פסוקים פופולריים מ- ГӀакъилал рагӀаби 16

שתפו

Дурго ишал БетӀергьанасде тӀамун тани, ракӀалда бугебщинаб тӀубала.

Инсанас тӀаса бищула живго хьвадизе нух, гьеб нухдасанги гьев БетӀергьанас вачуна.

Гьуинаб калам найил гьоцӀолъун рикӀкӀуна: рекӀее лазатги кьола гьелъ, рукьбузе сахлъиги кьола.

РекӀел пикру-хиял инсанасдасан буго, кӀалзул жаваб БетӀергьанасдасан буго.

Сабру кӀудияв чи багьадурасдасаги лъикӀавила, жиндирго напс квегъизе кӀолевги – шагьар кверде босарасдаса лъикӀавила.

Гьалаглъи-паналъиялъул цебехъан – чӀухӀи, кӀалагъоркье речӀчӀиялъул цебехъан – гӀамалкӀодолъи.

Инсанасда ракӀалде ккола жиндир ният-къасд бацӀцӀадаб бугилан, БетӀергьанас борцун-цӀан буго щибаб рухӀалъул пикру-хиял.

БетӀергьанасул рагӀи гӀадахъ босарасе лъикӀлъи насиблъула, гьардарав гурищха Гьесде тӀамун тарав.

ХӀалалаб-бацӀцӀадаб дагьаб лъикӀ, хӀилла-рекӀкӀалдалъун щвараб гӀемералдаса.

Буго нух инсанасда битӀарабилан кколеб, амма ахиралда гьелъ хвалде рачуна.

ТӀекъав чияс дагӀба-рагӀи тӀибитӀизабула, мацӀихъанас гьудулзабиги цоцаздаса ратӀа гьарула.