פסוקים פופולריים מ- Колоссыын улӥсьёслы 1

שתפו

Со асьмеды пеймыт кужымлэн киулысьтыз мозмытӥз но Аслаз яратоно Пиезлэн Эксэйлыказ пыртӥз.

Уго ваньмыз Со пыр кылдытэмын – мар вань Инмын, мар вань музъем вылын, адскисез но, адскисьтэмез но: престолъёс-а, кузёяськонъёс-а, кузёйыръёс-а, кужымъёс-а – ваньмыз Со пыр, Со понна кылдытэмын.

Со ваньмызлэсь азьло луэмын, ваньмыз Со бордын возиське.

Христос вань кылдытэм макеослэсь азьвыл вордскемын, Со адскисьтэм Инмарлэн тусбуез луэ.

Соин ик ми но куке та сярысь кылӥмы, со нуналысен тӥ понна вӧсяськемысь ум дугдылӥське. Ялан куриськомы, Инмар тӥледлы мед усьтысал, мар Со тӥлесьтыд возьма-куре, Святой Дух бордысь потӥсь визьлыкез но тодон-валанэз Со тӥледлы мед сётысал шуыса. Соку тӥ Инмарлы ярамон-тупамон улысалды; котьмар ласянь Солы тэрытскыса, котькыӵе ӟеч ужъёсыныды емыш вайыны тыршысалды, Инмарез тодонды будысал.