פסוקים פופולריים מ- 1 Иоанн 4

שתפו

Яратонэн улыку, кышкан ӧвӧл – пачылмем яратон кышканэз улля, малы ке шуоно кышканэн улон курадӟон вае. Кин кышканэн улэ, солэн яратонэз быдэ вуэмын ӧвӧл на.

Пиналъёс! Тӥ Инмар бордысь потэмын, тӥ соосты вормиды; уго тӥ пушкын Улӥсь бадӟымгес солэсь, кин дуннеын улэ.

Инмарез яратоме, уго Со азьлогес асьмеды яратӥз.

Гажаноосы! Огмес огмы яратоме, уго яратон Инмар бордысь потэ. Котькудӥз яратӥсь мурт Инмарлэсь вордскемын, со Инмарез тодэ.

Кинлэн яратонэз ӧвӧл, со Инмарез уг тоды, малы ке шуоно Инмар – со яратон.

Тани мар бордын яратон: Инмарез асьмеос ӧм, Со асьмеды яратӥз но Аслэсьтыз Пизэ асьмеды сьӧлыкъёсмылэсь мозмытон понна ыстӥз.

Гажаноосы! Инмар асьмемыз озьы яратӥз бере, асьмеос но огмес огмы яратыны кулэ.

Инмар асьмемыз яратонзэ тазьы усьтӥз: Со Аслэсьтыз одӥг гинэ Пизэ дунне вылэ ыстӥз, Со пыр асьмеос улон мед басьтомы шуыса.

Кин шуэ: «Мон Инмарез яратӥсько», нош агай-вынзэ адӟемпотостэм каре, – со ӧрекчаськись. Уго агай-вынзэ адӟыса вылысь сое яратӥсьтэм мурт кызьы быгатоз Инмарез яратыны, Кудзэ со уг адӟы?

Кин Иисус Инмар Пи луэ шуыса осконзэ шара вера ке, со бордын Инмар улэ, со – Инмар бордын.

Асьмелы Со таӵе курон-косон сётӥз: Инмарез яратӥсь мурт агай-вынъёсты но мед яратоз.

Гажаноосы! Вань духъёслы эн оске, духъёсты эскере-чаклалэ – Инмарлэсь-а соос, малы ке шуоно дунне вылэ трос ӧрекчи пророкъёс потӥзы. Инмарлэсь Духсэ (но йыромытӥсьлэсь духсэ) тазьы висъяны луоно: Иисус Христос лулмугорын лыктӥз шуыса тодытӥсь дух Инмарлэсь луэ

нош Иисус Христос лулмугорын лыктӥз шуыса уг ке тодыты, со дух Инмарлэсь ӧвӧл, со антихристлэн духез. Тӥ кылӥды, со дух лыктоз шуыса, со али ик дунне вылын вань ини.