פסוקים פופולריים מ- Afisa-ne̱ 4

שתפו

Ba iya, shu̱'u̱tu̱n u̱ jab-u̱ so̱-o̱ ne̱ u̱du̱ o̱r-u̱t no̱ ne̱. Ho̱go̱n o̱n-du̱ o̱r-u̱t no̱ ne̱, u̱ no̱me̱-du̱ o̱r-u̱t no̱ ne̱ u̱r-ho̱, u̱ka Ru̱-u̱ no̱mtu̱ no̱ u̱r-ho̱ remu̱ Kiristi.

U-da u-be̱e̱t swu̱u̱msu̱n hi-u̱r no̱ u̱ shu̱'u̱t u̱ tor-mu̱ jab ne̱. Shu̱'u̱tu̱n u̱ gag-du̱ jab ne̱ tu̱msu̱ no̱ kab nwas-mu̱ o̱r-u̱t no̱ ne̱ u̱ jab u̱t-cwan ne̱.

A no̱ yage̱ rem-su̱ za so̱-se̱ rwu̱u̱n du̱gu̱ nu-u̱t no̱ da. Se̱di no̱ war no̱mu̱ o̱tte̱ u̱r-se̱ge̱ ko̱ e̱ke̱n u̱t-haan u̱t-mo̱r u-Ru̱ ne̱ e̱ kum no̱mu̱ e̱ u̱t-sa, ko̱ u̱t-wa i o̱o̱ge̱ u̱t-e̱r e̱ kum shiriktin-mu̱ jab.

Yagu̱n no̱ mo̱t u̱ gag-tu̱ jab ne̱ u̱ ku̱wu̱t-mu̱ jab ne̱ u̱ u̱s-ryab ne̱, u̱ namu̱ jab ne̱ u̱ gom-tu̱ u-har ne̱ u̱ nas u̱r-dim ne̱, u̱ same̱ u̱ no̱m-u̱t yo̱-to̱ ne̱ u̱t-be̱e̱t u̱ jab-u̱ yo̱-o̱ ne̱.

<<No̱mo̱n u̱s-ryab tu̱msu̱ a no̱ no̱m u̱t-ba'as u̱-me̱ ryab-u̱s no̱ da.>> A no̱ yage̱ no̱ cwa m-roog no̱ o̱ u̱-me̱ u̱s-ryab da. Tu̱msu̱ a no̱ ya' faru̱k-u̱ no̱m u̱s-te u̱r-ke̱r da.

Na iis-tu̱ no̱, u̱zu̱ no̱ yage̱ yu̱-du̱ fu̱n-yu̱ ho̱-to̱ no̱. Se̱ no̱ hoste̱ u-tu̱ u-war u̱ no̱, u̱ natu̱ste̱ u̱ remu̱ cwan-tu̱ tu̱ u̱t-e̱nk. Se̱di yagu̱n u̱ Yar-u̱ muut jab-u̱s no̱ u̱ pose̱ tu̱msu̱ dorog-u̱s no̱ ne̱. Tu̱msu̱ wa-u̱n war-u po-o̱ u̱ka no̱ wu̱te̱ cwu̱-tu̱ m-wa. Uno̱ war-u po-o̱ na no̱m-u̱g o̱ u̱ka sha-mu̱ u-Ru̱. Tu̱msu̱ uno̱ war-u po-o̱ ko̱se̱ hi-u̱r wa u̱-me̱ jab-u̱ so̱-o̱ u̱ yu̱-du̱ u-he̱n ne̱ du̱ rwu̱u̱ne̱ du̱gu̱ u̱t-nip.

No̱mo̱n u̱ka no̱ do̱te̱ u̱t-kere̱ no̱ e̱' same̱-du̱ u̱t-hi no̱ u̱ rwu̱u̱ne̱ du̱gu̱-du̱ Yar-u u-He̱n, u̱du̱ shu̱'u̱t-du̱ m-yar u̱ o̱r-u̱t no̱ ne̱.

Kiristi yaag e̱ke̱n a-doru̱ Ye̱so̱ ne̱ u-nya: e̱ke̱n ne̱, e̱ shu̱'u̱t a-to̱mu̱ Ye̱so̱, e̱ke̱n ne̱, shu̱'u̱t a-warru̱ u̱ Rem-su̱ u-Ru̱, e̱ke̱n ne̱, shu̱'u̱t a-warru̱ u̱ Rem-su̱ m-Re̱me̱r, e̱ke̱n ne̱, shu̱'u̱t a e'-du̱ a-doru̱ Kiristi ne̱, tu̱msu̱ e̱ke̱n ne̱, shu̱'u̱t a-u̱t-ko̱se̱ ne̱. Kiristi no̱mo̱g iya remu̱ wa zo̱ngte̱ ne̱t-tu̱ u-Ru̱, remu̱ ank-mu̱ a-doru̱ Ye̱so̱, remu̱ na mu̱u̱t war-u Kiristi. Uno̱ u̱t-re̱ u-shu̱ m-te da-u̱ in be̱e̱t do̱'e̱ u̱t-shu̱'u̱t u̱ same̱-du̱ u̱t-hi ne̱ u̱-me̱ no̱mu̱ in yu̱te̱ jab tu̱msu̱ nap-m in u̱ mo̱t-u̱t Wa' u-Ru̱ ne̱. Se̱ in do̱'e̱ u̱t-shu̱'u̱t sha-mu̱ ne̱t wu̱ se̱te̱ me̱ u-Yar, m-te jamu̱ na do̱te̱ u̱t-shu̱'u̱t u̱ka Kiristi o̱tte̱.

Se̱, in zamu̱n u̱t-shu̱'u̱t u̱r-yu̱ u̱ka ya'ag-u̱ re̱k-e̱ da. A in ees na e̱ngu̱sse̱ in u̱ ko̱se̱-tu̱ u̱s-bi tu̱ u̱t-ne̱t da, sha-mu̱ hat-u re̱k-ya yu̱ mya-mu̱ m-bu̱ byu̱rgu̱sse̱. Ana nak jab-u̱s in du̱gu̱ ne̱t-tu̱ u̱s-ve̱r i zo̱nge̱ e̱ e̱ngu̱sse̱ in u̱du̱ warru̱ u̱s-bi e̱. Se̱di, u̱du̱ do̱nse̱-du̱ nip-tu̱ Remsu̱ m-Re̱me̱r du̱gu̱ jab u̱t-cwan, in do̱'e̱ u̱t-rogom u̱ ko̱yu̱he̱ fu̱n-ya, remu̱ in shu̱'u̱t sha-m Kiristi. Wu̱na o̱o̱ge̱ u̱r-hi du̱ a-doru̱ Ye̱so̱.