတ်ခြင်းခံရမည်သာဖြစ်သည်” ဟုမိန့်တော်မူ၏။

မြွေဆိုးမျိုးနွယ်တို့ကဲ့သို့ လိမ်ညာလှည့်ဖျားတတ်သောအသင်တို့၊ သင်တို့သည် ဆိုးသွမ်းသောသူများဖြစ်နေကြလျက် ကောင်းသည့်အရာများအား မည်သို့ပြောဆိုနိုင်ကြမည်နည်း။ အကြောင်းမူကား လူတစ်ယောက်စိတ်နှလုံးအတွင်း၌ ပြည့်နှက်နေသည့်အရာများကသာ ထိုလူ၏ နှုတ်မှထွက်လာကြသောကြောင့်ဖြစ်၏။

ကောင်းမွန်သောသူသည် သူ၏ကောင်းမွန်သော စိတ်နှလုံးထဲမှာရှိသည့် ကောင်းမွန်သည့်စကားများကိုသာ ပြောဆိုသကဲ့သို့ မကောင်းသောသူသည်လည်း သူ၏မကောင်းသောစိတ်နှစ်လုံးထဲတွင်ရှိသည့် မကောင်းသောစကားများကိုသာ ပြောဆိုတတ်၏။

ထို့ကြောင့် သင်တို့အား ငါဆိုသည်ကား လူတို့အချင်းချင်းလုပ်ဆောင်ကြသော ပြစ်မှားစော်ကားခြင်းများနှင့် ဒုစရိုက်အပြစ်များအတွက် ခွင့်လွှတ်ခြင်းကို ခံရမည်ဖြစ်သော်လည်း ဘုရားရှင်၏ဉာဏ်အလင်းတော်အား စော်ကားပြောဆိုသည့်အပြစ်အတွက်ကိုမူ ခွင့်လွှတ်ခြင်းခံရလိမ့်မည်မဟုတ်။

အပင်တစ်ပင်ကို ကောင်းမွန်စွာ ပြုစုပျိုးထောင်လျှင် ထိုအပင်၏အသီးသည် ကောင်းမွန်မည်ဖြစ်သကဲ့သို့ အပင်တစ်ပင်ကို ဆိုးဝါးစွာ ပြုစုပျိုးထောင်လျှင် ထိုအပင်၏အသီးသည် ဆိုးဝါးမည်ပင်ဖြစ်၏။ ထို့ကြောင့်အသီးကို ကြည့်ရုံဖြင့် မည်သို့သောအပင်ဖြစ်သည်ကို သိနိုင်၏။