פסוקים פופולריים מ- 1 Иоанн 2

שתפו

Та дуннеез эн яратэ. Мар дунне вылын вань, сое но эн яратэ. Кин ке таизэ дуннеез яратэ, солэн сюлмаз Атайлэн яратонэз уг улы. Уго ваньмыз, мар вань дунне вылын – лулмугорлэн ортчыт кужмо кулэ каронъёсыз, синъёслэн уродлы синмаськонзы, вылтӥяськыса улон – Атайлэсь ӧвӧл, со та дуннелэсь луэ.

Таиз дунне ортче-быре, солэн ортчыт кужмо кулэ каронъёсыз но быро, нош Инмарлэсь эриксэ быдэсъясь пумтэм вапумъёс улэ.

Кин шуэ: «Мон Инмар бордын улӥсько», кызьы Иисус Христос улӥз, со озьы улыны кулэ.

Яратоно нылпиосы! Медад сьӧлыкалэ шуыса, тае мон тӥледлы гожтӥсько. Кин ке сьӧлыказ ке но, соку асьмелэн Атай азьын Дурбасьтӥсьмы, Шонер Улӥсь Иисус Христосмы, вань.

Кин шуэ: «Мон Сое тодӥ», нош Солэсь курон-косонъёссэ уг ке быдэсъя, со ӧрекчи, со пушкын Инмарлэн зэмлыкез ӧвӧл.

Солэсь курон-косонъёссэ быдэсъяса улӥськомы ке, со возьматэ ини, асьмеос Сое тодӥмы шуыса.

Кин шуэ: «Мон югытын улӥсько», нош агай-вынзэ адӟонтэм каре ке, со пеймытын улэ на.

Ӧрекчаськись ӧвӧл-а со, кин Иисусэз Христос ӧвӧл шуыса лыдъя? Со – антихрист, Атаез но, Пиез но кулэтэм карись.

Нокудӥзлэн но Пиез кулэтэм карисьлэн Атаез но ӧвӧл; нош Пиез кулэ карисьлэн Атаез но вань.