פסוקים פופולריים מ- 1 Петр 3

שתפו

Господь Юмым шкендан шӱмыштыда святитлыза, да ӱшанен вучымыда шотышто умылтарымашым кӧ йодеш, кажныжлан тыматлын да пагален вашешташ эре ямде лийза. Поро совестян лийза, тунам тендан Христос дене ушнымаште порын илымыдам шудалше-влак тендам осал-влакым вурсымо семын вурсымыштлан намысыш логалыт.

Вет Господьын шинчаже чын ыштышым онча, пылышыже тудын сӧрвалымыжым колыштеш, но осалым ыштышым мланде ӱмбач пытараш манын, Господьын чурийже тудын ваштареш лиеш».

Тек тендан моторлыкда тӱжвач сӧрастарымаште – ойыртемалтше ӱппунемыште, шӧртньым сакалымаште, чапле вургемыште – ок лий. Тек кӧргысӧ шӱм айдемыда – вашталтдыме, тыматле, шыма чон – тендам моторым ышта. Тыгайже Юмын ончылно шергакан.

Вет возымо: «Кӧ илышым йӧратынеже да поро кече-влакым ужнеже, йылмыжым осал деч кучыжо да умшажым – чоян ойлымо деч, осал деч кораҥже да порым ыштыже, тыныслыкым кычалже да тудын деке лишемаш тыршыже.

Мучашлан, чылан икгай шонымашан, чаманыше, иза-шольо-влакым йӧратыше, поро шӱман, келшен илыше, ӱҥышӧ лийза. Осаллыклан осал дене, вурседылмылан вурседылме дене ида вашеште. Порым гына тыланыза, вет те паледа: тидланак тендам ӱжмӧ. Тыге шкеат Юмын суапландарымыжым налыда.

Те поро верч тыршыше лийыда гын, кӧ вара тыланда осалым ышта?

осал деч кораҥже да порым ыштыже, тыныслыкым кычалже да тудын деке лишемаш тыршыже.

Осал пашалан орланаш сай огыл, а Юмын эрыкшылан келша гын, поро пашалан орланаш сай.