פסוקים פופולריים מ- 1 Corinto 1

שתפו

Pero pinile nu Diyos u nebilang hide a awan ti tukoy a tolay ti munduwáy para ipasanike u mágkalalake. Pinile be nu Diyos u mágkahina hide para ipatagama u mágkabegsák.

U adal tungkul tu kákkatay ni Cristo tu kudus ay awan de atádden ti kabuluhan nu tolay hide a mepahamak, pero nikitam a naligtas dán ay iye u kapangyariyan nu Diyos.

Dipo u akala de a kamangmangan nu Diyos ay karunungan a mas nan tu atanan a karunungan nu tolay, sakay u akala de a kahinaan nu Diyos ay begsák a mas tu atanan a begsák nu tolay.

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

Nadid, anya u lamang nu mágkalalake hide a tolay, u maisto hide nu Kautusan, u mágkalalake a magdibate ti panahunáy nadid? Awan! Impeta nu Diyos a u karunungan ti munduwáy ay awan ti pinagseserbiyan.