פסוקים פופולריים מ- रोमी 7

שתפו

मै परमेश्वरहे धन्यवाद देहतुँ, जे हमार प्रभु येशू ख्रीष्टके माध्यमसे महिन्हे बँचैलाँ। तबेकमारे मै अप्निहीँ अपन मनसे परमेश्वरके देलक मोशक नियम कानुनके सेवा ते करथुँ। पर मोरिक शरीरके अङ्ग भर पापके नियम कानुनके सेवा करत।

काकरेकी महिन्हे पता बा, कि मोरिकमे, अथवा मै पापी मनैयक स्वभावमे कुछु फेन मजा बात वास नै करत। मजा काम करना इच्छा ते मोरिकमे बा, पर उहिहे पूरा करे मै नै सेक्थुँ।

काकरेकी जोन मजा काम करना मै चहथुँ, उ काम मै नै करथुँ। पर जोन नै मजा मै करे नै चहथुँ, वहे काम मै करथुँ।

पर यदि महिन्हे ज्या करना इच्छा नै हो मै वहे काम करम कलेसे उ काम करुइया मै नै हुइतुँ, पर उ काम करुइया मोरिकमे वास करुइया पाप हो।

यम्ने एकथो नियम काम करल कना मै भेटैथुँ। जब मै मजा काम करना चहथुँ, तब् मै वहे काम करथुँ जोन काम खराब बा। काकरेकी मै मोरिक भित्री मनसे परमेश्वरके देहल मोशक नियम कानुनमे बहुत खुशी बतुँ।

और यदि मै ज्या नै चहथुँ वहे खराब काम करथुँ कलेसे मै मानलेथुँ कि मोशक नियम कानुन मजा बा।