פסוקים פופולריים מ- 1 Corinto 13

שתפו

U tolay a te págmahal ay matiyaga sakay mabait, awan masássállapán, awan hambug, oni mapagmadakál. Awan madukás u ugale na, awan makasadile, awan maáiyamután, sakay tukoy na a magpatawad tu kasalanan nikuna nu agum.

U tolay a te págmahal ay mapagpatawad, te tiwala tu agum, pirme a tehhod a pag-asa, sakay mapagtiis tu atanan a hirap.

Awan na ikasaya u madukás a gimet, nan ikasaya na u tatahoden.

Kaya i tálluwan iye ay manatile: u pánnampalataya, pag-asa, sakay págmahal; pero u pinakamahalaga ti tálluwan iye ay u págmahal.

Mawan u kakayanan a magpahayag tu upos nu Diyos, mawan u kakayanan a magupos ti iba-iba a upos sakay mawan u karunungan, pero u págmahal ay awan ti kahád.

Nadid, ni makapagupusák man tu iba-iba a upos sakay tu upos nu anghel hide, ni awanák ti págmahal ay kumánnák la a bating-tingan oni pompiyang a makán tánnugán.

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

Ipagatád ko man u atanan a ari-ariyan ko, sakay iyalay ko man u bággi ko para tutudán, ni awanák labe ti págmahal, ay awan labe iye ti kabuluhan nikán!

Nikuna a anakák palla ay magupusák, magisipák sakay mangatuwiranák a konna tu anak. Nadid ta te idadák dán ay inibutan ku dán u pagkaanak ko.