פסוקים פופולריים מ- 2 Коринфын улӥсьёслы 1

שתפו

Дан Инмарлы, Кузё-Инмармылэн Иисус Христослэн Атаезлы, гажан-жалянлэн Атаезлы, котькыӵе буйгатсконлэн Инмарезлы. Котькыӵе куректон-кайгуосмы дыръя Со асьмеды буйгатэ, асьмеос но котькыӵе куректон-кайгуэ сюремъёсты Инмарлэн асьмелы сётэм буйгатонэныз буйгатыны мед быгатомы шуыса.

Уго кызьы асьме пушкын Христослэн курадӟонъёсыз йыло, озьы ик Христос пыр басьтэм буйгатсконмы но йылэ.

Виыны сётэм муртъёс кадь ми асьмелы асьмеос потӥськомы ни вал, соин ик ми асьме вылэ ӧм ни оскиське, кулэмъёсты улӟытӥсь Инмарлы гинэ оскиськимы на.

Инмар асьмеды Христос бордын юнматэ, Со асьмеды вӧйын зырӟиз. Аслаз печатеныз асьмеды пусйиз но асьмелэн сюлмамы Духсэ ыстӥз – сётэм кылзэ быдэстоз шуыса оскытӥз.

Куректӥськомы-кайгыриськомы-а ми, – тӥляд буйгатсконды, утиськонды понна куректӥськомы-кайгыриськомы, кудӥз тӥледлы юрттэ ми кадь ик курадӟонъёсты чиданы.