פסוקים פופולריים מ- 1 Corinto 3

שתפו

Awan moy beman tukoy a templo kam nu Diyos dipo mágyan nikam u Ispirito na?

dipo awan dán ti agum a pundasyon a maare a idátton maliban tu nedátton dán, awan ti agum nan ti Jesu-Cristo.

Bakán a u nagmula oni u nagdilig u mahalaga, nan u Diyos a nangpatubu sakay nágpalagu.

Dipo pareho kami la ay ti Apolos a mágtarabaho para tu Diyos, sakay hikam u kumán a araduwan sakay hikam u kumán a bilay a ipataknág nu Diyos.

Balang essa a mánnampalataya ay kailangan de a magin maingat dipo dumemát u aldew nu pághatul a atanan nu gimet de ay mapurbaan tu apoy. Ti aldiwan itod ay masubukan u ginimet nu balang essa ni te pinagserbiyan oni awan: U tolay a naggimet ti tama, kumán a intulos na u pággimet ti bilay a gimet ti ginto, pilak, sakay mágkahalaga a bito, dipo awan iye hide matutod. Pero u tolay a maggimet ti madukás ay kumán a intulos na u págtolnák ti bilay a gimet ti kayo, lamon, oni yaut a matutod.

U mágmula sakay u mágdilig ay pareho la a mágtarabaho sakay balang essa ay tumanggap ti gantimpala ayun tu pagud na.

Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.