פסוקים פופולריים מ- 1 Ин 4

שתפו

Йӧратымаште лӱдмаш уке, а тичмаш йӧратымаш лӱдмашым поктен луктеш, вет лӱдмаште орланымаш уло. Лӱдшӧ еҥ йӧратымаште тичмашлыкыш шуын огыл.

Икшывем-влак, те Юмо деч улыда да шояк пророк-влакым сеҥенда, вет тендан дене Улшыжо – тӱня дене улшо деч кугу.

Юмо мемнам ончычак йӧратен, садлан ме Тудым йӧратена.

Йӧратымем-влак, икте-весынам йӧратышаш улына, вет йӧратымаш – Юмо деч, йӧратыше кеч-могай еҥ Юмо деч шочын да Юмым пала.

Кӧ ок йӧрате, Юмым ок пале, вет Юмо – тиде йӧратымаш.

Йӧратымашыже теве кушто: ме огыл Юмым йӧраташ тӱҥалынна, но Тудо мемнам йӧратен да сӧрасымашым пуышо жертвылан мемнан языкна верч шке Эргыжым колтен.

Йӧратымем-влак, Юмо мемнам тыге йӧратен гын, меат икте-весынам йӧратышаш улына.

Юмын мемнам йӧратымыже теве кузе почылтын: Ик Шкет Эргыже гоч мыланна илышым пуаш манын, Юмо Тудым тӱняшке колтен.

Иктаж-кӧ «Юмым йӧратем» манеш да иза-шольыжым ужмыжо ок шу гын, тудо шояче. Вет кӧ шке ужмо иза-шольыжым ок йӧрате, ужаш лийдыме Юмым кузе йӧратен кертеш?

Иисус – Юмын Эрге манын ӱшанымыжым кӧ почын ойла, тудын дене Юмо ушнен шога, а тудо – Юмо дене.

Юмын пуымо тыгай кӱштымашна уло: Юмым йӧратыше шке иза-шольыжымат йӧратышаш.

Йӧратымем-влак, чыла шӱлышлан ида ӱшане, Юмо деч улыт мо манын, шӱлыш-влакым тергыза, вет тӱняшке шояк пророк шуко лектын. Юмын Шӱлышым [да ондалымаш шӱлышым] тыге паледа: Иисус Христос тӱняшке толын да кап дене илен манын почын ойлышо кажне шӱлыш – Юмо деч

а Иисус Христосын тӱняшке толмыжым да кап дене илымыжым почын ойлыдымо кеч-могай шӱлышат Юмо деч огыл, тиде антихристын шӱлышыжӧ. Тыгай шӱлыш толеш манын, те колында, да тудо ынде тӱняште.