פסוקים פופולריים מ- རོ་མཱ་པ། 12

שתפו

འཇིག་རྟེན་འདིའི་བགྱིད་ལུགས་དིང་ཅོག་འདྲ་མ་བྱས་ཏེ། དཀོན་མཆོག་གི་ཐུགས་དགོངས་བཟང་པོ་དིང་། ཁོང་གི་ཐུགས་མཉེས་པ་དིང་། ཡང་ཕུན་སུམ་ཚོགས་པ་ཅི་ཡིན་དི་ཤེས་རྒྱུ་ཆེད་དུ། ཁྱེད་ཀྱ་ཀྱི་སེམས་པ་དེ་གསར་པ་བྱུང་པའི་བརྒྱུད་ནས་རང་གི་གཤིས་སྤྱོད་དེ་ཟང་གསར་པ་ཞིག་ལེ་གྱུར་ཞིག

འོ་དེ་ལེ་བརྟེན་ཏེ། སྤུན་ཟླ་ཁྱེད་ཀྱ་ལེ་ངས་བསྐུལ་མ་གཏོང་གྱོ་འོད། ཁྱེད་ཀྱ་ལེ་དཀོན་མཆོག་གིས་ཐུགས་རྗེ་གཟིགས་སྐྱོང་གནང་འོད་ཕེན། ཁྱེད་ཀྱ་ཀྱིས་རང་གི་ལུས་པོ་ནི། དཀོན་མཆོག་ལེ་གསོན་པོ་དིང་དམ་པའི་མཆོད་པ་ཅོག་འདྲ་ཕུལ་ཞིག དེ་ནི་དཀོན་མཆོག་གི་ཐུགས་མཉེས་པའི་མཆོད་པ་ཡིན་དི་མ་ཟད། ཁྱེད་ཀྱ་ཀྱི་བདེན་པའི་བསྙེན་བཀུར་ཡིན་དིག

རེ་བ་ལེ་བརྟེན་ཏེ་དགའ་སྤྲོ་དིང་། དཀའ་ངལ་གྱི་ནང་ལེ་བཟོད་སྒོམ་དིང་། དུས་རྟག་ཏུ་གསོལ་བ་སྨོན་ལམ་འདེབས་རྒྱུ་ལེ་བརྩོན་འགྲུས་བགྱིད་དགོས་འོད་དིག

ངན་པས་ཁྱེད་ཀྱ་འཕམ་དུ་མ་འཇུག བཟང་པོས་ངན་པ་ནས་རྒྱལ་དུ་ཆུག་ཅིག །

སྤུན་ཅོག་འདྲ་ཕན་ཚུན་བར་ལེ་བརྩེ་བ་དིང་། གཅིག་གིས་གཅིག་ལེ་འབད་བརྩོན་ངང་ནས་བརྩི་བཀུར་གྱིས་ཤིག

བྱམས་པ་ནི་དྲང་བདེན་གྱི་བྱམས་པ་ཞིག་དགོས་པ་འོད་དིག ངན་པ་ལེ་ཞེན་པ་ལོག་སྟེ། བཟང་པོའི་རྗེས་ལེ་འབྲོངས་དགོས་འོད་དིག

གལ་སྲིད་བགྱིད་ནུས་ནི། གང་ཐུབ་ཅི་ཐུབ་ཀྱིས་མི་ཡེ་རེ་དིང་སྐྱེན་ལེ་མཐུན་ལམ་བཟང་པོ་བགྱིད་དགོས་འོད་དིག

བརྩེ་བའི་སྤུན་ཟླ་ཀྱ་ལེ། ཁྱེད་ཀྱ་ཀྱིས་དགྲ་ཤ་མ་ལེན་ཞིག དཀོན་མཆོག་གི་ཐུགས་ཁྲོ་བའི་བར་དུ་སྒུགས་ཤིག ཅི་ལེ་ཟེར་ནི། གསུང་རབ་ཀྱི་མདོ་ནང་ལེ། ཇོ་བོ་དཀོན་མཆོག་གིས་ངན་པ་བགྱིད་མཁན་ཀྱ་ལེ་ཆད་པ་གཏོང་རྒྱུ་དབང་ཆ་དེ་ང་ལེ་འོད་ཕེན། ངན་པ་ལེ་ངན་ལན་འཇལ་གྱི་ཡིན་ཟིན་གསུངས་འོད་དིག

བརྩོན་འགྲུས་ཉམས་ཏུ་མ་འཇུག བརྩོན་སེམས་འོད་ཡོད་ཅིག་གིས་ཇོ་བོ་ལེ་ཞབས་ཕྱི་ཕུལ་ཞིག

ང་ལེ་གནང་བའི་ཐུགས་རྗེ་གཟིགས་སྐྱོང་གི་བརྒྱུད་ནས། ངས་ཁྱེད་རེ་རེ་ལེ་རང་མཐོང་ཆེན་པོ་མ་བྱས་ཏེ། དཀོན་མཆོག་གིས་ཁྱེད་ཀྱ་ལེ་གནང་བའི་དད་པའི་ཚད་དིང་བསྟུན་ཏེ། རང་སོ་སོ་གདེང་ཚོད་ངང་ནས་བསམ་བློ་གཏོང་དགོས་འོད་དིག་ཟིན་ཞུ་བ་འབུལ་གྱོ་འོད།

མི་སུ་ལེ་ཟང་ངན་པའི་ངན་ལན་མ་འཇལ་ཞིག མི་ཀུན་གྱི་དྲུང་དུ་སྤྱོད་ལམ་ཡ་རབས་གྱིས་ཤིག

ཕན་ཚུན་བར་ལེ་བློ་སེམས་གཅིག་མཐུན་དིང་། ང་རྒྱལ་བགྱིད་རྒྱུ་མེད་དེ། གོ་གནས་དམའ་སའི་མི་ལེ་མཐུན་དགོས་པི་མ་ཟད། རང་གིས་རང་ལེ་སྤྱང་གྲུང་ཞིག་ཡིན་མ་བསམ་ཞིག

ཁྱེད་ཀྱ་ཀྱི་དགྲ་བོ་ལྟོགས་ནི་ཁ་ཟས་སྦྱིན་ཞིག ། ཁྱེད་ཀྱ་ཀྱི་དགྲ་བོ་སྐོམ་ནི་དེ་ལེ་བཏུང་ཆུ་སྦྱིན་ཞིག ། འོ་དེ་གི་བྱས་ནི་དགྲ་བའི་མགོ་ལྟག་ག་ལེ། ། སོལ་ལ་དམར་པོའི་མེ་ཁོག་འབོར་རི་དིག །

ཁྱེད་ཀྱ་ལེ་གནོད་འཚེ་བགྱིད་མཁན་ཀྱ་ཀྱི་ཆེད་དུ། དམོད་ཚིག་མ་ལོག་གི་དེ་ཀྱ་ལེ་བྱིན་རླབས་འོང་བར་ཤོག་ཟིན་གསོལ་བ་སྨོན་ལམ་ཐོབ་ཅིག དགའ་སྤྲོ་བགྱིད་མཁན་སྐྱེན་ལེ་དགའ་སྤྲོ་བགྱིད་དགོས་པི་དིང་། ཡང་མྱ་ངན་བགྱིད་མཁན་ཀྱ་ཀྱི་སྐྱེན་ལེ་མྱ་ངན་བགྱིད་དགོས་འོད་དིག

དད་པ་བགྱིད་མཁན་ཀྱ་ལེ་ཅི་དགོས་པ་འོད་ནི། དེ་ལེ་རོགས་རམ་བགྱིད་དགོས་པི་དིང་། ཡང་མགྲོན་པོ་སུ་ཞིག་ཡིན་ནའང་། དེ་ལེ་སྣེ་ལེན་དགའ་མོ་བགྱིད་དགོས་འོད་དིག

དཔེར་ན། འུ་ཀྱ་ཀྱི་ལུས་གཅིག་ལེ་ཡན་ལག་མང་པོ་འོད་དི་མ་ཟད། ཡན་ལག་ཡེ་རེ་ལེ་ནུས་པ་མི་འདྲ་མི་འདྲ་འོད་དིག འོ་དེ་ཅོག་འདྲ། འུ་མང་པོ་འོད་ནའང་། སྐྱབས་མགོན་ཡེ་ཤུའི་ནང་ལེ་ལུས་གཅིག་ཡིན་དི་མ་ཟད། ཡན་ལག་ཕན་ཚུན་བར་ལེ་འབྲེལ་བ་འོད་དིག