1
सॆःक्ढुङ्पा 4:12
लोहोरुङ्
LBR
होइक आसाबाङ्स हिङ्चाहिसिनि, मान्ठाभनॆ कानि हिङ्चामाम् लागि येसुमि निङ्बाङ् बाखाटेम्पि होइक निङ् मापिट्टि।”
2
सॆःक्ढुङ्पा 4:31
खोचिऎ पारठाना लॆःसिटुचि हाङ् आक्खाचि खोम्टि खॆॽमिम्पा ठालबि लुक्ढिमा रक्मा टाआहाङ् खोचि चोब्न सॆङ्सॆङॆ लावाऎ चेप्खॆटुचिहाङ् चॆक्मावा नुङ् निवाँहाङ्मि खानावाँ इसामि।
3
सॆःक्ढुङ्पा 4:29
ओ पारभु, आक्खाचिऎ काङ्का आनाम् योम्पक् मुखुबाचि किसिमावाँ खाङ्मिॽमिम्पाबि ह आनॆ आनाम् निवाँ टिसे, हाङ् आनाम् योम्पक् मुखुबाचि आनाम् खानावाँ ढ्या मुमाम् लागि चॆक्मावा पिच्चिमॆ।
4
सॆःक्ढुङ्पा 4:11
निवाँनेन् साब्चिराबि गरहाङ् साब्डा, खो म लुङ्कॽवा रेम, ठक्खुबाचिऎ योम्पक् पिॽनि कामानुङ् वेल्लाह्ङ्पा लुङ्कॽवान चोब्बाङ् योम्पक् पिक्खुबा लिसा।
5
सॆःक्ढुङ्पा 4:13
हाङ् टुङ्घङ्पाचि खोम्ठाम् ठालबिहा याॽमिचिऎ पाट्रुस नुङ् युहान्नामि आँटा खाङुचिहाङ् आक्खॆमानुङ् इघाचि पाढाआलिम्पा मिॽमिहा याॽमिचि कामानुङ् लेसुचि। हाङ् खोचिऎ इघा याॽमिचि येसु नुङ्न पेम्मिम्पा खानावाँ लेट्टकुचि।
6
सॆःक्ढुङ्पा 4:32
ह निवाँयुङ् लॆखुबाचि चोब्न निवाँबि एक्कन लिसे काम्नुःर टङ्से पेम्मिम्पा लॆटामि। खोचिनुङ् चुहा चासुम् “ग काम् यो” कामानुङ् मालोयुक्सुचि, टर चोप्पासे हाचायुक्सामि।