פסוקים פופולריים מ- ГӀакъилал рагӀаби 3

שתפו

РакӀ-ракӀалъго БетӀергьанасда божа мун, дурго бичӀчӀи-лъаялда божун хьвадуге. Кинаб нух ккун гьабуниги, Аллагь вичӀчӀизе тӀалаб гьабе дуца – дуе нух битӀизабила Гьес.

Дудаго мунго гӀакъилав чийилан ккоге. БетӀергьанасукьа хӀинкъа, квешлъиялдаса рикӀкӀалъе

БоцӀи-рикъзиялъул бутӀаги ва хуриб-ахикь гӀезабурабщиналъул тӀоцебесеб бачӀинги дуца БетӀергьанасе назру гьабе. Гьеб мехалда дур царгъал хӀалухъадул цӀела, чаназухъ цӀияб чагъирги кидаго тӀасан чвахулеб букӀина.

ГурхӀел-цӀобги божилъиги рехун тоге, гарбида маххаллъун жеме дуца гьел, рекӀел тӀанчазда хъванги те.

БетӀергьанасул гӀадлу-тамихӀалдаса мун рекӀекълъуге, дир вас, Гьес дуда гӀайиб чӀвараб мехалъги, мун данде чӀоге. Жиндиего вокьулев чиясе гьабула БетӀергьанас гӀадлу; инсуца васасул гӀадин, гьесул тӀалабги гьабула.

Я дир вас, дир малъа-хъваял дуца кӀочене риччаге, дир амруялги рекӀелъ цӀуне. Гьез дур гӀумру халалъизабила, дуе сах-саламалъиги насиблъизабила.

Гьардарав гурищ гӀакъиллъи жинда батарав чи ва жиндие бичӀчӀи-лъай щварав чи! ГӀакъиллъи щвей лъикӀаб буго гӀарцул тӀагӀел щвеялдаса, бацӀцӀадаб меседалдаса лъикӀаб буго гӀакъиллъиялдасан бачӀунеб хайирги. Жавгьар-якъуталдасаги багьаяб буго гьеб, дуца анищ гьабулебщинабги гьелда дандеккун бажаруларо.

Духъа бажарулеб бугони, воре, рес къотӀарасе лъикӀлъи гьабичӀого тоге.

ГӀакъиллъиялдалъунин БетӀергьанас гьаб ракьалъе кьучӀ лъураб, гӀакълуялдалъунин зоб къвакӀизабураб.