פסוקים פופולריים מ- रोमियो 3

कैसेकै सब लोगौ नै पाप करो है और परमेसर की महिमा कै पा ना सके। ईसु मसी मै जो छुटकारो है उस छुटकारे की बजै सै परमेसर हमकै अपनी किरपा सै मुफत मै धरमी बना रओ है।

ईसु मसी मै बिसवास कन्‍नै सै परमेसर सबई बिसवासी लोगौ कै धरमी बनाबै है। इसमै कोई फरक ना है।

परमेसर नै अपनो नियाय कै दिखानै के ताँई ईसु मसी कै बलि होनै के ताँई दओ जिस्सै उसकी मौत के ऊपर बिसवास कन्‍नै सै लोगौ कै पाप की माफी मिलै। कैसेकै परमेसर नै अपने सबर के बजै सै लोगौ के पैले करे भए पापौं की सजा ना दई। जौ उसनै इसताँई करो कै इस टैम मै उसकी धारमिकता परकट होए, कै जिस्सै बौ खुद बी धरमी ठैरै, और जो ईसु के ऊपर बिसवास करै है, उसकै बी धरमी ठैरानै बारो हो।

कैसेकै नियम के कामौ सै कोई आदमी परमेसर के सामने धरमी ना ठैरैगो, पर नियम सै पाप की पैचान होवै है।

जैसो पबित्‍तर सास्तर मै लिखो है, “कोई बी धरमी ना रैहओ, एक बी ना कोई बी समजदार ना है, कोई बी परमेसर कै ढूंड़नै बारो ना है। सब भटक गए हैं, सबके सब निकम्मे बन गए हैं, कोई भलाई कन्‍नै बारो ना है, एक बी ना।”

कैसेकै हम मानै हैं कै आदमी नियम के कामौ सै ना, पर बिसवास सै धरमी ठैराओ जावै है।

बिलकुल ना! पर अगर हर एक आदमी झूँटो बी है, तौबी परमेसर सच्‍चो है जैसो लिखो है, “जिस्सै तू अपनी बातौं मै धरमी ठैरै और जब तेरो नियाय होगो तौ तू जै पाय।”