פסוקים פופולריים מ- Roma-ne̱ 12

שתפו

A no̱ yage̱ ne̱t-tu̱ za u̱ do̱rru̱ u-Ru̱ da, e̱ waru̱ no̱ u̱ka no̱ do̱te̱ u̱ yu̱-u̱r no̱ da. Se̱di yage̱ u̱ Ru̱-u̱ mang no̱ u̱ka wa o̱tte̱ u̱ssa, tu̱msu̱ wa ya' no̱ jab-u̱ po-o̱. Da-u o̱ no̱ do̱'e̱ nap-du̱ no̱m-u̱ Ru̱-u̱ u̱t-sa no̱ no̱m, tu̱msu̱ no̱ u̱t-nap u̱ka no̱ do̱te̱ no̱m-du̱ ko̱-uyan u̱ so̱-o̱ u̱ Ru̱-u̱ u̱t-sa.

Remu̱ iya, o̱r-u̱t ri, u̱m o̱ ko̱n-u̱s no̱ remu̱ o̱n-du̱ u-Ru̱, no̱ yaase̱ war-u̱t no̱ u̱ka u̱r-to̱o̱g, ko̱ ba no̱ o̱ u̱r-fat, se̱di no̱ yaase̱ hi-u̱t no̱ u̱ pama-u̱ u-Ru̱ u̱ka Ru̱-u̱ do̱te̱ ho̱g-du̱ zwar-u̱r no̱. Ya o̱ fu̱n-yu̱ u̱t-nip yu̱ no̱ do̱te̱ no̱mu̱ u-Ru̱ m-sek.

No̱m u̱r-so̱ remu̱ zu̱ bo̱ o̱ wadu̱ jab-u̱ no̱m-u̱ Ru̱-u̱ de̱ no̱mu̱ bo̱, bo̱ gag jab-u̱ te̱k-u̱ swadu̱ u̱r-ko̱b. Tu̱msu̱ re̱e̱n u-shu̱ u̱s-to̱o̱g ne̱ ko̱-uyan da.

A-bo̱ yage̱ jab-u̱ yo̱-o̱ u̱ re̱ jab-u̱ ró da, se̱di bo̱ ze̱g be̱b-du̱ jab-u̱ yo̱-o̱ u̱ fu̱n-yu̱ no̱m-du̱ no̱m-u̱t so̱-to̱.

Cwan o̱r-u̱ ró u̱ka hu̱u̱b u̱r-matu̱ ró, gwat ko̱wan u̱ka zu̱ wa ze̱k bo̱.

Cwan o̱r-u̱ ró u̱ cwan-tu̱ u̱t-nip. No̱ gu̱gu̱m no̱m-u̱t yo̱-to̱, se̱di no̱ ship no̱m-u̱ o̱ u̱ so̱-o̱ u̱t-kom u̱t-yu̱r.

No̱m no̱m-u̱ bo̱ do̱te̱ u̱t-shu̱'u̱t m-yar u̱ ko̱wan ne̱.

O̱r-u̱t ri ne̱, a waku̱n u̱ no̱mu̱ bo̱ no̱m-u yo̱-o̱, a-bo̱ to̱p-u̱ no̱m-u̱ yo̱-o̱ da, se̱di yage̱ u̱ Ru̱-u̱ to̱p-u̱ bo̱ u̱r-mag u̱ ryab-u̱s wa. U̱m zu̱u̱g iya remu̱ zu̱ na panu̱g u̱-me̱ Ran-u̱ u-Ru̱ u̱zu̱, <<Me̱ Yawe, u̱m de̱ to̱p-du̱ ko̱wan remu̱ no̱m-u̱ wa no̱me̱.>>

A-bo̱ shu̱'u̱t za no̱m-u̱t no̱m da, se̱di yaase̱ hi-u̱r ró u̱ pama-u̱ Wa-ko-uyan.

Remu̱ nya-u̱ Ru̱-u̱ no̱mu̱ me̱, u̱m o̱ naku̱ no̱ u̱t-to̱ be̱e̱t, a waku̱n u̱ hu̱u̱t hi-u̱r wa u̱ be-du̱ wa teye̱ da. Se̱di no̱ nap u̱ka no̱ gotte̱ hi-u̱t no̱, se̱di no̱ kab hi-u̱t no̱ ho̱n-ho̱n u̱ka yadu̱ jab-u̱ Ru̱-u̱ ya' no̱.

A waku̱n u̱ no̱mu̱ bo̱ no̱m-u yo̱-o̱, a-bo̱ to̱p wa u̱ no̱m-u yo̱-o̱ da. Re̱ shu̱ u̱ no̱m-du̱ ne̱t-tu̱ de̱ u̱t-hyan u̱zu̱ o̱ so̱-o̱.

No̱mo̱n shu̱'u̱t-du̱ m-yar u̱ o̱r-u̱t no̱ ne̱. A no̱ shu̱'u̱t a hu̱k-mu̱ u̱r-hi da, se̱di no̱ shu̱'u̱t u̱r-hu̱u̱b u̱du̱ ne̱t-tu̱ na gu̱gme̱ ne̱. A-bo̱ kab hi-u̱r ró u̱ka zu̱ bo̱ nak ko̱-uyan da.

Rem-su̱ u-Ru̱ re̱e̱g shu̱ u̱t-zu̱, <<Abite̱ hu̱u̱b-u̱ yo̱-o̱ ró o̱ ho̱g-du̱ u̱s-me̱r, ya wa no̱m u̱t-re̱. A wa ho̱g-du̱ u-swaat m-bu̱, ya wa m-bu̱ wa swa. A-bo̱ no̱me̱ iya shu̱'u̱te̱ u̱ka bo̱ kargu̱sse̱ eng-tu̱ u-ra u̱ hi-u̱r rò. Tu̱msu̱ iya o̱ bo̱ do̱te̱ wadu̱ wu̱n u̱ ho̱g-du̱ m-'e̱.>>

Kom-u̱ u-Ru̱ u̱du̱ ne̱t-tu̱ o̱ yadu̱ no̱ u̱r-ko̱b, waan u̱n nu-u so̱-o̱. A no̱ wa'-u̱ u̱n nu-u yo̱-o̱ da. No̱mo̱n u̱r-so̱ u̱ ne̱t-tu̱ o̱ u̱r-so̱ ne̱, tu̱msu̱ no̱ no̱m u̱s-kan u̱ i o̱ u̱s-kan ne̱.

A ne̱t-tu̱ u-Ru̱ o̱ swadu̱ u̱r-ko̱b, mo̱-tu̱n u̱n no̱m-u̱ no̱ o̱tte̱. Tu̱msu̱ shu̱'u̱tu̱n a cu̱st-u̱ u̱t-hamu̱t ne̱.

U̱ka in ko̱wan o̱tte̱ u-war u-gan u̱t-o̱g ne̱ u-tát, tu̱msu̱ ko̱du̱he̱ o̱gde̱ o̱tte̱ pama-u̱ wa nome̱. Ko̱ ba shu̱'u̱te̱ u̱zu̱ in o̱ u-tát, se̱di war-o̱ u-gan o̱ na o̱ye̱ remu̱ shu̱'u̱t-u̱r in u̱ Kiristi ne̱, tu̱msu̱ ko̱wan ganse̱ wa o̱ye̱ e̱ o̱r-u̱ wa ne̱. Taas u̱ waku̱n u̱ hyan u̱ka zu̱ Ru̱-u̱ ze̱k m-cwan wa m-ze̱g waku̱n.