פסוקים פופולריים מ- रोमानियनमन 5

שתפו

मगर परमेश्‍वर हमर उपरे अपन प्रेम केर भलाई इ रीति से दिस्तार करेला कि जब हमरे पापी हें रही तब मसीह हमर लगिन अपन प्राण देलक।

आउर आसरा से लाज नी होवेला, काले कि पवितर आत्मा जेके परमेश्‍वर हमरे के देई हे उकर से परमेश्‍वर केर प्रेम हमर मन में भाइर जाय हे।

सिरिफ एहे निहीं बल्कि हमरे दुःख में हों आनंद करब, एहे जाइन के कि दुःख से धीरज मिलेला, आउर परमेश्‍वर हमरे के ग्रहण करेला काले कि हमरे धीरज धारेक सीख ही, आउर इ लगिन कि परमेश्‍वर हमरे के ग्रहण करेला, से लगिन हमरे के आसरा अहे।

से लगिन जब हमरे बिसवास से धरमी ठहरली, तो जे कोनों प्रभु यीशु मसीह हमर लगिन काइर हे, उकर चलते परमेश्‍वर केर संगे हमर मेल-मिलाप होई गेलक। जेकर से बिसवास करेक केर चलते, यीशु मसीह हमरे के उ किरपा केर नीचे लाइन हे जहाँ हमरे एखन खड़ा अही, आउर हमरे पूरा आसरा आउर आनंद से परमेश्‍वर केर महिमा के बाँटते आगे देखाथी।

काले कि जब हमरे कमजोर हें रही, तो मसीह परमेश्‍वर केर ठीक ठहराल समय में पापीमन लगिन प्राण देलक।

तो हमरे के अब परमेश्‍वर धरमी ठहराय हे काले कि मसीह हमरे केर लगिन अपन प्राण देलक आउर अपन लोहू के हमरे केर पाप क्षमा लगिन बहालक। तो मसीह हमरे के परमेश्‍वर केर खीस से जरूर हें बचाई।

काले कि जइसन एक आदमी केर आगया नी मानेक से ढेइर आदमीमन पापी ठहरलैं, तइसनेहें एक आदमी केर आगया मानेक से ढेइर आदमीमन धरमी ठहरबैं।

आउर सिरिफ एहे निहीं, मगर अब तो हमरे केर प्रभु यीशु मसीह केर चलते परमेश्‍वर से हमरे केर मेल होई गेलक, से लगिन हमरे परमेश्‍वर में खुश अही।