פסוקים פופולריים מ- Римын улӥсьёслы 8

שתפו

Нош асьмеос тодӥськомы: Инмарез яратӥсьёслы, Солэн Ас эрикезъя ӧтемъёслы ваньмыз ӟечлы берытске.

Мон уго юн оскисько: кулон но, улон но, Кылчинъёс но, Кутсконъёс но, Кужымъёс но, туннэ нунал но, вуоноез но, ӝуждала но, мурдала но, нокыӵе но мукет кылдытэм маке но асьмемыз Инмарлэн яратонэзлэсь люкыны уз быгатэ, кудӥз улэ Кузё-Инмармы Иисус Христос бордын.

Лябӟыса улонъёсмы дыръя Дух но асьмелы юрттэ. Уго асьмеос ум тодӥське мар сярысь, кызьы кулэ вӧсяськыны, нош Дух, асьме понна кыл вератэк лулӟиськылыса, асьмелы дурбасьтэ.

Мар бен талы шуод на? Инмар асьме палан ке, кин асьмелы пумит луыны быгатоз?

Озьыен, табере Иисус Христос бордын улӥсьёслы, лулмугорлэн куронэзъя ӧвӧл, Духлэн валтэмезъя улӥсьёслы, нокыӵе но суд ӧвӧл ни

Лулмугорлэн кулэяськонъёсызъя улон кулонэ-быронэ нуэ, нош Духлэн валтэмезъя улон улэп улон но каньыллык вае.

Но ваньзэ тае асьмемыз Яратӥсьлэн кужыменыз вормиськомы.

Малпасько, туннэ нуналысь та огдырлы сётӥськем курадӟонъёсмес ӵошатыны но уг луы вуоноеныз, асьме пушкын усьтӥськоно данлыкен.

Христослэн яратонэзлэсь кин асьмеды люкоз: куректон-кайгу-а яке ёртыса возён, яке улляса возён, яке сютэм улон, яке куанере кылён, яке кышкытлык, яке меч? Кызьы Священной Гожтэмын шуо

Сюлэммес Эскерись тодэ Духлэсь малпанзэ, малы ке шуоно Со вӧсяськисьёс понна дурбасьтэ, озьы, кызьы кулэ Инмарлы.

Ваньмыз, Инмарлэн Духезлэсь кылзӥськыса улӥсьёс, Инмарлэн нылпиосыз луо

Уго лулмугорлэн куронэзъя улӥсьёс лулмугорлэн кулэяськонъёсыз сярысь малпасько, нош Духлэн валтэмезъя улӥсьёс – Духен улон сярысь малпасько.

Нокин но уз. Уго Со, Кудӥз Аслэсьтыз Пизэ ӧз жаля, асьме понна Сое курадӟыны сётӥз, соку кызьы бен Соин ӵош асьмелы ваньзэ мукетсэ но уз кузьма?

Асьмеос Инмарлэн нылпиосыз шуыса, Ачиз та Дух асьмелэн духенымы ӵош иворто. Нош нылпиосыз ке, соку люкет басьтӥсьёс но, Инмарлэн люкет басьтӥсьёсыз, Христосэн ӵош люкет басьтӥсьёс луо. Соин ӵош курадӟиськомы ке, Соин ӵош данэ но потомы.

Лулмугорлэн кулэяськонъёсыз сярысь сюлмаськись адями Инмарлы пумит тушмонъяськыса улэ; уго Инмар законлы со уг тэрытскы, уг но быгаты тэрытскыны.

Инмарлэн кылдытэм дуннеез чидатэк вите Инмар нылпиослэсь данлыксылэсь усьтӥськонзэ,

Тодӥськомы, кызьы вань кылдытэм дунне туннэ нуналозь нуны вайись кадь ӝуштэ, курадӟе.