פסוקים פופולריים מ- रोमानियनमन 2

שתפו

आउर तोहरे जेमन एइसन-एइसन काम करइयामन उपरे दोष लगावला, आउर खुद ओहे काम कराला, का इ बुझाला कि तोहरे परमेश्‍वर केर दंड से बाइच जबा? का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

तोहरेमन एइसन सोचाला कि हमरे एइसन आदमीमन उपरे दोष लगाएक पारिला, मगर तोहरे जे दोसरमन उपरे दोष लगावला, तोहरे के दोष लगाएक केर कोनों अधिकार नखे। काले कि जे गोइठ में तोहरे दोसरमन उपरे दोष लगावला ओहे गोइठ में खुद के दोषी ठहरावला, इ लगिन कि तोहरे जे काम केर दोष लगावला खुद हें उ काम के कराला।

काले कि परमेश्‍वर सोउबमन से एक समान ब्यवहार करेला।

काले कि परमेश्‍वर केर नजइर में मूसा केर नियम के सुनेक वालामन धरमी निहीं, मगर मूसा केर नियम केर मोताबिक चलेक वालामन धरमी ठहराल जाबैं।

उ हर एक के उ मनक काम केर मोताबिक बदला देवी।

मगर जेमन अपनेहें फायदा केर लगिन सोचैना, आउर सच्चाई के नी मानैना, बल्कि बुराई करेक खोजैना उमन उपरे परमेश्‍वर अपन खीस आउर परकोप के देखाई।

मगर तोहरे हठ कराला आउर पाप करेक के छोड़ेक नी चाहाला, सेकर चलते उ दिन जब परमेश्‍वर अपन खीस के देखाई, जेकर में उ सच्चा न्याय करी, तो तोहरे के ढेइर दंड देवी।