פסוקים פופולריים מ- མཛད་པ། 17

שתפו

དཀོན་མཆོག་​གིས་​འོ་དེ་གནང་དགོས་​དོན་​དེ་ནི། མི་​རིགས་ཀུན་གྱིས་དཀོན་མཆོག་སུ་ཡིན་མིན་དེ་བརྟག་ཞིབ་བྱས་ཏེ་ངོ་ཤེས་ཐུབ་རྒྱུ་​ཆེད་དུ་​ཡིན་དིག དོན་ངོ་ཐོག་བྱས་ནི། ཁོང་​ནི་​འུ་​མི་​རེ་རེ་​ནང་ལེ་བཞུགས་​འོད་དི་​མ་ཟད། ཁོང་​ནི་འུ་ཀྱ་དིང་རྒྱང་​རིང་པོ་​མེད་དིག

ཁོང་​གིས་​མི་​གཅིག་​ནས་​མིའི་​རིགས་​ཡེ་རེ་​བཀོད་​གནང་སྟེ། ས་​གཞི་ཡེ་རེ་ལེ་སྡོད་དུ་བཅུག་གནང་པི་མ་ཟད། མི་དེ་ཀྱ་ཀྱི་​ལོ་ཚད་​དིང་། སྡོད་སའི་མཚམས་​དེ་ཟང་​སྔོན་མ་​ནས་​ཐག་བཅད་​ཚར་​རི་དིག

འཇིག་རྟེན་​དིང་​ས་ཆ་​འདི་རུ་​འོད་ཡོད་​དངོས་པོ་​ཡེ་རེ་​བཀོད་​གནང་མཁན་དེ་ནི། དཀོན་མཆོག་ཁོང་རང་ཡིན་དི་མ་ཟད། གནམ་​ས་​གཉིས་​ཀྱི་​བདག་པོ་དེ་ཟང་ཁོང་རང་​ཡིན་དིག ཁོང་​ནི་​མི་ཀྱ་ཀྱིས་​བཟོས་པའི་​མཆོད་​ཁང་​ལེ་མི་​བཞུགས་​འོད་དིག

ཅི་ལེ་ཟེར་ནི། ཁོང་​གིས་​ཁྲིམས་བཅོད་གནང་རྒྱུ་ཡིན་​ཉིན་​མ་དེ་​ལེ། ཁོང་གིས་​བསྐོས་པའི་​སྲས་​དམ་པ་​ཁོང་གི་བརྒྱུད་​ནས། འཇིག་རྟེན་​གྱི་​མི་​ཀུན་​ལེ་​དྲང་བདེན་​གྱིས་​ཁྲིམས་གཅོད་​རྒྱུ་ཡིན་དི་མ་ཟད​། སྲས་​དམ་པ་​དེ་ནི། ཁོང་​གིས་​འཆི་བ་​ནས་​ཡང་དང་​གསོན་པོ་བ​སླངས་པའི་བརྒྱུད་ནས་​མི་​ཡེ་རེ་​ལེ་​བདེན་པའི་​ར་​སྤྲོད་​བསྟན་​གནང་​པི་དིག་​ཟིན་སྨྲས་​པི་​དིག

འུ་ཀྱ་ནི་དཀོན་མཆོག་​གིས་​བཀོད་གནང་​པི་ཡིན་​ཕེན། དཀོན་མཆོག་​ནི། མིའི་​བློ་​རིག་པ་དིང་​ལག་རྩལ་ཆེན་གྱིས་​བཟོས་​པའི་གསེར་​དིང་​། དངུལ། རྡོ་​ལེ་​བརྐོས་པའི་​སྐུ་​ཅོག་འདྲ་​ཡིན་དིག་ཟིན་དུས་ནམ་ཟང་མ་​བསོམ་​ཤིག