פסוקים פופולריים מ- रोमी 3

שתפו

काकरेकी सक्कु जाने पाप करल बताँ, और परमेश्वरके देना महिमासम नै पुगल हुइँत। पर परमेश्वर अपन अनुग्रहसे हम्रिहिन्हे येशू ख्रीष्टके माध्यमसे हमार बहुत पापके दण्डसे छुटैले बताँ। और हम्रे बिना कुछु कर्ले परमेश्वर हम्रिहिन्हे धर्मी बनैले बताँ।

अथवा हम्रे येशू ख्रीष्टमे विश्वास करके परमेश्वरसे धर्मी बनाजिथि। काकरेकी परमेश्वरके लग सक्कु जाने बराबर बताँ।

परमेश्वर ख्रीष्टहे हमार लग बलिदान हुई पठैलाँ। ख्रीष्ट अपन खुन बहैलाँ, ताकि हुँकारमे विश्वास करके हम्रे परमेश्वरके थेन जाई सेकी। और बितल समयमे परमेश्वरके सँस्सा करना और पापीनहे माफ करना सहि रहिन कहिके देखाइक लग ऊ असिके करलाँ। जब ऊ येशू ख्रीष्टहे विश्वास करुइया मनैनहे स्वीकार करथाँ, तब यिहिसे यी फेन देखाइत कि परमेश्वर सहि बताँ।

तबेकमारे मोशक नियम कानुनके पालन करके कौनो फेन मनैया परमेश्वरके नजरमे धर्मी नै ठहरी। काकरेकी मोशक नियम कानुन देखाइत कि हम्रे पापी बती।

जसिके पवित्र शास्त्रमे लिखल बा, “परमेश्वरके नजरमे केऊ फेन धर्मी नै हो, एक जाने फेन नै हुइँत। जात्तिकमे सही बात का हो कहिके बुझुइया एक जाने फेन नै हुइँत। केऊ फेन परमेश्वरहे चिन्हे नै चाहत। उ सक्कु जाने परमेश्वरके थेनसे दोसुर ओहोँर खरकगिल बताँ। ओइने सक्कु जाने परमेश्वरके लग बिनाकामक होगिल बताँ। भलाई करुइया केऊ नै हो, एक जाने फेन नै हुइँत।

तबेकमारे हम्रे जन्थी कि हम्रे मोशक नियम कानुनहे पालन करके नै हो, पर येशू ख्रीष्टहे विश्वास करके किल परमेश्वर हम्रिहिन्हे धर्मी ठहरैथाँ।

हुइहीँ! बिरकुल फेन विश्वासयोग्य हुइहीँ! काकरेकी परमेश्वर हरदम सच बोल्थाँ ताकि हरेक मनै झूँटा ठहरिँत। जसिके पवित्र शास्त्रमे परमेश्वरके बारेमे लिखल बा, “अप्नि अपन वचनमे ठिक ठहरी, और न्याय करेबेर अप्निक जित होए।”