פסוקים פופולריים מ- MATHE 19

שתפו

Yesu phougtu" zigi «houg: bang: ri yu" zhug to" lho: Byu khyo" te: soin: yu rigi he: khyoo: ayo" bui. Nghoidloug we' Mangsoo gi ci" we' yo" bue"» ga: tid kyo.

Houg: su" nghoid yoomo nya: eig yug gi eig yug anghoid- dayug za: date: nghoid. Houg: yoomo Mangsoo shoem: too" bye: da" vhu" shang rigi byu hang" we' age phoid: pyam loo.»

Yesu gi «Phain" to" da" ASEING gi xang: shid" mo wigi Byu yuggi yo" myiyi: ri phain" too" bye. Houg: su" nghoid yoomo yuggi gi nya: myhi, nya: phoo ri too" kho' lho: nya: yhoem: seing: myhi' yo" dage" nyid loo" ca. Hau: eig yug gi dagung dashoo" za: bue" loo" wa.

ASEING Yesu gi «zooshang: mi" ri nga" jhang khyoo nhang: kaid ge' nyangnu" ri atoem too" goo. Khasu" wim gari Mangso da" Mungdain: gi houg: yhangti" mo, mungdain: nghoid» ga: tid.

Nghoidloug we' byu myoo" sho' mo, gi akhid" shid' khyoo: nyid nyid mo, myoo" sho' gi thang: mo mo' bui" wa. Akhid" thang: moo nyid mo, myoo" sho' gi shid moo nyid mo, bui" wa zi nghoid.

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

ASEING Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

Yesu gi «nang gi ge da" moo" yo" sen: lho: cikoid: ngoori myid:- gi su: gi dayug za: date: nyid. Nang apyaid ato: da" kangso' yoo" nau nghoid rigi Mangso da" amyeing" tarha" ri cang we'» ga: tid.

Ngoo dalheing: doem tid ba:- Gola-ug gi nghab' nhoo: duang: khyo" vang lid loo" wa tho' moo yoo" zoo: yoo" shoug su: Mangso mungdain: moo yo" vang loo" zigi je yau: nyid» ga: wigi cangzoo: yi ri tid.

Nanu" ri ngoo tid zigi nanu" da" yhoem: seing: myhi' ri Yuggi goo" yug yo" shoid vhang: goo" yoomo za: anghoid ri ce: ja: yooboo mo nghoid nghoid- myi: kang" pyam lho: gootu: myiyi: dayug yug yo"- deung khu: doem qei" su: gi myi: lhoid da" yooboo yoo" su: nghoid» ga: doem tid.

ASEING Yesu gi «Ngoo nanu" ri gyeing" gyeing" tid ba:- yoo" zoo: yoo" shoug su: gi Mangso Mungdain: moo yo" vang loo" wa shid re" gye yau: nyid.